मर्कूस 9:12 - ह्योल्‍मो

¹² ओहले येशूगी सुङ नाङसीन, “तेहम्‍बाराङ यिहम्‍बा, एलिया तोहङले ओहङदी थाम्‍ज्‍यीराङ ठाबे ज़ो कोहच्‍ये येह। ओ़ह सोङबे मिहगी स़ेबुगी माहङबुराङ तुहक्‍पुया़ ना़ कोहच्‍ये येह, ओहले मिह थाम्‍ज्‍यीगी खोला ङ्येन्‍ज्‍येन पेहच्‍ये येह माएँ तामया़दी सुङरापला च्‍यिबे प्रुहक्‍यो यिहम्‍बा नि?

मर्कूस 9:12 Referans Kwoze

लूका 23:11

हेरोदगी राहङगी माक्‍मीया़ ङ्याम्‍बु डी़दी येशूला नाम्‍दो पेहती स्‍ये़हन्‍डील पेहसीन। ओहले येशूला क्‍याहल्‍बुगी नोम्‍गे ल़ेहमु नाहम्‍सा केन तेर्ती पिलातस सालाराङ लो़ ताङसीन।

लूका 1:76

ता़ह ए ङाहगी पुह, ख्‍येलानी चा़ छ्यिम्‍बुगी लुहङतेम्‍बा माज्‍ये येह, च्‍यिबेमाना ख्‍ये चो़वो छ्येवागी तोहङदा-तोहङ लाहम साल्‍ज्‍येला डोज्‍ये येह,

लूका 23:39

येशू ङ्याम्‍बुराङ च्‍याङग्‍योगी मिह नाहग-च्‍येन ङ्यी़ पाहरक्‍यीले च्‍यी़गी स्‍ये़हन्‍डील पेहते दि ल़ेहमु मासीन, “च्‍यि ख्‍येराङ थार्पा थोप च्‍य़ू नाङगेन्‍गी क्‍याहल्‍बु मास्‍यीका मिहन ले? ओ़ह ल़ेहमु यिहन्‍सीमाना ख्‍ये राहङगी राहङला थार च्‍य़ूदोङ ओहले ङ्यिहॱलाङ थार च्‍य़ूदोङ!”

मत्ती 26:24

सुङरापला प्रुहक्‍यो ल़ेहमुराङ मिहगी स़ेबुनी डोॱराङ कोहएँ। यिहॱनाङ काहजे छा़ तुहवा ओ़ह मिहला, का़हन्‍दीगी मिहगी स़ेबुला ज़ुङ च्‍य़ूगे। खोनी तोहरोङ क्‍येॱराङ मा़हक्‍येबा येहना या़हबु ओहङज्‍ये येहकें!”

मत्ती 16:21

ओ़ह ती़हजी यिहन्‍ज्‍यु येशूगी राहङगी स्‍याहप्‍च्‍यीया़ला राहङगी खुर कोहकेन्‍गी तेहन्‍दाला थेका सिरेराङ सुङ नाङज्‍ये छ़ूसीन। येशूगी सुङ नाङसीन, “ङाहगी यरूशलेमला काहल्‍दी एल्‍डरया़, पूजाहारी छ्यिम्‍बुया़ दाङ छ्य़े-ठिमकी लोबेनया़लेगी तुहक्‍पु खुर कोहच्‍ये येह, ओहले तिङले स्‍यि कोहच्‍ये येह, यिहॱनाङ स्‍याहक्‍पु सुमलादी ङाह येहपाराङ स्‍यिक्‍योलेगी सोम्‍बो लाहङज्‍ये येह।”

मर्कूस 9:13

त़ेदोङ, ङाह ख्‍याला माएँ, एलियानी ओहङ सिहन्‍दी येह। खोगी तेहन्‍दाला सुङरापला प्रुहक्‍यो ल़ेहमुराङ मिहया़गी खोला सेमला ने़जेबा पेहसीन।”

मर्कूस 9:31

च्‍यिबेमाना येशूगी राहङगी स्‍याहप्‍च्‍यीया़ च्‍यी़लाॱराङ लोप्‍चे थुला ठुङदी येहकें। येशूगी खुङया़ला सुङ नाङसीन, “मिहगी स़ेबुला ज़ुङदी मिहया़गी लाहक्‍पाला चि क्‍याहप्‍च्‍ये येह। खुङया़गी खोला सेच्‍ये येह, यिहॱनाङ स्‍यिक्‍योगी ङ्यिहमा सुम तिङले खो येहपाराङ सोम्‍बो लो़हज्‍ये येह।”

मर्कूस 10:33

“ङ्यिहन्‍दोङ, ओहराङ यरूशलेमला डोएँॱराङ येहबा। ओ़हला लेप्‍ती मिहगी स़ेबु पूजाहारी छ्यिम्‍बु दाङ छ्य़े-ठिम ताङगे लोबेनया़गी लाहक्‍पाला चि क्‍याहप्‍च्‍ये येह। खुङगी खोला से कोहकें म़ेदी लेहमेन क्‍यिहपागी मिहया़गी लाहक्‍पाला चि क्‍याहप्‍च्‍ये येह।

ल़ेह-पेन 1:6

ओहले खुङ फ़ेबेॱया जोम्‍दी ज़्‍य़ूगेमु ल़ेह-पेनया़गी येशूला स्‍युहसीन, “चो़वो छ्येवा ला़ह, च्‍यि राहङगी दि ती़हजीलाॱराङ ओहराङ इस्राएल क्‍याहल-खापला खा फे़ नाङगे?”

ल़ेह-पेन 4:11

येशूगी तेहन्‍दाला सुङरापला दि ल़ेहमु म़ेदी प्री़हदी येह– चिक्‍सो-खे़बाया़गी फेन मे़हथोएँ म़ेदी क्‍युर ज़्‍या़क्‍योगी तोह, तिहरीङ ओ़ह तोहॱराङ ब्रामकी सुहर-तोह काहल्‍सीन।