मत्ती 7:1 - ह्योल्‍मो

¹ “मिहला क्‍येन माहता, ओहले किन्‍ज्‍योगीॱआङ ख्‍याया़ला क्‍येन ता़ नाङज्‍ये म़ेह।

मत्ती 7:1 Referans Kwoze

लूका 6:37

“ओहले लो़हलो मिहया़ला ठिम माहताङ, ओहले किन्‍ज्‍योगी ख्‍याॱलाङ ठिम ताङ नाङज्‍ये म़ेह। राहङसा मिहया़ला क्‍येन माहता, ओहले किन्‍ज्‍योगी ख्‍याॱलाङ क्‍येन ता़ नाङज्‍ये म़ेह। लो़हलो मिहया़ला कोहङदा तेर, ओहले किन्‍ज्‍योगी ख्‍याॱलाङ कोहङदा नाङज्‍ये येह।

लूका 6:41

“येहपाराङ, राहङदी नो़हगी मी़ला जेम स्‍य़ूहक्‍योदी थोङगे, च्‍यिबे राहङगी मी़ला गाल्‍बा स्‍य़ूहक्‍योदी मेहथोङगे?

मत्ती 7:5

ए यिहन्‍दो तेन्‍गेया़! तोहङले राहङगी मी़ला स्‍य़ूहक्‍योगी स्‍यिङ गोन्‍दोङ तेन्‍दोङ ओहले गा नो़हगी मी़ला स्‍य़ूहक्‍योगी ङ्योहक्‍तोङ तेन तेर्च्‍येला साल्‍बु थोङगे।”

मत्ती 7:2

च्‍यिबेमाना ख्‍याया़गी मिहला काह-ठि पेहती क्‍येन ता़क्‍यो, ओ़ह ल़ेहमुराङ जेती किन्‍ज्‍योगीॱआङ ख्‍याया़ला क्‍येन ता़ नाङज्‍ये येह। ओहले का़हन्‍दी ठुगी ख्‍येगी मिहला ताहप्‍कें ओ़ह ठुगीराङ किन्‍ज्‍योगी ख्‍येॱलाङ ताहप नाङज्‍ये येह।

याकूब 3:1

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, ख्‍याया़ नाहङला मिह माहङबु लोबेन डोज्‍ये माहछोल, च्‍यिबेमाना लेहमेन मिहया़ला म़ेदी ङ्यिह लुहङ तेर्केया़ला ठिम छान्‍दी जेती ज़ी़ नाङज्‍ये येह माएँदी ख्‍याला क्‍यी़ह येह।

यूहन्‍ना 8:7

यिहॱनाङ खुङया़गी येशूला टी़हदेराङ तेहसीन ओहजेला येशूगी ज़्‍याङदी खुङया़ला सुङ नाङसीन, “ख्‍या नाहङला तिहक्‍पा च्‍यिॱआङ माहबेबा मिह येहसीमाना, ओ़हदीगीराङ थाम्‍ज्‍यी म़ेदी तोहङस्‍यो दि पी़हमीला तोहगी क्‍याहप्‍च्‍यु!”