मर्कूस 2:1 - ह्योल्‍मो

¹ ङ्यिहमा तोबाज्‍यी तिङले येशू कफर्नहुम क्‍याहसाला लो़ह फेप नाङसीन। ओहले मिहया़गी येशू ज़िम्‍गाङलाॱराङ ज़्‍य़ू नाङदी येह माएँ ताम थ़ेसीन।

मर्कूस 2:1 Referans Kwoze

यूहन्‍ना 4:47

ओहले येशू यहूदीया साने़लेगी गालीलला फेप नाङग्‍यो येह माएँ ताम थ़े फान्‍ज्‍यो खो येशूसाला ओहङसीन, ओहले खोगी येशूला “ङाहती पुह स्‍यिज्‍येॱराङ पेहती येहबा राहङ फेप्‍ती टा़ह च्‍य़ू नाङदोङ ला़ह” म़ेदी स्‍युहवा फुल्‍सीन।

मर्कूस 7:24

ओ़ह तिङले येशू ओ़ह ग्‍या़ क्‍युर ज़्‍या़दी टुरोस दाङ सीदोन क्‍याहसाला फार फेप नाङसीन। सुज्‍यीगीॱआङ क्‍यी़ह माहन्‍ज्‍योर्च्‍यु म़ेदी येशू मिह च्‍यी़गी खाङबाला फेप नाङसीन। यिहॱनाङ मिहया़गी क्‍यी़ह ज्‍योर्सीन।

लूका 5:18

ओहले मिहया़गी ओङबु स्‍योरक्‍योगी मिह च्‍यी़ला तेङगो छ्याप्‍क्‍याङराङ खुर्ती ख्‍योङसीन, ओहले नेहपाला येशूगी कुम्‍देनला क्‍याल्‍ज्‍ये म़ेदी खाङबा नाहङला स्‍य़ूहज्‍ये छोल्‍सीन।

मर्कूस 1:45

यिहॱनाङ ओ़ह मिह काहल्‍दी राहङ टा़हक्‍योगी केच्‍या मिह थाम्‍ज्‍यीलाराङ स्‍य़ेसीन। ओ़ह केच्‍यागी पेहती येशू का़हन्‍दीॱआङ क्‍याहसाया़ला थाक-ताङदी स्‍य़ूह मा़हखु। ओ़ह सोङबे येशू यिङबु ग्‍या़या़ला ज़्‍य़ूज्‍येला फेप नाङसीन। यिहॱनाङ ओ़ह ग्‍या़ॱलाङ मिहया़ छ्यो़ ज़्‍यिलेराङ येशूसाला ओहङसीन।

मत्ती 9:1

ओहले येशू येहपाराङ टुह-छ्युङला स्‍य़ूहदी छोगी फार्केन देपला राहङ ज़्‍य़ू नाङग्‍योकी क्‍याहसाला लो़ह फेप्‍सीन।

ल़ेह-पेन 2:6

ओहले ओ़ह ल़ेहमु क़े थे़गोराङ ओ़हला मिह माहङबुराङ जोम ओहङसीन। ओहले लेहमेन लेहमेन क्‍याहल-खापलेगी ओहङग्‍योगी यहूदीया़गी खुङ राहङ-राहङगी ताम ओ़ह स्‍याहप्‍च्‍यीया़गी माएँ थे़दी खुङया़ ज्‍यिबुराङ ह्‍अ ल़ेहसीन।

मत्ती 4:13

यिहॱनाङ येशू नासरत क्‍याहसाला क्‍युर ज़्‍या़दी कफर्नहुम क्‍याहसाला ज़्‍य़ूज्‍येला फेप नाङसीन। कफर्नहुम क्‍याहसादी जबूलून दाङ नप्‍ताली साने़की छो-क्‍याहम्‍जोकी सुहरला येहकें।

मर्कूस 2:2

दि थे़दी मिह माहङबुराङ येशूसाला ओहङसीन। ओहले मिह माहङबु ओहङग्‍यो सोङबे खाङबा नाहङ काहङदी कोह ग्‍या़या़ॱलाङ तेहसा ग्‍या़ म़ेहबा येहकें। येशूगी मिहया़ला सुङदेन नाङगेराङ येहकें।

मर्कूस 3:20

ओ़ह तिङले येशू येहपाराङ खाङबा च्‍यी़ला फेप नाङसीन। येहपाराङ मिह मिह-माहङया़ जोम ओहङसीन, मिह ज्‍यिबुराङ माहङबु येहकें सोङबे येशू दाङ येशूगी स्‍याहप्‍च्‍यीया़गी सोल छ्ये-लुङ च्‍यिॱआङ माहयोहङ।

मर्कूस 7:17

ओहले येशू मिह मिह-माहङया़ला क्‍युर ज़्‍या़दी खाङबा नाहङला स्‍य़ूह नाङ फान्‍ज्‍यो स्‍याहप्‍च्‍यीया़गी, “ओ़ह पेगी तेहन्‍दा च्‍यि यिहम्‍बा?” म़ेदी स्‍युहसीन।

मर्कूस 9:28

खाङबा नाहङला स्‍य़ूह फान्‍ज्‍यो स्‍याहप्‍च्‍यीया़गी खाजुम्‍बाला, “ङ्यिहगीदी ओ़ह ल्‍हेन्‍डीला च्‍यिबे तेन मा़हखुबा लाह?” म़ेदी येशूला टी़हसीन।

लूका 4:23

ओहले येशूगी सुङ नाङसीन, “ङाहला क्‍यी़ह येह, ता़हनी ख्‍यागी ङाहला दि पे ज़्‍या़दी माज्‍ये येह– ‘ए आम्‍ज्‍यी, तोहङले राहङगी राहङला टा़ह च्‍य़ूदोङ! राहङगी कफर्नहुम ठोमला छ्या़ले छ्यिम्‍बु जेक्‍योदी ङ्यिहगी थ़ेसीन। तेहम्‍बाराङ यिहन्‍सीमानानी राहङगी फायुला आङ ओ़ह ल़ेहमुराङ याहम्‍जेन छ्यिम्‍बु छ्या़ले जे नाङदोङ!’”