मर्कूस 2:19 - ह्योल्‍मो

¹⁹ ओहले येशूगी सुङ नाङसीन, “पा़हमाला ओहङग्‍योगी डोम्‍बोया़ माहक्‍पा साम्‍बा ङ्याम्‍बुराङ तेहकेमु नाहमॱआङ ङ्युङने तेहकें ले? माहक्‍पा साम्‍बा ङ्याम्‍बु तेहकेमुनी सुॱआङ टेहपा तो़बा मेहतेहकें।

मर्कूस 2:19 Referans Kwoze

मत्ती 9:15

येशूगी खुङया़ला सुङ नाङसीन, “माहक्‍पा साम्‍बा खुङया़ ङ्याम्‍बु तेहकेमु च्‍यि जन्तीबाया़गी तुहङाल पेहती ङ्युङने तेहकें ले? यिहॱनाङ दि ल़ेहमु ती़हजी च्‍यिॱआङ ओहङज्‍ये येह, माहक्‍पा साम्‍बाला खुङया़ ङ्याम्‍बु खा फ़ेदी ख्‍येर्केमु गा खुङया़ ङ्युङने तेहच्‍ये येह।”

मर्कूस 2:18

बप्‍तिस्‍मा तेर्केन यूहन्‍नागी स्‍याहप्‍च्‍यीया़ दाङ फरिसीया़ ङ्युङने तेहकें ती़हजीला लाहला मिह येशूसाला ओहङदी स्‍युहसीन, “बप्‍तिस्‍मा तेर्के यूहन्‍नागी स्‍याहप्‍च्‍यीया़ दाङ फरिसीया़नी ङ्युङने तेहकें, राहङगी स्‍याहप्‍च्‍यीया़नी नाहमॱआङ ङ्युङने मेहतेह दु, च्‍यिबे यिहन्‍डो लाह?”

मर्कूस 2:20

यिहॱनाङ दि ल़ेहमु ती़हजी च्‍यी़ॱआङ लेप्‍च्‍ये येह, माहक्‍पा साम्‍बा खुङया़ ङ्याम्‍बु खा फ़ेज्‍ये येह ओहजेला खुङया़ ङ्युङने तेहच्‍ये येह।”