मर्कूस 11:3 - ह्योल्‍मो

³ का़हलेॱआङ सुज्‍यीगी ‘ख्‍यागी दि च्‍यि पेहक्‍यो?’ म़ेदी टी़हसीमाना, ‘दि चो़वो छ्येवाला कोहपु येह, मिहरोगी ग्‍यो़बाराङ लो़ ताङ नाङज्‍ये येह’ म़ेदी म़ेदोङ।”

मर्कूस 11:3 Referans Kwoze

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

ल़ेह-पेन 17:25

किन्‍ज्‍योला मिहया़गी फुल्‍ग्‍यो से़हया़ च्‍यिॱआङ कोहपु म़ेह। तोहरोङ किन्‍ज्‍योगी गा मिहया़ला मिहली, सो दाङ कोहकेन्‍गी ना थाम्‍ज्‍यीराङ से़हया़ नाङगे।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

ल़ेह-पेन 1:24

ओहले खुङया़गी दि ल़ेहमु म़ेदी सोल्‍वाङ ताप्‍सीन, “मिह थाम्‍ज्‍यीगी सेमला येहकेन्‍गी ताम ङोह ख्‍येन नाङगे चो़वो छ्येवा, दि मेहन्‍दा ङ्यी़ नाहङला राहङगी का़हन्‍दीला दाम नाङग्‍यो येहबा ओ़ह ङ्यिहला तेन नाङदोङ,

मर्कूस 14:15

ओहले खोगी ख्‍याला खाङबागी थो़ तेङला थाम्‍ज्‍यी से़हया़ ठाबे पेहती डी़दी ज़्‍या़क्‍यो कोठा छ्यिम्‍बुच्‍यी तेन्‍ज्‍ये येह। ओ़हलाराङ ओहराङगी तेहन्‍दाला डेन ठाबे पेह” म़ेदी येशूगी सुङ नाङसीन।

मर्कूस 11:2

“ख्‍या ङ्यी़ ओ़ह फार्केन देपकी युहलला सोङ। ओहले युहलला स्‍य़ूहलुङ मे़हबाराङ ख्‍यागी सुगीॱआङ माहस्‍येहन्‍बागी पुहङगु बिरु च्‍यी़ ता़दी ज़्‍या़क्‍यो च्‍य़ेह सिहन्‍ज्‍ये येह। ओ़हदी ताङदी ङाहसाला ख्‍येर-स्‍यो।

मर्कूस 11:4

ओहले खुङ ङ्यी़ चो़वो छ्येवागी स्‍याहल ङ्यिहन्‍दी काहल्‍सीन ओहले ओ़ह युहलला लेप्‍केमु तेहम्‍बाराङ चो़वो छ्येवागी सुङ नाङग्‍यो ल़ेहमुराङ खाङबा च्‍यी़गी कोह दिनलाराङ लाहमगी पोहला पुहङगु पी़हरु च्‍यी़ ता़दी ज़्‍या़क्‍यो थोङसीन। ओहले खुङ ङ्यी़गी पुहङगु पी़हरु ताङज्‍ये छोल्‍गेमु