मत्ती 11:3 - ह्योल्‍मो

³ खुङया़ ओहङदी येशूला दि ल़ेहमु म़ेदी स्‍युहसीन, “ङ्यिहगी रेहवा पेहक्‍योगी थार्पा नाङगेन्‍गी क्‍याहल्‍बु राहङराङ यिहम्‍बानी ङ्यिहगी लेहमेन सुज्‍यीगी लाहम ता कोहएँ?”

मत्ती 11:3 Referans Kwoze

यूहन्‍ना 11:27

ओहले मार्थागी येशूला स्‍युहसीन, “लाहसो लाह चो़वो, राहङराङ जाम्‍बुलीङला फेप नाङगेन्‍गी किन्‍ज्‍योगी स़ेबु मास्‍यीका यिहम्‍बा म़ेदी ङाह यिह छ्य़ेगे।”

हिब्रू 10:37

च्‍यिबेमाना छ्य़ेला दि ल़ेहमु प्री़हदी येहबा, “मिहरो फेप नाङगेन्‍दी, फेपॱराङ नाङज्‍ये येह ओहले फिमु जे नाङज्‍ये म़ेह।

यूहन्‍ना 7:31

यिहॱनाङ ओ़ह मिह-माहङला येहकेन्‍गी मिह माहङबुगीराङ येशूला यिह छ्य़ेसीन। खुङया़गी मासीन, “मास्‍यीका फेप नाङगेमु च्‍यि दि मिहगी पेहक्‍योगी ताक्‍छेनया़ म़ेदी माहङबु ता़स्‍यी मास्‍यीकागी जे नाङवा ले?”

यूहन्‍ना 6:14

येशूगी जे नाङग्‍योकी दि रोहवा याहम्‍जेन छ्येवागी छ्या़ले थोङदी मिहया़गी मासीन, “जाम्‍बुलीङला फेप्‍च्‍ये येह म़ेदी ओहराङगी रेहवा पेहक्‍योकी लुहङतेम्‍बानी तेहम्‍बा-तेहन्‍सुमॱराङ मिह-रो़हराङ गा यिहन्‍गे दुबा!”

यूहन्‍ना 16:14

ङाहगी माक्‍योकी तामया़ ख्‍याया़ला स्‍य़े नाङदी मिहरोगी ङाहती ज़िज्‍यिद जे नाङज्‍ये येह।

यूहन्‍ना 12:13

ओहले मिहया़गी खजूर तोहङबोगी याहल्‍गाया़ थो़दी येशूला फेप स्‍युहज्‍ये म़ेदी क़े तेन्‍दी काहल्‍सीन, “होसन्‍ना! सोनाम-साक्‍पु चो़वो छ्येवागी छेनला फेप नाङगे इस्राएलगी क्‍याहल्‍बु!”

यूहन्‍ना 4:21

ओहले येशूगी ओ़ह पी़हमीला सुङ नाङसीन, “ए पोहमो, ङाहला यिह छ्य़ेदोङ, ता़ह ओ़ह ती़हजी ओहङगेॱराङ येहबा, ओहजेला ख्‍याया़गी याहपला दि काहङॱलाङ छ्येपा फुल्‍ज्‍ये म़ेह ओहले यरूशलेमॱलाङ छ्येपा फुल्‍ज्‍येला डोज्‍ये म़ेह।

लूका 19:38

“चो़वो किन्‍ज्‍योगी छेनला फेप नाङगेन क्‍याहल्‍बु सोनाम-साक्‍पु यिहम्‍बा! स्‍यिहङगामला स्‍य़िहदे ओहङज्‍यु, किन्‍ज्‍योला ज़िज्‍यिद ओहङज्‍यु!”

मर्कूस 11:9

ओहले येशूगी तोहङ तिङ डोएँगी मिह मिह-माहङया़गी क़े छ्यिम्‍बुच्‍यी तेन्‍दी मासीन, “होसन्‍ना! चो़वो छ्येवागी छेनला फेप नाङगेन्‍दी काहजे सोनाम-साक्‍पु!

मत्ती 21:9

येशूगी तोहङ तिङ ओहङगे मिह मिह-माहङया़गी दि ल़ेहमु म़ेदी क़े तेन्‍सीन, “दाऊदगी स़ेबुला होसन्‍ना ओहङज्‍यु! चो़वो किन्‍ज्‍योगी छेनला फेप नाङगेन्‍दी काहजे सोनाम-साक्‍पु! थाम्‍ज्‍यी म़ेदी थो़ला स्‍यिहङगामला ज़्‍य़ू नाङगेन किन्‍ज्‍योला होसन्‍ना ओहङज्‍यु!”

मत्ती 21:5

“सियोन साने़की मिहया़ला म़े तेर, ‘त़ेदोङ, ता़ह ख्‍याया़गी क्‍याहल्‍बु छ्यिम्‍बु फेप नाङगेराङ येहबा, मिहरो स्‍यिहवा जे-नाङदी पुहङगु खाला स्‍येहन्‍दी फेप नाङगेराङ येह, मिहरो पुहङगु पी़हरु थो़ला स्‍येहन्‍दी फेप नाङज्‍ये येह’।”

मत्ती 11:4

ओहले येशूगी खुङया़ला, “ख्‍याया़गी थे़क्‍यो दाङ थोङग्‍योकी केच्‍याया़ यूहन्‍नाला स्‍ये तेर” म़ेदी सुङ नाङसीन।

मत्ती 11:10

च्‍यिबेमाना सुङरापला किन्‍ज्‍योगी यूहन्‍नागी तेहन्‍दाला दि ल़ेहमु सुङ नाङदी येह– ‘त़ेदोङ, ङाह राहङगी लेहङगु ख्‍येर्के मिहला ख्‍येगी तोहङदा-तोहङ ताङज्‍ये येह, ओहले खोगी ख्‍येगी लाहम ठाबे ज़ोज्‍ये येह’