मर्कूस 16:6 - ह्योल्‍मो

⁶ यिहॱनाङ ओ़ह स्‍यारा मिहगी खुङया़ला, “ख्‍या मा़हन्‍ज्‍यी, ख्‍या क्‍याहङस्‍यीङला सेक्‍योगी नासरतकी येशूला छोल्‍ग्‍यो मिहन ले? यिहॱनाङ त़ेदोङ, येशू देला म़ेह, मिहरो नि सोम्‍बो ज़्‍याङदी फेप सिहन्‍सीन! खुङया़गी येशूला ज़्‍या़क्‍योगी ग्‍या़ दिराङ यिहम्‍बा, त़ेदोङ! म़ेदी मासीन!

मर्कूस 16:6 Referans Kwoze

लूका 24:46

“सुङरापला दि ल़ेहमु प्री़हदी येहबा थार्पा नाङगेन मास्‍यीका तुहक्‍पु खुर्ते स्‍यि कोहज्‍ये येह, ओहले ङ्यिहमा सुमला टोहङग्‍योलेगी सोम्‍बो ज़्‍याङज्‍ये येह।

ल़ेह-पेन 4:10

राहङ फ़ेबेॱया दाङ इस्राएलगी मिह थाम्‍ज्‍यीला क्‍यी़ह ओहङज्‍यु, राहङ फे़बेया़गी दिनला लाहङदी तेहक्‍यो दि मिह नासरतगी येशू मास्‍यीकागी छेनला टा़हक्‍यो यिहम्‍बा। राहङ फ़ेबेॱयागीदी येशूला क्‍याहङस्‍यीङला च्‍याङदी से नाङसीन। यिहॱनाङ किन्‍ज्‍योगी येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङसीन।

मर्कूस 1:24

“ओ़ नासरतगी येशू, राहङगी ङ्यिहला च्‍यि जे नाङज्‍ये जेक्‍यो? च्‍यि राहङ ङ्यिहला तोङ च्‍य़ूज्‍येला फेप नाङग्‍यो यिहम्‍बा? राहङ किन्‍ज्‍योगी ताङ नाङग्‍योगी नाम्‍पार-ताहक्‍पागी मिह यिहम्‍बा म़ेदी ङाहला क्‍यी़ह येह।”

मत्ती 12:40

च्‍यिबेमाना काहन्‍डुमु पेहती योना ङ्याह छ्युम्‍बुगी फोवा नाहङला ङ्यिहमा सुम दाङ कुहङमु सुम येहकें, ओ़ह ल़ेहमुराङ पेहती मिहगी स़ेबुॱआङ सा नाहङला ङ्यिहमा सुम दाङ कुहङमु सुम तेहच्‍ये येह।

मर्कूस 10:34

खुङगी खोला स्‍याहम्‍डेन तेन्‍दी थुक्‍स्‍याल क्‍याहप्‍च्‍ये येह, ताक्‍स्‍यु क्‍याहप्‍च्‍ये येह ओहले सेच्‍ये येह। यिहॱनाङ ङ्यिहमा सुम तिङले खो येहपाराङ स्‍यिक्‍योलेगी सोम्‍बो लो़हज्‍ये येह।”

मर्कूस 1:27

दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? दिनी का साम्‍बा दुबा, दि मिहगी ओङ छ्यिम्‍बु जेती मेहचाङा नाम्‍स्‍यीया़ला का नाङगु दु, ओहले मिहरोगी नाङग्‍योगी का ल्‍हेन्‍डीया़गीॱआङ ङ्यिहन्‍गु दु!” म़ेदी मिहया़गी राहङ नाहङदुङ ताम टी़हज्‍ये छ़ूसीन।

मर्कूस 9:15

येशूला थोङ-लुहङ मे़हबाराङ मिहया़ ह्‍अ ल़ेहदी येशूला फेप स्‍य़ूहज्‍येला छ्योङदी काहल्‍सीन।

मर्कूस 14:33

यिहॱनाङ पत्रुस, याकूब दाङ यूहन्‍नालादी येशूगी राहङ ङ्याम्‍बुराङ नोम फेप्‍सीन। ओहजेला येशूगी थु तुहङालगी ज्‍यिबुराङ छाबा-छुबे काहल्‍सीन।

ल़ेह-पेन 2:24

यिहॱनाङ किन्‍ज्‍योगी येशूला टोहङग्‍योलेगी सोम्‍बो ज़्‍याङ च्‍य़ू नाङसीन। किन्‍ज्‍योगी येशूला टोहङग्‍योलेगी खा फे़ नाङसीन। च्‍यिबेमाना स्‍यिवागी येशूला राहङगी ओङ चो़ला ज़्‍या़दी ज़्‍या़ज्‍येला काले का़हबु येहकें।