मत्ती 2:1 - ह्योल्‍मो

¹ हेरोद क्‍याहल्‍बुगी ती़हजीला यहूदीयाकी बेथलेहेम माएँ युहलला येशू ठुङ नाङसीन ओहजेला स्‍यारलेगी नामयी ताएँ मिहया़ येशूला छोल्‍दी यरूशलेमला ओहङसीन।

मत्ती 2:1 Referans Kwoze

यूहन्‍ना 7:42

मास्‍यीका नि दाऊदकी क्‍यिह दाङ दाऊदकी युहल बेथलेहेमलेॱराङ फेप नाङज्‍ये येह म़ेदी च्‍यि सुङरापला प्रुहक्‍यो म़ेहबा ले?”

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

मत्ती 2:5

ओहले खुङगी हेरोदला मासीन, “यहूदीयाकी बेथलेहेम युहलला,” च्‍यिबेमाना सुङरापला लुहङतेम्‍बाया़गी दिगी तेहन्‍दाला दि ल़ेहमु म़ेदी प्री़हदी येहबा–

मत्ती 1:25

यिहॱनाङ मरियमगी स़ेबु माहठुङ थु खुङ ङ्यी़गी ली़ह-प्रेहल माहबे। मरियमगी स़ेबु ठुङ फान्‍ज्‍यो योसेफगी ओ़ह स़ेबुगी छेन येशू म़ेदी ज़्‍या़सीन।

लूका 2:15

ओहले स्‍यिहङगामकी स्‍याहप्‍च्‍यीया़ स्‍यिहङगामला लो़ह फेप फान्‍ज्‍यो कोहरोवाया़गी राहङ नाहङला मासीन, “लो डो, चो़वो छ्येवा किन्‍ज्‍योगी ओहराङला सुङ नाङग्‍योकी स्‍याहल बेथलेहेमला ता डोएँ।”

लूका 1:5

यहूदीया लुहङबागी क्‍याहल्‍बु हेरोदकी पा़लोला जकरिया मिहन थो़क्‍योगी पूजाहारी च्‍यी़ येहकें। खो अबिया माएँ बा़लगी पूजाहारी यिहन्‍गे। ओहले खोगी पी़हमीगी मिहन एलीशिबा यिहन्‍गे। मोहदी हारून क्‍यिहगी पूजाहारीकी पोहमो यिहन्‍गे।

मत्ती 2:19

हेरोद स्‍यि फान्‍ज्‍यो, चो़वो छ्येवागी स्‍यिहङगामकी स्‍याहप्‍च्‍यी च्‍यी़ मिश्र क्‍याहल-खापला योसेफगी मिलामला फेप्‍ती सुङ नाङसीन,

मत्ती 2:3

दि केच्‍या थे़दी क्‍याहल्‍बु हेरोद ठादोगी छाबा-छुबे पेहसीन। ओहले दि केच्‍याया़ क्‍यी़ह ज्‍योर फान्‍ज्‍यो यरूशलेमगी मिहया़गी सेमॱआङ कालाम-मालाम काहल्‍सीन।

मत्ती 2:7

दि थे़दी हेरोदगी ओ़ह स्‍यारले ओहङग्‍योगी नामयी ताएँ मिहया़ला खाजुम्‍बाला क़े क्‍याहप्‍ती ताम टी़हदाप पेहसीन ओहले कार्मा काहजे ती़हजीला थोङबा माएँ ताम खुङया़ लाहमले क्‍यी़ह ज्‍योर्सीन।

मत्ती 2:16

ओहले नामयी ताएँ मिहया़गी खोला चिहन क्‍याहप्‍क्‍योगी ताम हेरोदगी क्‍यी़ह ज्‍योर्सीन ओहले खो स्‍यिहताङगी मी़राङ माहथोङ। ओहले खोगी बेथलेहेम दाङ ओ़ह साहर-सुहरकी युहलया़ला येहकेन्‍गी लोह ङ्यी़ दाङ ओ़ह यिहन्‍ज्‍यु माहर-तेपकी पुह-पेहजा रेबेलाॱराङ से च्‍य़ूसीन च्‍यिबेमाना हेरोदगी कार्मा थोङग्‍योकी ती़हजी नाहम यिहम्‍बा म़ेदी नामयी ताएँ मिहया़ ङो़ले क्‍यी़ह ज्‍योर्ती येहकें।