फिलिप्‍पी 2:21 - ह्योल्‍मो

²¹ लेहमेनया़नी राहङला च्‍यी़राङ फेन्‍दोप ओहङगेन्‍की ल़ेहला स्‍य़ूहज्‍येलाराङ ठाबे दु, येशू मास्‍यीकाकी तेहन्‍दाला तुहङाल पेहकेन सुज्‍यीॱआङ म़ेह।

फिलिप्‍पी 2:21 Referans Kwoze

१ कोरिन्‍थी 10:24

सुज्‍यीगीॱआङ राहङगी फेन्‍दोप ताज्‍ये मेहयोहङगे, लेहमेनती फेन्‍दोप ता कोहएँ।

मत्ती 16:24

ओ़ह तिङले येशूगी राहङगी स्‍याहप्‍च्‍यीया़ला सुङ नाङसीन, “त़ेदोङ, का़हन्‍दीॱआङ ङाहगी स्‍याहप्‍च्‍यी डोज्‍ये सेम क्‍य़ेना खोगी राहङलाराङ टेहम्‍बा च्‍य़ेह कोहएँ ओहले राहङगी क्‍याहङस्‍यीङ खुर्ती ङाहला ताहदा क्‍याहप्‍च्‍यु।

फिलिप्‍पी 2:4

ख्‍या थाम्‍ज्‍यीगी राहङला च्‍यी़राङ मिहम्‍बा, यिहॱनाङ लेहमेन मिहया़लाॱआङ या़हबु ओहङज्‍यु माएँ सेम थो़दोङ।

२ तिमोथी 3:2

च्‍यिबेमाना मिहया़ राहङला च्‍यी़राङ निङज्‍यी पेहकें, क्‍युह-नोहरला ह्‍अम्‍बा पेहकें, छ्य़ेन्‍दो तेन्‍गे, राहङ च्‍यी़राङ छ्यिम्‍बु यिहम्‍बा म़ेदी माएँ, किन्‍ज्‍योला स्‍याहम्‍डेन तेन्‍गे, आबा-आमाला ची़नाङ मेहबेकें, गिन म़ेहबा दाङ नाम्‍पार-ताहक्‍पा म़ेहबा

१ कोरिन्‍थी 10:33

ङाहगी पेहक्‍यो ल़ेहमुराङ पेहतोङ। ङाहगी राहङला फेन थो़एँगी ल़ेहया़ पेहच्‍ये माहछोल। यिहॱनाङ ला़ खाजे मिह थाम्‍ज्‍यीगी थार्पा थोप ख़ूज्‍यु माएँ सेम पेहती ङाहगी ख्‍यागी तेहन्‍दालाराङ फेन थो़एँगी ल़ेहया़ पेहच्‍ये छोल्‍ग्‍यो यिहम्‍बा।

१ कोरिन्‍थी 13:5

चेवागी ताम ठोक्‍पु पेहती मेहमाएँ, चेवागी राहङदीराङ तामला मे़हक्‍याहल्‍गे, स्‍यिहताङ ग्‍यो़बा मेहबेकें, चोक्‍पा तामला नाङदा मेहताङगे।

लूका 14:26

“ङाह ङ्याम्‍बु डोज्‍ये सेम पेहकेनया़गी राहङगी आबा-आमा, पी़हमी, पुह-पोहमो, आदा-नो़ह, आज्‍यी-नुहमुया़, ओहले राहङला म़ेदीॱआङ माहङबु ङाहला चेवा पेह कोहएँ मिहन्‍सीमाना खो ङाहगी स्‍याहप्‍च्‍यी ओहङ मी़हखुएँ।

२ तिमोथी 4:10

च्‍यिबेमाना डेमासकी दि ताहन्‍दाकी जाम्‍बुलीङला चेवा पेहती ङाहला क्‍युर्ती खो थेसलोनिकेला काहल्‍दी येह। क्रेसेन्‍स गलातीयाला काहल्‍दी येहबा, ओहले तीतसती दलमातियाला काहल्‍दी येहबा।

२ कोरिन्‍थी 1:5

च्‍यिबेमाना मास्‍यीकागी तुहक्‍पु खुर नाङग्‍यो ल़ेहमुराङ ङ्यिहगीॱआङ मास्‍यीकागी तेहन्‍दाला माहङबु म़ेदी माहङबु तुहक्‍पु खुर्ती येहबा। ओ़हठीॱराङ पेहती किन्‍ज्‍योगी मास्‍यीका लाहमले ङ्यिहला माहङबु म़ेदी माहङबु स्‍य़िहदे नाङदी येहबा।

२ तिमोथी 4:16

तोहङस्‍यो पा़लो ङाहती खाम्‍ज्‍यु चा़ल्‍ती़एँमु सुज्‍यीगीॱआङ ङाह ङो़ले छ्यो़ रुहप्‍ती ताम मे़-माहतेर। थाम्‍ज्‍यीगी ङाहला क्‍युर्सीन। ओ़हगी ङ्य़ेहबा खुङया़ला माह फो़ज्‍यु!

ल़ेह-पेन 15:38

यिहॱनाङ पावलगी “मर्कूसला ङ्याम्‍बु ख्‍येर्ती डोज्‍येला या़हबु मेहयोहङगे” म़ेदी मासीन। च्‍यिबे मासीमाना मर्कूस ल़ेह सिहन्‍दा माहच्‍येह पेहती पाम्‍फिलिया साने़लेगी खुङया़ला क्‍युर ज़्‍या़दी खो लो़ह ओहङग्‍यो येहकें।

ल़ेह-पेन 13:13

पाफोस क्‍याहसालेगी पावल दाङ खोगी रो़हया़ छ्यु-टुहला जा़दे पाम्‍फिलिया साने़की पर्गा माएँ क्‍याहसाला लेप्‍सीन। ओ़हला लेप्‍ती यूहन्‍नागी पावल दाङ बारनाबासला क्‍युर ज़्‍या़दी खो यरूशलेमला लो़ह काहल्‍सीन।

२ तिमोथी 1:15

एशियाले ओहङग्‍योकी किन्‍ज्‍योला यिह छ्य़ेक्‍यो मिह थाम्‍ज्‍यीगी ङाहला गो़ कोर्ती क्‍युर ज़्‍या़दी काहल्‍सीन। ओ़ह केच्‍याया़नी ख्‍येला क्‍यी़हराङ येह। खुङया़ नाहङला फुगेलस दाङ हर्मोगेनस यिहन