लूका 9:5 - ह्योल्‍मो

⁵ मिहगी युहलला लेप्‍ते ख्‍याला सुगीॱआङ फेप मिहस्‍युहसीमाना ओ़ह युहलले थेन्‍दी डोएँमु ओ़ह युहलगी मिहया़ला किन्‍ज्‍योगी ठिम ताङ नाङज्‍ये येह म़ेदी तेन्‍ज्‍येला ख्‍यागी काङबाला ज़्‍योरक्‍योगी थाल्‍बी प्रू़दी ज़्‍यो़!” म़ेदी येशूगी स्‍याहप्‍च्‍यीया़ला सुङ नाङसीन।

लूका 9:5 Referans Kwoze

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

ल़ेह-पेन 13:51

ओहले पावल दाङ बारनाबासकी खुङया़ला ज्‍यी़-ङोर तेर्ती राहङगी काङबाकी थाल्‍बी प्रू़ ज़्‍या़दी खुङ आइकोनियन साने़ला ओहङसीन।

मर्कूस 6:11

ओहले युहलला लेप्‍केमु ख्‍याला सु मिह च्‍यी़गीॱआङ फेप मेहस्‍युहसीमाना ओहले ख्‍यागी ताम मिहङ्यीहन्‍सीमाना ओ़ह मिहया़ला किन्‍ज्‍योगी ताङ नाङगेन्‍गी छ्य़े-ठिमगी ज्‍यी़-ङोर तेन्‍दे राहङगी काङबागी थाल्‍बी ओ़हलाराङ प्रू़दी ओ़ह युहललेगी थेन्‍दी सोङ।”

लूका 10:16

ओहले येशूगी स्‍याहप्‍च्‍यीया़ला सुङ नाङसीन, “ख्‍यागी ताम ङ्यिहन्‍गेन्‍दीगी ङाहगी ताम ङ्यिहन्‍गे, ख्‍याला मिहङ्यीहन्‍गेया़गी ङाहॱलाङ मिहङ्यीहन्‍गे, ओहले ङाहला मिहङ्यीहन्‍गेया़गी ङाहला ताङ चाहङ नाङगेन किन्‍ज्‍योॱलाङ मिहङ्यीहन्‍गे” म़ेदी येशूगी सुङ नाङसीन।

लूका 9:48

ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”

मर्कूस 9:37

“ङाहगी मिहनला दि ल़ेहमु पेहजाया़ला फेप स्‍युहगेनया़गी ङाहलाराङ फेप स्‍य़ूहएँ ओहले ङाहला फेप स्‍युहगेनया़गी ङाहला च्‍यी़राङ मिहम्‍बा, ङाहला ताङ नाङगेन याहपलाराङ फेप स्‍य़ूहक्‍यो यिहम्‍बा।”

लूका 5:14

ओहले येशूगी सुङ नाङसीन, “दि केच्‍या सुॱलाङ माहस्‍ये। यिहॱनाङ पूजाहारीसाला काहल्‍दी ता च्‍य़ूदोङ। ओहले मोशागी छ्य़े-ठिमला ल़ेहमुराङ ख्‍येगी मिहया़ला टा़हसीन म़ेदी तेन्‍ज्‍येला डेल्‍बा फुल्‍दोङ।”

मत्ती 10:18

ङाहगी तेहन्‍दागी पेहती ख्‍याया़ला पोम्‍बो छ्यिम्‍बु दाङ क्‍याहल्‍बुया़गी दिनला लाहङ च्‍य़ूज्‍ये येह। ओहजेला ख्‍याया़गी खुङया़ला ओहले लेहमेन क्‍यिहपागी मिहया़ला ङाहगी तेहन्‍दाला पाङबु तेर कोहच्‍ये येह।

लूका 9:4

का़हन्‍दी खाङबा मे़हमेया़गी ख्‍याला फेप स्‍युहएँ, ओ़ह युहलले थेन्‍दी माहकाहल थु ओ़ह खाङबालाराङ तेहतोङ।