मर्कूस 8:22 - ह्योल्‍मो

²² खुङ फ़ेबेॱया बेथसेदा युहलला लेप नाङगेमु मिहया़गी मी़ मेहथोङगेन मिह च्‍यी़ ख्‍योङदी, “खोला राहङगी छ्या़गी दे़ नाङदोङ लाह” म़ेदी येशूला स्‍युहसीन।

मर्कूस 8:22 Referans Kwoze

मत्ती 11:21

“ए खोराजीन दाङ बेथसेदागी मिहया़, ख्‍याया़ काहजे छा़ तुहवा! ख्‍याया़गी पाहरक्‍यीला पेहक्‍योगी याहम्‍जेन छ्येवागी ल़ेहया़ टुरोस दाङ सीदोन लुहङबाला पेहपा यिहनानी खुङया़गी तोहङलेराङ फाजीगी काप्‍च्‍या केहन्‍दी थाला की़दी सेमगी स्‍या़बा पेहती तिहक्‍पा पाङज्‍ये येहकें।

मर्कूस 6:45

ओहले येशूगी लाहम्‍साङराङ स्‍याहप्‍च्‍यीया़ला टुह-छ्युङला जा़दी छोगी फार्केन देपकी बेथसेदा माएँ युहलला ताङ चाहङ नाङसीन। येशू राहङदी मिहया़ला कोहङबा नाङज्‍येला ओ़हलाराङ ज़्‍य़ू नाङसीन।

लूका 10:13

“ए खोराजीन दाङ बेथसेदा क्‍याहसाकी मिहया़, ख्‍या काहजे छा़ तुहवा! च्‍यिबेमाना ख्‍यागी पाहरक्‍यीला पेहक्‍योगी याहम्‍जेन छ्येवाया़गी ल़ेहया़ टुरोस दाङ सीदोन क्‍याहसाला पेहपा यिहनानी, ओ़ह क्‍याहसाकी मिहया़गी सेमगी स्‍या़बा पेहती तिहक्‍पा पाङज्‍ये येहकें। ओहले फाजी केहन्‍दी गो़ला थाला कुज्‍ये येहकें।

यूहन्‍ना 12:21

खुङगी गालील साने़की बेथसेदा माएँ युहलले ओहङग्‍योकी फिलिप साला ओहङदी मासीन, “लाहसो लाह, ङ्यिह येशूला ज्‍याल्‍ज्‍ये म़ेदी ओहङग्‍यो यिहम्‍बा।”

यूहन्‍ना 1:44

अन्‍द्रियास दाङ पत्रुस ल़ेहमुराङ फिलिपॱआङ बेथसेदा क्‍याहसादी यिहन्‍गे।

मर्कूस 2:3

ओहले ओ़ह ती़हजीलाराङ मेहन्‍दा ज़्‍यिगी ओङबु स्‍योरक्‍यो मिह च्‍यी़ला खुर्ती ओ़हला लेप्‍सीन।

मत्ती 8:15

ओहले येशूगी मोहगी लाहक्‍पाला ज़ुङ नाङ फान्‍ज्‍यो मोहला छावागी ताङसीन, ओहले मोह लाहङदी खुङ फे़बेया़ला डोम्‍बो क्‍योङसीन।

मत्ती 9:29

ओहले येशूगी खुङ ङ्यी़गी मी़ला दे़ नाङदी, “ख्‍याया़गी यिह-छ्य़े पेहक्‍यो ल़ेहमुराङ ओहङज्‍यु!” म़ेदी सुङ नाङसीन।

मत्ती 8:3

ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ख्‍ये टा़हज्‍यु म़ेदी ङाहगी सेमला क्‍ये़दी येहबा।” ओ़हजेलाराङ ओ़ह जे-ने़ह थेन्‍ग्‍योगी मिह टा़हसीन।

लूका 9:10

ल़ेह-पेनया़ या़हबु लेहङगु स्‍येती लो़ह ओहङसीम्‍बाराङ खुङगी च्‍यि च्‍यि पेहपा ओ़हदी येशूला स्‍येसीन। ओहले येशूगी खुङया़ला बेथसेदा क्‍याहसाला नोम फेप नाङसीन।

मत्ती 14:36

ओहले येशूला दि ल़ेहमु म़ेदी स्‍युहसीन, “ओ़ह नेहपाया़ला राहङगी नाहम्‍सागी सुहर च्‍यी़ला येहॱनाङ दे़ च्‍य़ू नाङदोङ।” येशूगी नाहम्‍सा दे़गेया़ थाम्‍ज्‍यीराङ टा़हसीन।

मर्कूस 3:10

येशूगी मिह थाम्‍ज्‍यीलाराङ टा़ह च्‍य़ू नाङग्‍यो येहकें। ओ़ह सोङबे नेहपाया़गी येशूला दे़ज्‍ये म़ेदी फूल-फूल चे़दी ओहङसीन।