लूका 9:12 - ह्योल्‍मो

¹² नाहम सोज्‍ये पेहकेमु ओ़ह स्‍याहप्‍च्‍यी च्‍यिङ्यी़ ओहङदी येशूला दि ल़ेहमु म़ेदी स्‍युहसीन, “देलानी च्‍यिॱआङ मिहन्‍दु, ता़हनी दि मिहया़ला कोहङबा नाङदोङ, खुङ काहल्‍दी साहर-सुहरकी युहलया़ला तेहसा ग्‍या़ छोल्‍ज्‍यु!”

लूका 9:12 Referans Kwoze

मत्ती 15:23

यिहॱनाङ येशूगी मोहला च्‍यिॱआङ ल़ेहन क्‍याहप माहनाङ ओहले येशूगी स्‍याहप्‍च्‍यीया़ ओहङदी येशूला, “दि पी़हमी-पेहजाला ताङ नाङदोङ लाह। मोहनी ओहराङगी तिङदा तिङ ङी़हदी क़े तेन्‍दी ओहङगु दु!” म़ेदी स्‍युहसीन।

यूहन्‍ना 6:1

ओ़ह तिङले येशू गालील छो पे यिहॱना़: तिबेरियास छो च्‍येती फार्केन देपला फेप नाङसीन।

मत्ती 15:32

ओ़ह तिङले येशूगी राहङगी स्‍याहप्‍च्‍यीया़ला क़े क्‍याहप्‍ती सुङ नाङसीन, “दि मिहया़ला थोङदी ङाहला ज्‍यिबुराङ निङ च्‍येहसीन। दि मिहया़ ङाह ङ्याम्‍बुराङ तेहक्‍यो तिहरीङ स्‍याहक्‍पु सुम काहल सिहन्‍सीन। ता़ह दि मिहया़दी साहएँ से़हया़ॱआङ चो़हसीन। ङाह दि मिहया़ला साहज्‍ये से़हया़ च्‍यिॱआङ माहतेर्पा पेहती लो़ मेहताङ, मिहन्‍सीमानानी खुङया़ खाङबाला डोएँ डोएँॱराङ लुङला डोवा।”

मत्ती 14:13

दि लेहङगु सेन नाङ फान्‍ज्‍यो येशू टुह-छ्युङला जा़दे ग्‍या़ यिङबु च्‍यी़ला फार फेप नाङसीन। यिहॱनाङ येशू फेप नाङज्‍ये जेक्‍यो क्‍यी़ह ज्‍योर्ते मिहया़ युहल युहललेगी थेन्‍दी काङबागीराङ येशूला ताहदा क्‍याहप्‍ती काहल्‍सीन।

लूका 9:11

येशू ओ़हला फेप्‍सीन दु म़ेदी थ़े फान्‍ज्‍यो मिह माहङबुराङ येशूगी तिङदा तिङ ओहङसीन। ओहले येशूगी मिहया़ला क़े क्‍याहप्‍नाङसीन, ओहले खुङला किन्‍ज्‍योगी क्‍याहल्‍सीगी तेहन्‍दाला सुङ ख्‍येप्‍टा नाङसीन, ओहले नेहपाया़ला टा़ह च्‍य़ू नाङसीन।

लूका 9:13

ओहले येशूगी, “ख्‍यागीराङ खुङला साहज्‍ये तेर्तोङ!” म़ेदी सुङ नाङसीन। ओहले खुङगी, “ङ्यिह ङ्याम्‍बुनी खुरा ङा दाङ ङ्याह ङ्यी़ च्‍यी़राङ येहबा। च्‍यि ङ्यिहगी देजे माहङा मिहया़ला साहज्‍ये से़हया़ ङ्ये़हदी ख्‍योङज्‍ये ला़ह?” म़ेदी स्‍युहसीन।

फिलिप्‍पी 1:19

यिहम्‍बा, ङाह क़ेहनाङ पेहकें। च्‍यिबेमाना ङाहला क्‍यी़ह येह ख्‍याया़गी ताप्‍क्‍यो सोल्‍वाङ दाङ चो़वो येशू मास्‍यीकाकी थुगी नाङग्‍यो रो़हरामकी जेती ङाह दि चोन-खाङलेगी थेन ङ्युहङज्‍ये येह।