लूका 9:19 - ह्योल्‍मो

¹⁹ ओहले स्‍याहप्‍च्‍यीया़गी, “लाहलागी बप्‍तिस्‍मा तेर्केन यूहन्‍ना यिहन माउ दु, लाहलागी एलिया यिहन माउ दु, लाहलागीनी ताहङबो लुहङतेम्‍बाया़ नाहङगी मेहन्‍दा च्‍यी़ सोम्‍बो ज़्‍याङदी फेप्‍क्‍यो यिहम्‍बा छ़े दु म़ेदी माउ दु” म़ेदी स्‍युहसीन।

लूका 9:19 Referans Kwoze

यूहन्‍ना 1:21

ओहजेला खुङया़गी यूहन्‍नाला दि ल़ेहमु म़ेदी टी़हसीन, “आहन्‍डा यिहन्‍सीमाना ख्‍ये सु यिहम्‍बा ले? च्‍यि ख्‍ये एलिया यिहम्‍बा?” यूहन्‍नागी मासीन, “अहँ, ङाह मिहन।” “आहना ख्‍ये ओ़ह लुहङतेम्‍बा यिहम्‍बा ले?” यूहन्‍नागी मासीन, “मिहम्‍बा!”

मर्कूस 6:15

लाहलागी “खोनी एलिया लुहङतेम्‍बा यिहम्‍बा,” म़ेदी माउ येहकें ओहले काहजे मिहया़गीदी “ताहङबो लुहङतेम्‍बाया़ ल़ेहमुराङ लुहङतेम्‍बा च्‍यी़ थेन्‍सीन दु,” म़ेदी माउ येहकें।

मत्ती 14:2

“दि खोनी स्‍यि सिहन्‍ग्‍यो बप्‍तिस्‍मा तेर्केन यूहन्‍नाराङ यिहन! खो येहपाराङ सोम्‍बो लो़हक्‍यो यिहन्‍डो। ओ़ह सोङबे खोगी दि ल़ेहमु ओङ छ्यिम्‍बुगी ल़ेहया़ पेहकें।”

यूहन्‍ना 9:17

फरिसीया़गी येहपाराङ खोला टी़हसीन, “ओ़ह मिहगी ख्‍येती मी़ थोङ ख़ूएँ जे तेर्सीन दु, ता़ह खोगी तेहन्‍दाला ख्‍ये च्‍यि माएँ ले?” खोगी मासीन, “मिहरोनी लुहङतेम्‍बा यिहम्‍बा।”

यूहन्‍ना 7:40

दि केच्‍या थे़गे लाहला मिहया़गी मासीन, “तेहम्‍बा-तेहन्‍सुमॱराङ दि मिह नि मिहया़गी रेहवा पेहक्‍योकी लुहङतेम्‍बा गा यिहन्‍गे दुबा।”

यूहन्‍ना 1:25

ओहले खुङया़गी यूहन्‍नाला टी़हसीन, “ख्‍ये मास्‍यीकाॱआङ मिहम्‍बा, एलियाॱआङ मिहम्‍बा, ओ़ह लुहङतेम्‍बाॱआङ मिहम्‍बा मासीमाना, च्‍यिबे बप्‍तिस्‍मा तेर्के ले?”

मत्ती 3:1

ओहजे काहङला बप्‍तिस्‍मा तेर्केन यूहन्‍नागी यहूदीया लुहङबागी रिह काम्‍बुया़ला काहल्‍दी मिहया़ला दि ल़ेहमु म़ेदी सुङ ख्‍येप्‍टा क्‍याहप्‍च्‍ये छ़ूसीन,

मर्कूस 6:14

येशूगी छेन काहने थेतेराङ फेल्‍ग्‍यो सोङबे हेरोद क्‍याहल्‍बुगीॱआङ येशूगी तेहन्‍दाला थ़ेसीन। लाहला मिहया़गीनी दि ल़ेहमु माएँराङ येहकें, “बप्‍तिस्‍मा तेर्केन्‍गी यूहन्‍ना स्‍यिक्‍योलेगी सोम्‍बो लाहङसीन दु, ओ़ह सोङबे का खोगी दि ल़ेहमु ओङ छ्यिम्‍बुगी ल़ेहया़ पेहकु दु!”

लूका 9:18

लेहमा च्‍यी़ येशू राहङ च्‍यी़राङ सोल्‍वाङ ताप्‍ते ज़्‍य़ू नाङगेमु स्‍याहप्‍च्‍यीया़ येशूसाला ओहङसीन। ओहले येशूगी स्‍याहप्‍च्‍यीया़ला, “मिहया़गी ङाहला सु यिहम्‍बा म़ेदी माउ दु ले?” म़ेदी टी़ह नाङसीन।

लूका 9:20

ओहले येहपाराङ येशूगी टी़ह नाङसीन, “ओहले ख्‍याया़गीदी ङाहला सु यिहम्‍बा माएँ ले?” “लोबेन ला़ह, राहङ किन्‍ज्‍योगी ताङ नाङग्‍योकी थार्पा थोप च्‍य़ू नाङगेन मास्‍यीका यिहम्‍बा!” म़ेदी पत्रुसगी स्‍युहसीन।