मर्कूस 11:9 - ह्योल्‍मो

⁹ ओहले येशूगी तोहङ तिङ डोएँगी मिह मिह-माहङया़गी क़े छ्यिम्‍बुच्‍यी तेन्‍दी मासीन, “होसन्‍ना! चो़वो छ्येवागी छेनला फेप नाङगेन्‍दी काहजे सोनाम-साक्‍पु!

मर्कूस 11:9 Referans Kwoze

मत्ती 21:9

येशूगी तोहङ तिङ ओहङगे मिह मिह-माहङया़गी दि ल़ेहमु म़ेदी क़े तेन्‍सीन, “दाऊदगी स़ेबुला होसन्‍ना ओहङज्‍यु! चो़वो किन्‍ज्‍योगी छेनला फेप नाङगेन्‍दी काहजे सोनाम-साक्‍पु! थाम्‍ज्‍यी म़ेदी थो़ला स्‍यिहङगामला ज़्‍य़ू नाङगेन किन्‍ज्‍योला होसन्‍ना ओहङज्‍यु!”

मत्ती 23:39

ता़ह ङाह ख्‍येला माएँ, नाहम थु ख्‍येगी ‘चो़वो छ्येवागी छेनला फेप नाङगेन्‍दी काहजे सोनाम-साक्‍पु’ म़ेदी मा़हमे थु ख्‍येगी ङाहला थोङज्‍ये म़ेह।”

यूहन्‍ना 19:15

यिहॱनाङ खुङया़गी दि ल़ेहमु म़ेदी क़े तेन्‍सीन, “नोम फेप नाङदोङ, नोम फेप नाङदोङ, खोला क्‍याहङस्‍यीङला च्‍याङ नाङदोङ!” पिलातसगी खुङला टी़हसीन, “च्‍यि ङाहगी ख्‍यागी क्‍याहल्‍बुला क्‍याहङस्‍यीङला च्‍याङज्‍ये ले?” पूजाहारी छ्यिम्‍बुया़गी मासीन, “कैसर मिहम्‍बानी ङ्यिहती लेहमेन सुज्‍यीॱआङ क्‍याहल्‍बु म़ेह।”

यूहन्‍ना 12:13

ओहले मिहया़गी खजूर तोहङबोगी याहल्‍गाया़ थो़दी येशूला फेप स्‍युहज्‍ये म़ेदी क़े तेन्‍दी काहल्‍सीन, “होसन्‍ना! सोनाम-साक्‍पु चो़वो छ्येवागी छेनला फेप नाङगे इस्राएलगी क्‍याहल्‍बु!”

मर्कूस 11:8

ओहले मिह माहङबुगीराङ राहङ-राहङगी योल्‍सेनया़ लाहमला तिङसीन ओहले लाहलागीनी देपला फार येहकेन्‍गी तोहङबोगी याहल्‍गाया़ ख्‍योङदी तिङसीन।