मर्कूस 5:9 - ह्योल्‍मो

⁹ ओहले येशूगी, “ख्‍येगी मिहन च्‍यि यिहम्‍बा?” म़ेदी टी़ह नाङगेमु, “ङाहगी मिहन बुङजी यिहम्‍बा, ङ्यिहनी माहङबुराङ येहबा!” म़ेदी खोगी मासीन।

मर्कूस 5:9 Referans Kwoze

लूका 8:30

ओहले येशूगी खोला, “ख्‍येगी मिहन च्‍यि यिहम्‍बा?” म़ेदी टी़ह नाङसीन। “ङाहगी मिहन बुङजी यिहम्‍बा” म़ेदी खोगी स्‍युहसीन। च्‍यिबेमाना, खोला ल्‍हेन्‍डी माहङबुराङ स्‍य़ूहदी येहकें।

मर्कूस 5:15

ओहले येशूसाला लेप्‍ती खुङगी ओ़ह ल्‍हेन्‍डी माहङबु स्‍य़ूहक्‍योगी मिह टा़हदी, काप्‍च्‍या केहन्‍दी येशू पोहला तेहक्‍यो थोङसीन। दि थोङदी खुङया़ ज्‍यी़सीन।

मत्ती 26:53

ङाहगी लाङबा यिहनानी ङाहगी याहपगी ङाहला नाहरेराङ ॱठि दाङ ठिले माहङा स्‍यिहङगामगी स्‍याहप्‍च्‍यीया़ ताङ नाङज्‍ये येहकें। च्‍यि ख्‍येगी दि ओहङ मी़हखुएँ म़ेदी साम्‍लु क्‍येउ दुबा?

मत्ती 12:45

दि थोङदी खो काहल्‍दी राहङ म़ेदीॱआङ चोक्‍पा ल्‍हेन्‍डी तिहन थाल ख्‍योङदी ओहङगे ओहले खुङया़ ओ़ह नाहङला स्‍य़ूहदी तेहकें ओहले ओ़ह मिहगी च्‍याहवादी तोहङले म़ेदीॱआङ तोहरोङ चोक्‍पा ओहङगे। दाङ-तिहरीङगी मिह ङ्येहम्‍बाया़गी च्‍याहवाॱआङ ओ़ह ल़ेहमुराङ ओहङज्‍ये येह।”

मर्कूस 5:8

च्‍यिबेमाना येशूगी ओ़ह मेहचाङा नाम्‍स्‍यीला तोहङलेराङ थेन्‍दी स्‍यो म़ेदी सुङ नाङग्‍यो येहकें।

मर्कूस 5:10

ओहले ओ़ह मेहचाङा नाम्‍स्‍यीगी येशूला रे़हदी, “ङ्यिहला दि युहलले ङेती ताङ माहनाङ!” म़ेदी स्‍युहसीन।