फिलिप्‍पी 3:17 - ह्योल्‍मो

¹⁷ ए आदा-नो़ह दाङ आज्‍यी-नुहमुया़, ख्‍याया़गीॱआङ ङाहगी ल़ेहमु पेहतोङ। ङ्यिह ख्‍याया़गी तेहन्‍दाला या़हबु पे च्‍यी़ काहल्‍दी येहबा। ओ़ह सोङबे ओ़ह पे-ला ते़बे डोलु-तेहलु पेहकेनया़ला ख्‍यागी तिङ ङ्यादोङ।

फिलिप्‍पी 3:17 Referans Kwoze

फिलिप्‍पी 4:9

ङाहगी लोप्‍क्‍योकी तामया़ ता़ह ख्‍यागी स्‍य़े सिहन्‍दी येह, लेहन्‍दी येह ओहले ख्‍यागी थे़ॱआङ थ़ेसीन ओहले ङाहती मिहलीलाॱआङ थोङसीन ता़ह ख्‍याया़गीॱआङ ओ़हदीॱराङ पेहतोङ ओहले स्‍य़िहदे नाङगेन्‍गी किन्‍ज्‍यो ख्‍या ङ्याम्‍बु ज़्‍य़ू नाङज्‍ये येह।

१ कोरिन्‍थी 4:16

ख्‍याया़गी ङाहगी पे त़ेदोङ म़ेदी ङाह ख्‍याया़ला ओहर-छ्य़े स्‍युहउ येह।

१ पत्रुस 5:3

ख्‍यागी जिम्‍माला येहकेनया़ थो़ला ओङ छ्य़ेगे मिहम्‍बा यिहॱनाङ ल़ेह या़हबु पेहती खुङया़गी दिनला पे या़हबु तेन्‍दोङ।

२ थेसलोनिकी 3:9

रो़हराम ज्‍योर्च्‍येला ङ्यिहती ओङ म़ेहबा सोङबे मिहम्‍बा, यिहॱनाङ ङ्यिहगी डोलु-तेहलु ख्‍याया़गी तेहन्‍दाला पे च्‍यी़ ओहङ ख़ूज्‍यु म़ेदी ङ्यिहगी ओ़ह ल़ेहमु पेहसीन।

हिब्रू 13:7

ख्‍याया़ला तोहङस्‍यो किन्‍ज्‍योकी लुहङ तेर्के लोबेनया़ला टेहम्‍बा साल्‍दोङ। खुङया़गी राहङगी मिहलीला पेहक्‍योगी या़हबु ल़ेहया़की तेहन्‍दाला ख्‍यागी नोम्‍साङ ताङदोङ ओहले खुङगी यिह-छ्य़े पेहक्‍यो ल़ेहमुराङ ख्‍याया़गीॱआङ पेहतोङ।

१ तिमोथी 4:12

ज़्‍योम्‍बु येहबा म़ेदी सुज्‍यीगीॱआङ ख्‍येला ङ्येन्‍ज्‍येन पेह माहङ्युहङज्‍यु। यिहॱनाङ किन्‍ज्‍योला यिह छ्य़ेक्‍यो मिहया़की दिनला ख्‍ये राहङगी ताम मालु, डोलु-तेहलु, चेवा, तेहपाला ओहले राहङगी मिहजी चाङमा ज़्‍या़दी मिनाम तेन ख़ूज्‍यु।

२ थेसलोनिकी 3:7

च्‍यिबेमाना ख्‍या फे़बे मे़हमेया़गी काह-ठि पेहती ङ्यिहगी पे ता कोहएँ म़ेदी नि राहङ फ़ेबे-म़ेहमेया़ला थुयी़राङ येह। ङ्यिह ख्‍या फ़ेबे-म़ेहमेॱया ङ्याम्‍बु तेहकेमु ङ्यिहगी ल़ेहमी-लाहम माहबे।

१ कोरिन्‍थी 10:32

सुज्‍यीॱलाङ क्‍येन फो़गेन्‍गी ल़ेह माहबे, ओ़ह यहूदी यिहॱना़ यिहन, ग्रीक यिहॱना़ यिहन, किन्‍ज्‍योगी छेन्‍छोक यिहॱना़ यिहन।

२ थेसलोनिकी 3:14

दि यिहगीला ङ्यिहगी माक्‍योकी तामया़ का़हलेॱआङ सुज्‍यीगीॱआङ मिहङ्यीहन्‍सीमाना ओ़ह ल़ेहमु मिहया़ला या़हबु पेहती ङोहस्‍यी ताङ ज़्‍यो़ ओहले ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम। ओ़हठी पेहसीमाना खो राहङराङ ङोह छाज्‍ये येह।

१ थेसलोनिकी 1:6

ख्‍या फ़ेबे-म़ेहमेया़गी ङ्यिह दाङ चो़वोला पे तासीन, च्‍यिबेमाना नाम्‍पार-ताहक्‍पा थुगी नाङग्‍योकी सुङ ख्‍या फ़ेबे-म़ेहमेया़गी ज्‍यिबुराङ तुहक्‍पुगी ती़हजीॱलाङ सेम काहसो पेहती ल़ेहन नाङसीन।

रोमी 16:17

ए ङाहगी आदा-नो़ह दाङ आज्‍यी-नुहमुया़, ङाह ख्‍याला ओहर-छ्य़े स्‍युहउ येह, ख्‍याया़गी पाहरक्‍यीला ठू़ च्‍य़ूदी खा फ़ेदी डो च्‍य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्‍ज्‍यु जेम्‍बु पेहतोङ। ख्‍याया़गी ज़्‍योरक्‍यो लोप्‍च्‍युङला खुङगी टाह पेहकें। ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम।

१ कोरिन्‍थी 11:1

ओ़ह सोङबे ङाहगी मास्‍यीकाती पे ताक्‍यो ल़ेहमुराङ ख्‍याया़गीॱआङ ङाहती पे त़ेदोङ।