मर्कूस 7:13 - ह्योल्‍मो

¹³ दि ल़ेहमु पेहती ख्‍या राहङगी पे-ठिमगी तिङ ङ्ये़दी किन्‍ज्‍योगी काया़ला फेन मे़हथोएँ ज़ोएँ ओहले ओ़ह ल़ेहमु लेहमेन माहङबुराङ से़हया़ ख्‍यागी पेहकेनॱराङ येहबा।”

मर्कूस 7:13 Referans Kwoze

मर्कूस 7:9

ओहले येहपाराङ येशूगी सुङ नाङसीन, “राहङगी ज़ोक्‍योगी ठिम्‍दाया़ ची़ज्‍ये म़ेदी किन्‍ज्‍योगी नाङग्‍योगी काया़ला गोम्‍दी तेहच्‍येला ख्‍या ज्‍यिबुराङ ख़ेबा दु!

तीतस 1:14

ओ़हठी पेहसीमाना च्‍यी़राङ तेहन्‍दामकी स्‍याहलला मी़हचीएँ मिहया़गी का दाङ तेहन्‍दा म़ेहबा यहूदीया़की पेतामया़ला ची़ज्‍ये म़ेह।

मर्कूस 7:3

फरिसीया़ दाङ थाम्‍ज्‍यी यहूदीया़गी खुङया़गी आख्‍ये मे़हमेया़गी ज़ोक्‍यो ठिमला ल़ेहमु लाहक्‍पा मा़हठी़बा पेहती साहज्‍ये से़हया़ मेहसाह येहकें।

मत्ती 15:6

खोगीदी राहङगी आबा-आमाला स्‍याहप्‍तो स्‍युह मेहकोएँ। दि ल़ेहमु पेहती ख्‍याया़ राहङदीराङ पे-ठिम ङो़ले ग्‍युर्ती ख्‍याया़गी किन्‍ज्‍योगी काला फेन मे़हथोएँ ज़ोसीन।

गलाती 5:21

लेहमेन मिहया़ याहरक्‍यी काहल्‍ग्‍यो थोङगेमु सेम छी़गे, छ्याङसीवा, याम-थेर्पु लुया़ लेहन्‍दी छ्याम्‍गे, ज़िगे से़हया़ थुङदी छ्येउ-छ्येंमु पेहती खाम्‍साङ-ङ्याहम्‍साङ पेहकें ओहले लेहमेनॱआङ दि ल़ेहमुराङ तिहक्‍पागी ल़ेहया़ पेहकेन मिहया़ किन्‍ज्‍योगी क्‍याहल्‍सी नाहङला स्‍य़ूहज्‍येला ओङ ज्‍योर्च्‍ये म़ेह। दिगी तेहन्‍दाला ङाहगी तोहङलेॱआङ ख्‍याया़ला ठो़ पेहती माक्‍यो येहकें ओहले ताहन्‍दाॱआङ माएँराङ येहबा।

मर्कूस 7:5

ओ़ह सोङबे फरिसी दाङ छ्य़े-ठिमकी लोबेनया़गी येशूला, “च्‍यिबे राहङगी स्‍याहप्‍च्‍यीया़गी आख्‍ये मे़हमेया़गी पे-ठिमला मा़हचीबा पेहती लाहक्‍पा मा़हठीबाॱराङ साहज्‍ये से़हया़ साहएँ?” म़ेदी टी़हसीन।

मर्कूस 7:12

ओ़ह सोङगोराङ खोगीदी राहङगी आबा-आमाला स्‍याहप्‍तो स्‍युह मेहकोहएँ म़ेदी का़गे!

मर्कूस 7:14

ओहले येशूगी मिह मिह-माहङया़ला येहपाराङ क़े क्‍याहप्‍ती सुङ नाङसीन, “ता़ह, ख्‍या थाम्‍ज्‍यीगीराङ ङाहगी ताम या़हबु पेहती ङ्यिहन्‍दी ह्‍अ के़हदोङ।

गलाती 1:14

ङ्यिहगी क्‍यिहपाला, यहूदी छ्य़े ची़गेया़ नाहङला ङाहगी स्‍यार-च्‍युङकी रो़हया़ म़ेदी ङाह माहङबुराङ तोहङले येहकें। ङाहती आख्‍ये मे़हमेया़गी पे-ठिमला ङाह स्‍यिङ्याल कोङ्याल पेहती ची़उ येहकें।