फिलिप्‍पी 1:17 - ह्योल्‍मो

¹⁷ यिहॱनाङ ठादो पेहकेनया़गीदी ङाहला चोन-खाङला तोहरोङॱआङ तुहक्‍पु काल तेर्के माएँ नोम्‍साङगी च्‍याहङज्‍यु सेम थो़दी मिहम्‍बा यिहॱनाङ राहङला ख्‍येप्‍साङ ओहङज्‍यु माएँ सेम थो़दी मास्‍यीकाकी तेहन्‍दाला मिहया़ला स्‍येकें।

फिलिप्‍पी 1:17 Referans Kwoze

फिलिप्‍पी 2:3

ख्‍या राहङला च्‍यी़राङ ख्‍येप्‍साङ ओहङगे दाङ छ्य़ेन्‍दो तेन्‍ज्‍येला च्‍यिॱआङ ल़ेहया़ माहबे यिहॱनाङ स्‍यिहवा पेहती राहङ म़ेदी लेहमेन छ्यिम्‍बु यिहन म़ेदी सेमला ने़दोङ।

फिलिप्‍पी 1:7

ख्‍याया़ला नाहम-माना ङाहगी सेम नाहङला ज़्‍या़दी येह। दि ल़ेहमु पेहच्‍येला ङाहला ठाबे ऩेसीन च्‍यिबेमाना ताहन्‍दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्‍याया़गी ङाहला या़हबु लेहङगु स्‍येकेन्‍गी ल़ेहला ओहले दिला सी़दे ज़्‍या़ज्‍येला किन्‍ज्‍योगी नाङग्‍यो दि थाम्‍ज्‍यी काटीनला ख्‍याया़ ङाह ङ्याम्‍बुराङ पी़मा काहल्‍दी येह।

२ तिमोथी 4:16

तोहङस्‍यो पा़लो ङाहती खाम्‍ज्‍यु चा़ल्‍ती़एँमु सुज्‍यीगीॱआङ ङाह ङो़ले छ्यो़ रुहप्‍ती ताम मे़-माहतेर। थाम्‍ज्‍यीगी ङाहला क्‍युर्सीन। ओ़हगी ङ्य़ेहबा खुङया़ला माह फो़ज्‍यु!

१ तिमोथी 2:7

ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।

ल़ेह-पेन 26:24

पावलगी माक्‍यो दि तामया़ थे़दी फेस्‍तसगी क़े तेन्‍दी मासीन, “पावल ख्‍ये ङ्योम्‍बा काहल्‍सीन दु, ख्‍येगी येहन्‍देनगी ख्‍येला ङ्योम्‍बा ज़ोसीन दु” म़ेदी मासीन।

ल़ेह-पेन 26:1

ओहले अग्रिपासगी पावलला मासीन, “ख्‍ये राहङगी तेहन्‍दाला ताम मा ख़ूएँ।” ओहजेला पावलगी राहङगी लाहक्‍पा क्‍या़दी राहङला थार च्‍य़ूज्‍येला दि ल़ेहमु पेहती ताम माज्‍ये छू़सीन–

ल़ेह-पेन 22:1

“क़ेहङगेन दाङ आदा-नो़हया़, राहङ फे़बेया़गी दिनला ङाहगी राहङगी तेहन्‍दाला मा कोहएँगी ताम सेन नाङदोङ!” म़ेदी पावलगी मासीन।

लूका 21:14

ओहलेगी थार्च्‍येला च्‍यि मा कोहएँ म़ेदी तोहङले तुहङाल माहबेबा पेहती सेम ज़ुङदी तेह!

रोमी 2:8

लाहला मिहया़गी राहङला च्‍यी़राङ निङज्‍यी पेहकें, तेहन्‍दामला मी़हचीएँ ओहले ल़ेह ङ्येहम्‍बाया़ पेहती डोएँ। ओ़ह ल़ेहमु मिहया़ किन्‍ज्‍योकी राहङगी मेह पाहरक्‍यो ल़ेहमु थुयालला छ्यिच्‍ये येह।

फिलिप्‍पी 1:18

च्‍यि यिहॱना़ यिहन ङाह दिगी तेहन्‍दाला क़ेहनाङ पेहकें। सेम या़हबु थो़दी यिहॱना़ यिहन्‍ज्‍यु, सेम चोक्‍पा थो़दी यिहॱना़ यिहन्‍ज्‍यु ना थाम्‍ज्‍यीले मास्‍यीकाकी तेहन्‍दालाराङ लेहङगु फेल्‍दी येह।

२ तिमोथी 2:9

ओ़ह या़हबु लेहङगु मिहया़ला स्‍य़ेक्‍यो सोङबे ङाहगी तुहक्‍पु खुर कोहक्‍यो यिहम्‍बा। ओहजे च्‍यी़राङ मिहम्‍बा, मिह नाहग-च्‍येनला ल़ेहमुराङ पेहती च्‍याल्‍दागी ताहम्‍दी चोन-खाङला तेह के़हदी येहबा। यिहॱनाङ किन्‍ज्‍योगी लुहङनी च्‍याल्‍दागी ताहम्‍दी ज़्‍या़ मी़हखुएँ