लूका 9:47 - ह्योल्‍मो

⁴⁷ ओहले येशूगी खुङगी साम्‍लु ङोह ख्‍येन्‍दी पेहजा च्‍यी़ला राहङगी सुहरला नोम फेप्‍ती लाहङ च्‍य़ूसीन।

लूका 9:47 Referans Kwoze

यूहन्‍ना 16:30

ता़ह ङ्यिहगी ङोह स्‍य़ेसीन, राहङला थाम्‍ज्‍यीराङ से़हया़ थुयी़ येहबा, ओहले राहङला सुज्‍यीगीॱआङ टी़ह कोहबा म़ेह। ओ़ह सोङबे राहङ किन्‍ज्‍यो लाहमलेॱराङ फेप नाङग्‍यो यिहन म़ेदी ङ्यिह यिह छ्य़ेगे।”

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

लूका 5:22

ओहले येशूगी खुङगी सेमगी ताम ङोह ख्‍येन्‍दी सुङ नाङसीन, “ख्‍यागी च्‍यिबे दि रोहवा साम्‍लु ताङगे?

मत्ती 9:4

ओहले खुङगी सेमगी ताम ङोह ख्‍येन्‍दी येशूगी सुङ नाङसीन, “च्‍यिबे ख्‍याया़गी सेमला दि रोहवा साम्‍लु चोक्‍पा ताङगे?

१ कोरिन्‍थी 14:20

आदा-नो़ह दाङ आज्‍यी-नुहमुया़, ख्‍याया़ नोम्‍साङ ताङलुला पेहजाया़ ल़ेहमु माहबे। ताम चोक्‍पाया़गी तेहन्‍दाला पेहजाया़ ल़ेहमु, च्‍यिॱआङ क्‍यी़ह म़ेहबा ल़ेहमु पेहती तेहतोङ, यिहॱनाङ नोम्‍साङ ताङलुला ख्‍या मिह छ्यिम्‍बु ल़ेहमु ओहङ कोहएँ।

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

यूहन्‍ना 2:25

मिहरोला मिहगी खोक्‍पा नाहङगी केच्‍याया़ या़हबु पेहती थुयी़ येहकें सोङबे सुज्‍यीगीॱआङ येशूला का़हन्‍दीॱआङ मिहगी तेहन्‍दाला मा कोहबा म़ेहबा येहकें।

मत्ती 12:15

ओ़ह ताम येशूगी ङोह ख्‍येन्‍दी येशू ओहलेगी फेप नाङसीन, ओहले मिह माहङबुराङ येशूला ताहदा क्‍याहप्‍ती काहल्‍सीन, ओहले येशूगी खुङ थाम्‍ज्‍यीलाराङ टा़ह च्‍य़ू नाङसीन,