फिलेमोन 1:8 - ह्योल्‍मो

⁸ ख्‍येगी च्‍यि पेह कोहकें यिहम्‍बा, ओ़ह पेहच्‍येला ख्‍येला का तेर्च्‍येला मास्‍यीकाला ङाहला स्‍युक येहॱनाङ,

फिलेमोन 1:8 Referans Kwoze

१ थेसलोनिकी 2:6

मास्‍यीकाकी ल़ेह-पेन यिहन्‍गे सोङबे ङ्यिहगी ख्‍या फ़ेबे-म़ेहमेॱया थो़ला ओङ छ्य़े ख़ूज्‍ये येहकें। यिहॱनाङ ङ्यिहला मिहया़गी ची़नाङ पेहच्‍यु म़ेदी ङ्यिहगी माहछोल, ख्‍या लाहमलेॱआङ छोल्‍दी म़ेह ओहले लेहमेन मिह लाहमलेॱआङ छोल्‍दी म़ेह।

२ कोरिन्‍थी 10:8

ख्‍याला नोङज्‍येगी तेहन्‍दाला मिहम्‍बा, यिहॱनाङ ख्‍याला याहरक्‍यी ख्‍येर्च्‍येला चो़वोगी ङ्यिहला ओङ नाङदी येह। दि ओङगी तेहन्‍दाला ङाहगी कोहकें म़ेदी माहङबु छ्य़ेन्‍दो तेनॱनाङ ङाह ङोह मेहछाएँ।

२ कोरिन्‍थी 3:12

ओ़ह सोङबे ङ्यिहती दि ल़ेहमु रेहवा येहकें सोङबे ङ्यिह तेहन्‍दामकी तामया़ स्‍येच्‍येला मी़हज्‍यी़एँ।

१ थेसलोनिकी 2:2

ख्‍या फ़ेबे-म़ेहमेॱया साला ओहङगे म़ेदी तोहङले फिलिप्‍पीकी मिहया़गी ङ्यिहला आब्रु तेन्‍दी ज्‍यिबुराङ तुहक्‍पु तेर्सीन। दि केच्‍याॱआङ ख्‍या फ़ेबे-म़ेहमेया़ला थुयी़राङ येह। मिहया़गी ङ्यिहला ज्‍यिबुराङ टाह पेहॱनाङ किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍येच्‍येला ङ्यिहला किन्‍ज्‍योगीॱराङ स्‍युक क्‍ये च्‍य़ू नाङसीन।

एफिसी 5:4

ङोहजाकी तामया़, उल्‍दुम्‍बाकी तामया़ ओहले फेन मेहथोएँकी स्‍या़ क्‍याहप्‍केन्‍गी तामया़ माहमा, दि पे मी़हसीहएँकी तामया़ यिहम्‍बा। यिहॱनाङ ओ़हगी छापला ख्‍येगी ल़ेह किन्‍ज्‍योला थुज्‍यी-छ्ये़ फुल्‍गेन्‍दी ओहङज्‍यु।

२ कोरिन्‍थी 11:21

यिहॱनाङ ङ्यिह मा-फाम्‍बु येहकें सोङबे ओ़ह ल़ेहमु पेह मा़हखु, ओहले ङाह ङोह छा कोहसीन। यिहॱनाङ सुज्‍यीगी च्‍यिरा तामला छ्य़ेन्‍दो तेन्‍सीमाना, ङाहॱआङ ओ़ह तामला छ्य़ेन्‍दो तेन्‍गे। यिहम्‍बा, ङाह उल्‍दुम्‍बा ल़ेहमुराङ ताम माएँ।