मर्कूस 7:5 - ह्योल्‍मो

⁵ ओ़ह सोङबे फरिसी दाङ छ्य़े-ठिमकी लोबेनया़गी येशूला, “च्‍यिबे राहङगी स्‍याहप्‍च्‍यीया़गी आख्‍ये मे़हमेया़गी पे-ठिमला मा़हचीबा पेहती लाहक्‍पा मा़हठीबाॱराङ साहज्‍ये से़हया़ साहएँ?” म़ेदी टी़हसीन।

मर्कूस 7:5 Referans Kwoze

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।

ल़ेह-पेन 21:21

‘ता़ह यिहन्‍ज्‍यु मोशागी छ्य़े-ठिम ङ्यिहन मेहकोएँ ओहले पेहजाया़गी स्‍या-ताक पेह मेहकोएँ ओहले यहूदी ठिमया़ ची़ मेहकोहएँ’ म़ेदी ख्‍येगी लेहमेन क्‍यिहपाया़गी पाहरक्‍यीला तेहकेन्‍गी यहूदीया़ला लोप्‍को येहबा लो माएँ ताम खुङया़गी थ़े सिहन्‍दी येह।

गलाती 1:14

ङ्यिहगी क्‍यिहपाला, यहूदी छ्य़े ची़गेया़ नाहङला ङाहगी स्‍यार-च्‍युङकी रो़हया़ म़ेदी ङाह माहङबुराङ तोहङले येहकें। ङाहती आख्‍ये मे़हमेया़गी पे-ठिमला ङाह स्‍यिङ्याल कोङ्याल पेहती ची़उ येहकें।

ल़ेह-पेन 21:24

खुङया़गी छ्येतेन ज़्‍या़क्‍यो ती़हजी सिहन्‍सीन। ता़ह राहङ खुङला नोम फेप्‍ती छ्योखाङला फेप नाङदोङ ओहले राहङगीॱआङ खुङ ङ्याम्‍बुराङ ज़ुबु चाङमा डोएँगी छ्या़लेया़ जे नाङदोङ। ओहले डोसोङती राहङगीराङ च्‍याल नाङदोङ ओहले खुङया़ला कोह टा प्रा़हज्‍यु नाङदोङ। दि ल़ेहमु पेहती राहङगी छ्य़े-ठिम ङ्यिहन्‍ग्‍यो थोङदी राहङला केन्‍ग्‍योगी ङ्य़ेहबा तेहन्‍दाम मिहम्‍बा दुबा म़ेदी थाम्‍ज्‍यीगी क्‍यी़ह ज्‍योर्च्‍ये येह।

मत्ती 15:2

“राहङगी स्‍याहप्‍च्‍यीया़गी ताहङबो आख्‍ये मे़हमेया़ यिहन्‍ज्‍यु ची़नाङ डुप्‍ती ओहङग्‍योगी पे-ठिमया़ च्‍यिबे मी़हचीएँ? खुङया़गी तो साहएँ म़ेदी तोहङले लाहक्‍पा ठुएँगी ठिम आङ मी़हचीएँ।”

रोमी 4:12

अब्राहाम स्‍या-ताक पेहक्‍यो मिहया़ती च्‍यी़राङ आबा मिहम्‍बा यिहॱनाङ अब्राहामगी स्‍या-ताक पेहकें म़ेदी तोहङले किन्‍ज्‍योला तेहपा पेहती काह-ठि मिहजी ताङग्‍यो येहकें ओ़हठीॱराङ पेहती किन्‍ज्‍योला तेहपा पेहती मिहजी ताङगे मिहया़दीॱआङ आबा यिहम्‍बा।

२ थेसलोनिकी 3:11

च्‍यिबेमाना ख्‍या फ़ेबे-म़ेहमेॱया नाहङॱलाङ लाहला ल़ेहमी-लाहम पेहती तेहकेया़ॱआङ येहबा लो। ओहले राहङदी च्‍यिॱआङ ल़ेहया़ मेहबेकें यिहॱनाङ लेहमेनकी ल़ेहला मानादी स्‍यिती काम्‍बुला लाहक्‍पा क्‍याहप्‍ती डोएँ मिहया़ॱआङ येहबा लो म़ेदी ङ्यिहगी थ़ेसीन।

मर्कूस 7:8

तेहम्‍बाराङ ख्‍यागी किन्‍ज्‍योगी काला क्‍याहपला क्‍युर्ती मिहया़गी ज़ोक्‍योगी पे-ठिमया़ गा ची़उ दु” म़ेदी येशूगी सुङ नाङसीन।

मर्कूस 7:9

ओहले येहपाराङ येशूगी सुङ नाङसीन, “राहङगी ज़ोक्‍योगी ठिम्‍दाया़ ची़ज्‍ये म़ेदी किन्‍ज्‍योगी नाङग्‍योगी काया़ला गोम्‍दी तेहच्‍येला ख्‍या ज्‍यिबुराङ ख़ेबा दु!

मर्कूस 7:13

दि ल़ेहमु पेहती ख्‍या राहङगी पे-ठिमगी तिङ ङ्ये़दी किन्‍ज्‍योगी काया़ला फेन मे़हथोएँ ज़ोएँ ओहले ओ़ह ल़ेहमु लेहमेन माहङबुराङ से़हया़ ख्‍यागी पेहकेनॱराङ येहबा।”