मत्ती 13:3 - ह्योल्‍मो

³ ओहले येशूगी पे ज़्‍या़दी माहङबुराङ स्‍याहलया़ सुङ नाङसीन। ओहले येशूगी सुङ नाङसीन, “मिह च्‍यी़ राहङगी स्‍यिहङला सेन ताप्‍च्‍येला काहल्‍सीन।

मत्ती 13:3 Referans Kwoze

मर्कूस 4:13

ओहले येशूगी स्‍याहप्‍च्‍यीया़ला टी़ह नाङसीन, “च्‍यि ख्‍यागी दि पेगी तेहन्‍दा ङोह स्‍य़े मा़हखु? ओ़हठी यिहन्‍सीमानानी ख्‍यागी लेहमेन पेया़ काह-ठि पेहती ङोह स्‍य़े ख़ूज्‍ये ले?

मर्कूस 4:33

मिहया़गी किन्‍ज्‍योगी सुङदेन ङोह स्‍य़े ख़ूज्‍यु म़ेदी येशूगी दि ल़ेहमु माहङबुराङ पे ज़्‍या़दी खुङया़ला सुङ ख्‍येप्‍टा नाङसीन।

मत्ती 13:53

दि केच्‍याया़ पे ज़्‍या़दी स्‍याहल सुङ छार फान्‍ज्‍यो येशू ओ़ह ग्‍या़ क्‍युर ज़्‍या़दी

मर्कूस 12:12

येशूगी दि स्‍याहल खुङया़लाॱराङ सुङ नाङग्‍यो यिहम्‍बा म़ेदी यहूदी गोबाया़गी ह्‍अ कोहसीन। ओ़ह सोङबे खुङगी येशूला ज़ुङज्‍ये छोल्‍सीन, यिहॱनाङ मिह मिह-माहङगी ज्‍यी़सुगी पेहती खुङगी येशूला ज़ुङ मा़हखु। ओ़ह सोङबे खुङगी येशूला क्‍युर ज़्‍या़दी काहल्‍सीन।

यूहन्‍ना 16:25

दि केच्‍या ङाहगी ख्‍याला पे लाहमले म़ेदी येह। यिहॱनाङ ती़हजी ओहङगेॱराङ येह, ङाह येहपाराङ ख्‍या ङ्याम्‍बु पे लाहमले ताम माज्‍ये म़ेह, यिहॱनाङ याहपगी तेहन्‍दाला ङाह ख्‍याया़ला छ्यिसाल-नाहङसाल पेहती स्‍येच्‍ये येह।

लूका 12:41

ओहजेला पत्रुसगी येशूला दि ल़ेहमु म़ेदी स्‍युहसीन, “चो़वो, राहङगी दि स्‍याहलया़ ङ्यिह च्‍यी़लाॱराङ सुङ नाङग्‍यो यिहम्‍बानी मिह थाम्‍ज्‍यीलाराङ सुङ नाङग्‍यो यिहम्‍बा?”

लूका 8:10

ओहले येशूगी खुङया़ला सुङ नाङसीन, “ख्‍याया़ला किन्‍ज्‍योगी क्‍याहल्‍सीगी तिहङ-रिहङबुगी केच्‍याया़ ह्‍अ कोह च्‍य़ूदी येह, यिहॱनाङ लेहमेन मिहया़ ङ्याम्‍बुदी ङाह पे ज़्‍या़दी ताम माएँ, खुङया़गी ताज्‍येनी ताएँ यिहॱनाङ मेहथोङगे, ङ्यिहन्‍ज्‍येनी ङ्यिहन्‍गे यिहॱनाङ ह्‍अ मेहकोएँ।”

मर्कूस 12:1

येशूगी खुङया़ला पे ज़्‍या़दी दि ल़ेहमु पेताम सुङ नाङसीन, “मिह च्‍यी़गी कुहन्‍डुम स्‍यिहङ क्‍याहप्‍सीन। ओहले खोगी कुहन्‍डुम स्‍यिहङ कोर-क्‍यिहलेॱराङ ओहर्ताया़ क्‍याहप्‍ती सा ओम फ्रिदी कुहन्‍डुम च्‍यिर्केन्‍गी कोल ज़ोसीन ओहले ओ़ह कुहन्‍डुम स्‍यिहङ सुङज्‍येला पालीप जे़दी ओ़ह कुहन्‍डुम स्‍यिहङ कामे क्‍याहप्‍केन मिहया़ला चि क्‍याहप्‍ती खो राहङदी फि-युहलला फार काहल्‍सीन।

मर्कूस 3:23

ओ़ह सोङबे येशूगी खुङला क़े क्‍याहप्‍ती दि केच्‍यागी तेहन्‍दाला पे च्‍यी़ ज़्‍या़दी सुङ नाङसीन, “ती़ह गो-छ्येवा खो राहङगी राहङलाराङ काह-ठि पेहती ङ्ये ख़ूज्‍ये ले?

मत्ती 24:32

“को़स्‍यीङ तोहङबोला त़ेदी च्‍यिरा ताम लोप्‍तोङ। को़स्‍यीङ तोहङबोगी याहल्‍गाया़ला लाहप्‍ती बी़ फान्‍ज्‍यो टे़ह बार्सीन दु म़ेदी क्‍यी़ह ज्‍योर्के।”

मत्ती 22:1

येशूगी येहपाराङ खुङया़ला पे च्‍यी़ ज़्‍या़दी सुङ नाङसीन,

मत्ती 13:4

ओहले सेन ताप-ताप्‍पा काहङला लाहला सेन लाहमला फार लेप्‍सीन ओहले च्‍यिहबीया़गी ओहङदी साहसीन।