मर्कूस 3:7 - ह्योल्‍मो

⁷ ओ़ह तिङला येशू राहङगी स्‍याहप्‍च्‍यीया़ ङ्याम्‍बु गालील साने़की छो-क्‍याहम्‍जोगी सुहरला फार फेप नाङसीन ओहले मिह माहङबुराङ येशूला ताहदा क्‍याहप्‍ती ओहङसीन।

मर्कूस 3:7 Referans Kwoze

लूका 6:17

ओहले येशू ल़ेह-पेनया़ ङ्याम्‍बु काहङदोलेगी माहर फाप्‍ती थाङगा च्‍यी़ला लेप नाङसीन। ओहजेला ओ़हला स्‍याहप्‍च्‍यी माहङबुराङ जोम्‍दी तेहती येहकें, ओहले यहूदीया साने़की मिह, यरूशलेम क्‍याहसाकी मिह, छो-क्‍याहम्‍जोकी सुहरला येहकेन टुरोस दाङ सीदोन क्‍याहसाकी मिहॱआङ माहङबुराङ जोम्‍दी येहकें।

मत्ती 4:25

ओहले गालील, डेकापोलिस, यरूशलेम, यहूदीया दाङ यर्दन चाङबुगी फार्केन यिहन्‍ज्‍युगी मिह-माहङ छ्यिम्‍बुज्‍यी येशूगी तिङ ङ्यादी ओहङसीन।

मत्ती 12:15

ओ़ह ताम येशूगी ङोह ख्‍येन्‍दी येशू ओहलेगी फेप नाङसीन, ओहले मिह माहङबुराङ येशूला ताहदा क्‍याहप्‍ती काहल्‍सीन, ओहले येशूगी खुङ थाम्‍ज्‍यीलाराङ टा़ह च्‍य़ू नाङसीन,

लूका 23:5

यिहॱनाङ खुङया़गी क़े तेन्‍दी मासीन, “दि मिहगी गालील साने़लेगी छ़ूदी थाम्‍ज्‍यीराङ यहूदीया ओहले दि ग्‍या़ थु खोगी लोप्‍च्‍युङया़ तेर्ती मिहया़ला गो़ कोर च्‍य़ूएँराङ येहबा।”

लूका 6:12

ङ्यिहमा च्‍यी़ येशू काहङ च्‍यी़ला फेप्‍ते नुहप काहङ किन्‍ज्‍योला सोल्‍वाङ ताप्‍ते ज़्‍य़ू नाङसीन।

मर्कूस 1:39

ओहले येशू छो़खाङया़ला सुङदेन नाङगेराङ ल्‍हेन्‍डीया़ तेन्‍दी गालील साने़की थाम्‍ज्‍यी ग्‍या़या़ला कोरा क्‍याहप नाङसीन।

मत्ती 10:23

मिहया़गी ख्‍याया़ला युहल च्‍यी़ला तुहक्‍पु तेर्सीमाना लेहमेन युहलला प्रे़हदी सोङ। तेहम्‍बाराङ ङाह ख्‍याया़ला माएँ, मिहगी स़ेबु फेप नाङगेन म़ेदी तोहङले ख्‍याया़गी इस्राएल क्‍याहल-खापगी युहल थाम्‍ज्‍यीलाराङ ल़ेह पेह सिहन्‍ग्‍यो ओहङज्‍ये म़ेह।”

ल़ेह-पेन 17:14

ओहजेला आदा-नो़हया़गी पावलला ग्‍यो़बा-ग्‍यो़बा छो-क्‍याहम्‍जोकी फार्केन देप ङो़ले ताङ चाहङसीन। यिहॱनाङ सिलास दाङ तिमोथीदी ओ़हलाराङ तेहसीन।

ल़ेह-पेन 17:10

ओहले नाहम से़-लुहङ मे़हबाराङ चो़वो येशूला यिह-छ्य़े पेहकेन्‍गी आदा-नो़हया़गी पावल दाङ सिलासला बेरिया क्‍याहसाला ताङ चाहङसीन। ओहले खुङ ङ्यी़ बेरिया क्‍याहसाला लेप फान्‍ज्‍यो यहूदीया़की छो़खाङला काहल्‍सीन।

यूहन्‍ना 7:52

ओहले खुङया़गी खोला मासीन, “च्‍यि ख्‍येॱआङ गालील साने़दी यिहम्‍बा? छ्य़ेला छोल्‍दी त़ेदोङ ओहले ख्‍येगी ह्‍अ कोहज्‍ये येह, गालील साने़ले सुज्‍यीॱआङ लुहङतेम्‍बा ओहङदी म़ेह।”

यूहन्‍ना 7:41

ओहले लाहलागी मासीन, “दि मिह नि मास्‍यीका यिहम्‍बा।” यिहॱनाङ लाहलागी मासीन, “च्‍यि मास्‍यीकाॱआङ गालील साने़ले फेप्‍कें यिहम्‍बा ले?

मत्ती 12:16

ओहले येशूगी ङाह सु यिहम्‍बा म़ेदी सुॱलाङ माहस्‍ये म़ेदी खुङया़ला का नाङसीन।

मर्कूस 1:45

यिहॱनाङ ओ़ह मिह काहल्‍दी राहङ टा़हक्‍योगी केच्‍या मिह थाम्‍ज्‍यीलाराङ स्‍य़ेसीन। ओ़ह केच्‍यागी पेहती येशू का़हन्‍दीॱआङ क्‍याहसाया़ला थाक-ताङदी स्‍य़ूह मा़हखु। ओ़ह सोङबे येशू यिङबु ग्‍या़या़ला ज़्‍य़ूज्‍येला फेप नाङसीन। यिहॱनाङ ओ़ह ग्‍या़ॱलाङ मिहया़ छ्यो़ ज़्‍यिलेराङ येशूसाला ओहङसीन।

मर्कूस 3:20

ओ़ह तिङले येशू येहपाराङ खाङबा च्‍यी़ला फेप नाङसीन। येहपाराङ मिह मिह-माहङया़ जोम ओहङसीन, मिह ज्‍यिबुराङ माहङबु येहकें सोङबे येशू दाङ येशूगी स्‍याहप्‍च्‍यीया़गी सोल छ्ये-लुङ च्‍यिॱआङ माहयोहङ।

मर्कूस 4:1

येशूगी येहपाराङ गालील छोगी सुहरला सुङदेन नाङज्‍ये छ़ूसीन। येशूगी ति-खिरे मिह मिह-माहङ जोम्‍दी येहकें सुङगोराङ येशू टुह-छ्युङ च्‍यी़ला जा़दी छोगी सुहरले फाच्‍चीला फार फेप्‍ती ज़्‍य़ू नाङसीन। ओहले मिहया़दी छोगी सुहरलाॱराङ तेहसीन।