लूका 8:7 - ह्योल्‍मो

⁷ ओहले लाहला सेनदी छेर्मा चेहरेप नाहङया़ला लेप्‍सीन। ओहले सेन क्‍येदी ओहङगेमु ङ्याम्‍बु-ङ्याम्‍बुराङ छेर्मा जे़रेपॱआङ छार्ती ओहङसीन। ओ़ह सोङबे सेन तोहङबोया़ थाम्‍ज्‍यीराङ स्‍यिसीन।

लूका 8:7 Referans Kwoze

लूका 8:14

ओहले छेर्मा तोहङबो नाहङला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍ज्‍येनी ङ्यिहन्‍गे, यिहॱनाङ जाम्‍बुलीङगी तुहङाल दाङ क्‍युह-नोहर ओहले ङ्याहम्‍साङ-खाम्‍साङगी पेहती यिह-छ्य़ेला छारॱराङ मी़हच्‍युएँ ओहले खुङ लाहमले च्‍यिॱआङ सेदो मे़हयाहगेन।

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

मर्कूस 4:7

ओहले लाहला सेनया़दी छेर्मा तोहङबो नाहङया़ला लेप्‍सीन दु ओहले ओ़ह छेर्मा तोहङबोया़ छार्ती ओ़ह क्‍येदी ओहङग्‍योगी च्‍याहङबाया़ला छर मा़हच्‍यु ओहले ओ़हला बुदी च्‍यिॱआङ माहता

मत्ती 13:22

येहपाराङ काहजे मिहगी सेमदी छेर्मा चेहरेप ल़ेहमुराङ ओहङगे। खुङया़गी किन्‍ज्‍योगी लोप्‍च्‍युङ ङ्यिहन्‍दीॱआङ दि जाम्‍बुलीङगी तेहन्‍दाला तुहङाल पेहकें ओहले क्‍युह-नोहर थो़ला सेम च्‍याङगे। ओ़ह सोङबे खुङया़गी ङ्यिहन्‍ग्‍योगी लोप्‍च्‍युङ तोर्ते डोएँ ओहले च्‍यिॱआङ सेदो मे़हयाहएँ।

मत्ती 13:7

लाहला सेनदी छेर्मा तोहङबो नाहङया़ला लेप्‍सीन। यिहॱनाङ छेर्मा तोहङबोया़ छार्ती ओहङगेमु क्‍येक्‍योगी च्‍याहङबाया़ सेर्पु काहल्‍दी स्‍यिसीन।

लूका 8:6

ओहले लाहला सेन तोहरो येहकें ग्‍या़ला लेप्‍सीन। ओ़हला सेन क्‍येज्‍येनी क्‍येसीन, यिहॱनाङ, सा लोम्‍बा म़ेहबा सोङगोराङ क्‍येक्‍योया़ॱआङ स्‍यिसीन।

लूका 8:8

ओहले लाहला सेनया़दी या़हबु सा खाला लेप्‍सीन ओहले क्‍येदी छार्ती ओहङसीन। ओहले ओ़ह ङ्येमा ऱेह-ऱेहला बुदी क्‍याह च्‍यिचे या़हसीन।” येशूगी दि पे स्‍ये छार सिहन फान्‍ज्‍यो सुङ-क़े छ्यिम्‍बुज्‍यी तेन्‍दी सुङ नाङसीन, “सुती नाम्‍ज्‍यो येहबा, खोगी ङ्यिहन्‍ज्‍यु।”