लूका 8:44 - ह्योल्‍मो

⁴⁴ ओहले मोह, मिह मिह-माहङ नाहङला येशूगी क्‍याहप ङो़ले ओहङदी येशूगी नाहम्‍सागी सुहर च्‍यी़ला दे़सीन। दे़-लुहङ मे़हबाराङ मोहगी ज़ुबु ली़ह माहङबु ओहङगेन्‍गी नाहजा टा़हसीन।

लूका 8:44 Referans Kwoze

ल़ेह-पेन 19:12

देजे थुगी ल़ेहॱआङ पेहसीन मिहया़गी पावलगी ज़ुबुला रुमाल दाङ योल्‍क्‍याहप दे़दी नेहपाया़साला ख्‍येर्को येहकें। दि ल़ेहमु पेहती नेहपाया़ टा़हउ येहकें ओहले ङ्येहम्‍बा नाम्‍स्‍यीया़ थेन्‍दी डोउ येहकें।

यूहन्‍ना 5:13

यिहॱनाङ राहङला टा़ह च्‍य़ू नाङगेन मिह सु यिहम्‍बा म़ेदी खोला क्‍यी़ह म़ेहबा येहकें च्‍यिबेमाना ओ़ह ग्‍या़ला मिह मिह-माहङ माहङबु येहकें सोङबे येशू ओहलेगी फेप सिहन्‍दी येहकें।

लूका 13:13

ओहले येशूगी मोह थो़ला छ्या़ ज़्‍या़ नाङसीन। छ्या़ ज़्‍या़ नाङ-लुहङ मे़हबाराङ मोह टा़हदी ख्‍याङ पेहती लाहङसीन। ओहले मोहगी किन्‍ज्‍योला थुज्‍यी-छ्ये़ फुल्‍सीन।

लूका 7:38

ओहले मोह क्‍याहपले ओहङदी येशूगी स्‍याहप पोहला लाहङदी ङी़हदी तेहसीन, आहन्‍डा पेहती ङी़हदी तेहकेमु मोहगी मिज्‍यु माहङबु स्‍योर्ती येशूगी स्‍याहपला लेप्‍सीन, ओहले मोहगी येशूगी स्‍याहपला राहङगी टागी फी़ तेर्ती येशूगी स्‍याहपला च्‍युक पेहती टिहमा स्‍यिहम्‍बु खाएँगी नुम पे़दी स्‍याहपला टुहल्‍सीन।

मर्कूस 6:56

युहल, क्‍याहसा, दाङ का़ह-का़हला येशू फेप नाङगेन, मिहया़गी नेहपाया़ला छोङ-ठोमला खुर्ती ख्‍योङगो येहकें। खुङया़गी “ओ़ह नेहपाया़ला राहङगी नाहम्‍सा च्‍यि यिहॱनाङ दे़ च्‍य़ू नाङदोङ,” म़ेदी येशूला स्‍युहउ येहकें ओहले येशूगी नाहम्‍सा दे़गेया़ थाम्‍ज्‍यीराङ टा़हउ येहकें।

मत्ती 20:34

येशूगी थु निङज्‍यीगी काहङदी ओहङसीन ओहले येशूगी खुङ ङ्यी़गी मी़ला दे़ नाङसीन। ओ़ह ती़हजीलाराङ खुङ ङ्यी़गी मी़ थोङ ख़ूएँ काहल्‍सीन ओहले येशूला ताहदा क्‍याहप्‍ती काहल्‍सीन।

मत्ती 8:3

ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ख्‍ये टा़हज्‍यु म़ेदी ङाहगी सेमला क्‍ये़दी येहबा।” ओ़हजेलाराङ ओ़ह जे-ने़ह थेन्‍ग्‍योगी मिह टा़हसीन।

ल़ेह-पेन 5:15

मिहया़गी नेहपाया़ला लाहम-लाहमला ख्‍योङसीन, ओहले पत्रुस डोएँमु खोगी टिहप्‍सा च्‍यी़ यिहॱना़ खुङ नाहङगी रेहरे खाला क्‍याहप्‍च्‍यु म़ेदी तेङगो तिङदे ङ्याल तेर्को येहकें।

मत्ती 9:20

ओ़ह ती़हजीलाराङ लोह च्‍यिङ्यी़ यिहन्‍ज्‍यु ज़ुबु ली़ह-ठा़ माहङबु थेन्‍गेन्‍गी नाहजा क्‍याहप्‍क्‍योगी पी़हमी च्‍यी़ येशूगी क्‍याहप ङो़ले ओहङदी येशूगी नाहम्‍सागी सुहर च्‍यी़ला दे़सीन।

लूका 8:43

ओ़ह मिह मिह-माहङ नाहङला पी़हमी-पेहजा च्‍यी़ ज़ुबु ली़ह माहङबु ओहङगेन्‍गी नाहजा क्‍याहप्‍ती लोह च्‍यिङ्यी़ काहल्‍ग्‍यो येहकें। ओहले च्‍यि मेन पेहतीॱआङ सुगीॱआङ मोहला टा़ह च्‍य़ू मा़हखुबा येहकें।

लूका 8:45

ओहजेला येशूगी, “ङाहला सुगी दे़बा?” म़ेदी टी़ह नाङसीन। सुगीॱआङ, “ङाहगी दे़क्‍यो” म़ेदी मा़हमे। ओहले पत्रुसगी, “लोबेन ला़ह, मिह मिह-माहङया़गीनी राहङला च्‍येप्‍ती-च्‍येप्‍ती ओहङ दु!” म़ेदी स्‍युहसीन।