मर्कूस 8:2 - ह्योल्‍मो

² “दि मिहया़ला थोङदी ङाहला ज्‍यिबुराङ निङ च्‍येहसीन। दि मिहया़ ङाह ङ्याम्‍बुराङ तेहती तिहरीङ ङ्यिहमा सुम काहल सिहन्‍सीन। ता़ह खुङया़गी साहज्‍ये से़हया़ॱआङ चो़ह सिहन्‍दी येह।

मर्कूस 8:2 Referans Kwoze

मत्ती 9:36

मिह मिह-माहङला ज़ी़दी येशूगी थु निङज्‍यीगी काहङसीन च्‍यिबेमाना खुङया़नी कोहरोवा म़ेहबागी ल़ूहया़ ल़ेहमुराङ आला ख्‍याम्‍दी लिहते येहकें।

हिब्रू 5:2

ओहले खोगी च्‍यिॱआङ क्‍यी़ह म़ेहबा दाङ लाहम जोल्‍ग्‍योया़ला स्‍यिहवा पेहती लोप्‍ताम क्‍याहप ख़ूएँ च्‍यिबेमाना खो राहङॱआङ मा-फाम्‍बु ओहङगे।

हिब्रू 4:15

च्‍यिबेमाना ओहराङ मा-फाम्‍बु डोएँमु ओहराङगी गो-छ्येवा पूजाहारीगी ओहराङला सेम सो च्‍य़ू नाङ ख़ूएँ। ओहराङ ल़ेहमुराङ मिहरोॱआङ थाम्‍ज्‍यीराङ से़हया़ला ङ्याहम्‍छेला छ्यि नाङसीन, यिहॱनाङ मिहरोगी तिहक्‍पा च्‍यिॱआङ जे माहनाङ।

लूका 15:20

“ओ़ह तिङला खो लाहङदी आबासाला लो़ह काहल्‍सीन। आबागी खोला था़-रिहङबुले ओहङगेॱराङ पेहक्‍यो थोङसीन। ओहले आबागी सेम, निङज्‍यीगी काहङदी ओहङसीन ओहले आबा राहङ पुहला थुज्‍येला छ्योङदी काहल्‍सीन, ओहले ज्‍यिबुराङ क़ेहनाङ लाहङदी राहङ पुहला प्राहङज्‍या ताप्‍ते च्‍युक पेहसीन।”

लूका 7:13

ओहले ओ़ह ह्‍युग्‍मोगी क्‍यिदु ज़ी़दी चो़वो छ्येवा येशूगी थु ङ्युङदी ओहङसीन, ओहले येशूगी, “ख्‍ये माहङुह” म़ेदी सुङ नाङसीन।

मर्कूस 9:22

“ल्‍हेन्‍डीगी खोला नाहम मेहला छ्यि च्‍य़ूज्‍ये छोल्‍गो येहकें नाहम छ्युला छ्यि च्‍य़ूदी सेच्‍ये छोल्‍गो येहकें। राहङगी जे थुप्‍सीमाना ङाह थो़ला निङज्‍यी जे-नाङदी ङाहला रो़हराम जे नाङदोङ नाह लाह! म़ेदी स्‍युहसीन।”

मर्कूस 6:34

ओहले येशू टुह-छ्युङले फाप नाङगेमु मिह मिह-माहङया़गी राहङला कू़हदी तेहक्‍यो ज़ी़दी येशूगी थु निङज्‍यीगी काहङदी ओहङसीन च्‍यिबेमाना खुङया़ ताहक्‍पु म़ेहबागी ल़ूहया़ ल़ेहमु येहकें। ओहले येशूगी खुङया़ला माहङबुराङ तामया़गी तेहन्‍दाला सुङ ख्‍येप्‍टा नाङज्‍ये छ़ूसीन।

मर्कूस 5:19

यिहॱनाङ येशूगी खोला राहङ ङ्याम्‍बु ओहङ च्‍य़ू माहनाङ ओहले येशूगी खोला दि ल़ेहमु सुङ नाङसीन, “ता़ह ख्‍ये राहङगी खाङबाला सोङ ओहले किन्‍ज्‍योगी ख्‍येला जे नाङग्‍यो निङज्‍यी दाङ किन्‍ज्‍योगी जे नाङग्‍योगी थाम्‍ज्‍यीराङ केच्‍याया़गी तेहन्‍दाला राहङगी ङयेहवाया़ला स्‍येतोङ।”

मर्कूस 1:41

दि सेन्‍दी येशूगी थुला निङ च्‍येहसीन ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ङाहगी सेमला ने़क्‍यो ल़ेहमुराङ ख्‍ये टा़हज्‍यु।”

मत्ती 20:34

येशूगी थु निङज्‍यीगी काहङदी ओहङसीन ओहले येशूगी खुङ ङ्यी़गी मी़ला दे़ नाङसीन। ओ़ह ती़हजीलाराङ खुङ ङ्यी़गी मी़ थोङ ख़ूएँ काहल्‍सीन ओहले येशूला ताहदा क्‍याहप्‍ती काहल्‍सीन।

मत्ती 14:14

येशू टुह-छ्युङलेगी फाप नाङगेमु मिह मिह-माहङया़गी राहङला कू़हदे तेहक्‍यो ज़ी़ नाङसीन। ओ़ह मिह मिह-माहङला ज़ी़ नाङदी येशूगी थु निङज्‍यीगी काहङदी ओहङसीन ओहले येशूगी ओ़हला येहकेन्‍गी नेहपाया़ला टा़ह च्‍य़ू नाङसीन।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।

मर्कूस 6:32

ओ़ह सोङबे खुङ फ़ेबेॱया टुह-छ्युङला जा़दी ग्‍या़ यिङबुच्‍यीला फेप नाङसीन।

मर्कूस 8:3

ता़ह खुङला साहएँ स़ेह च्‍यिॱआङ माहतेर्पा पेहती लो़ ताङज्‍ये माना नि खुङ तो़दी लाहमलाराङ लुङला डोरो। त़ेदोङ, काहजेनी था़-रिहङबुले ओहङदी येहबा” म़ेदी येशूगी सुङ नाङसीन।