मर्कूस 1:26 - ह्योल्‍मो

²⁶ ओ़हजेलाराङ ओ़ह मेहचाङा नाम्‍स्‍यीगी ओ़ह मिहला च्‍यार-ताप क्‍याहप्‍सीन ओहले क़े छ्यिम्‍बुच्‍यी तेन्‍दी थेन्‍दी काहल्‍सीन।

मर्कूस 1:26 Referans Kwoze

मर्कूस 9:26

ओहजेला ओ़ह नाम्‍स्‍यी क़े तेन्‍गेॱराङ ओहले ओ़ह पेहजाला लुङला डो च्‍य़ूदी थेन्‍दी काहल्‍सीन। ओ़ह पेहजादी स्‍यिक्‍यो ल़ेहमुराङ काहल्‍सीन ओहले मिह थाम्‍ज्‍यीगी “ता़ह दि पेहजानी स्‍यिसीन दु” म़ेदी माज्‍ये छ़ूसीन।

मर्कूस 9:20

खुङगी ओ़ह पेहजाला येशूसाला ख्‍योङसीन। येशूला थोङ-लुहङ मे़हबाराङ ल्‍हेन्‍डीगी ओ़ह पेहजाला लुङला डो च्‍य़ूदी साला च्‍यार-ताप क्‍याहप्‍सीन। ओहले ओ़ह पेहजा खा काहङ पोहवाल तेन्‍दी फार छुर लो़री क्‍याहप्‍ती बोल्‍ज्‍ये छ़ूसीन।

लूका 11:22

यिहॱनाङ, खो म़ेदी स्‍युक छ्यिम्‍बु मिह ओहङदी च्‍योम्‍सीमाना ओ़ह मिहगी खोला क्‍याहल्‍गे, ओहले खो छेन्‍ज्‍यागी पेहती ङाह क्‍याहल्‍गे म़ेदी सेमला ऩेग्‍योगी छेन्‍ज्‍याया़राङ ओ़ह मिहगी फ्रो़दी ख्‍येर्कें, ओहले क्‍युह पेलाॱया़ङ ख्‍येर्ती रो़हया़ला के़हदी तेर्कें” म़ेदी येशूगी सुङ नाङसीन।

लूका 9:42

ओहले आबादीगी पुहला ख्‍योङगे ख्‍योङगेमुराङ ल्‍हेन्‍डीगी ओ़ह पेहजाला च्‍यार-ताप क्‍याहप्‍ती कक्र्याक-कुक्रुक ज़ोसीन। ओ़हजेलाराङ येशूगी मेहचाङा नाम्‍स्‍यीला काप्‍क्‍येन नाङसीन ओहले ओ़ह पेहजा टा़ह च्‍य़ू नाङदी आबादीला चि क्‍याहप नाङसीन।

लूका 9:39

ङ्येहम्‍बा नाम्‍स्‍यी च्‍यी़गी खोला ज़ुङगे ओहले याहङमे-याहङ खो ची़रा तेन्‍दी दाङे रिहल्‍गे, ओहले खो खाले पोहवाल थेन्‍दी फार छुर बोल्‍गे, ओहले नाहन्‍दी माहकाहल थु ङ्येहम्‍बा नाम्‍स्‍यीगी ताङॱराङ मेहताङगे।

मर्कूस 1:25

यिहॱनाङ येशूगी ओ़ह ल्‍हेन्‍डीला काप्‍क्‍येन नाङदी सुङ नाङसीन, “खाजुम तेह, ओहले दि मिहलेगी थेन्‍दी सोङ!” म़ेदी सुङ नाङसीन।

मर्कूस 1:27

दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? दिनी का साम्‍बा दुबा, दि मिहगी ओङ छ्यिम्‍बु जेती मेहचाङा नाम्‍स्‍यीया़ला का नाङगु दु, ओहले मिहरोगी नाङग्‍योगी का ल्‍हेन्‍डीया़गीॱआङ ङ्यिहन्‍गु दु!” म़ेदी मिहया़गी राहङ नाहङदुङ ताम टी़हज्‍ये छ़ूसीन।