लूका 8:21 - ह्योल्‍मो

²¹ ओहले येशूगी सुङ नाङसीन, “किन्‍ज्‍योगी सुङदेन ङ्यिहन्‍गे दाङ ची़नाङ डुप्‍केया़राङ ङाहगी आमा दाङ ङाहगी नो़हया़ यिहम्‍बा!”

लूका 8:21 Referans Kwoze

याकूब 1:22

किन्‍ज्‍योगी सुङला ख्‍यागी ची़दोङ, ङ्यिहन्‍दी च्‍यी़राङ पेहसीनमाना ख्‍यागी राहङगी राहङला गो़ कोर च्‍य़ूगे।

यूहन्‍ना 13:17

ख्‍याया़गी दि ताम ङोह स्‍य़ेदी दिला ते़बे ल़ेह पेहसीमाना, किन्‍ज्‍योगी ख्‍याया़ला मेलाम नाङज्‍ये येह।

३ यूहन्‍ना 1:11

ए ङाहगी च्‍याहम्‍बु नो़ह, चोक्‍पा तामया़ला पे ताॱराङ माहता, यिहॱनाङ या़हबु तामया़ला पे त़ेदोङ। का़हन्‍दीगी या़हबु पेहकें, ओ़ह किन्‍ज्‍योदी यिहम्‍बा, ओहले का़हन्‍दीगी चोक्‍पा पेहकें, खोगी किन्‍ज्‍योला ङोह स्‍य़ेक्‍यो मेहयोहङगे।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

२ कोरिन्‍थी 6:18

“ङाह ख्‍यागी आबा ओहङज्‍ये येह, ओहले ख्‍या ङाहती पुह पोहमोया़ डोज्‍ये येह म़ेदी वाङज्‍या छ्यिम्‍बु नोम्‍गेन चो़वो छ्येवागी सुङ नाङगु दु।”

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

२ कोरिन्‍थी 5:16

ता़ह यिहन्‍ज्‍यु ङ्यिह सुॱलाङ मिहगी फि ङो़ले च्‍यी़राङ मेहताएँ। ती़हजी च्‍यी़ला ङ्यिहगी मास्‍यीकाला मिहला ल़ेहमु पेहती ताक्‍यो येहकें, यिहॱनाङ ता़ह यिहन्‍ज्‍यु मिहरोला ओ़हठी पेहती ताज्‍ये म़ेह।

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 28:10

येशूगी खुङला दि ल़ेहमु सुङ नाङसीन, “ख्‍याया़ मा़हन्‍ज्‍यी, ख्‍याया़ काहल्‍दी ङाहगी नो़हया़ला गालीलला सोङ म़ेदी म़े तेर। ओ़ह ग्‍या़लाराङ खुङगी ङाहला थू़ज्‍ये येह।”

मत्ती 25:45

ओ़ह ती़हजीला ज़्‍य़ू-ठिला ज़्‍य़ू नाङगेन क्‍याहल्‍बुगी खुङया़ला दि ल़ेहमु सुङ नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि च्‍यि माहबेबा, ओ़ह ख्‍याया़गी ङाहलाराङ माहबेबा यिहम्‍बा।’

लूका 8:20

ओहले मिह च्‍यी़गी येशूला स्‍युहसीन, “राहङगी आमा दाङ नो़हया़ राहङला थू़ज्‍ये म़ेदी फिला क़ूह तेहती येह!”