लूका 8:18 - ह्योल्‍मो

¹⁸ ओ़ह सोङबे ख्‍या सेम माहयाहङबा पेहती ङ्यिहन्‍ग्‍योगी तामला या़हबु पेहती साम्‍लु ताङदोङ। च्‍यिबे मासीमाना सु ङ्याम्‍बु येहबा, ओ़हदीला माहङबुराङ तेर्च्‍ये येह, ओहले सु ङ्याम्‍बु म़ेहबा, खो ङ्याम्‍बु सिपाज्‍यी येहबा म़ेदी साम्‍लु ताङग्‍योदीॱआङ खोलेगी फ्रो़दी ख्‍येर्च्‍ये येह” म़ेदी येशूगी सुङ नाङसीन।

लूका 8:18 Referans Kwoze

मत्ती 13:12

च्‍यिबेमाना सु ङ्याम्‍बु येहबा, ओ़हदीला तोहरोङ तेर्च्‍ये येह ओहले खो ङ्याम्‍बु काहजे मामा ओहङज्‍ये येह। यिहॱनाङ सु ङ्याम्‍बु म़ेहबा, खो ङ्याम्‍बु सिपाज्‍यी येहकेन्‍दीॱआङ फ्रो़ज्‍ये येह।

लूका 19:26

ओहजेला ऩेबुगी मासीन, ‘ङाहगी ख्‍याला माएँ, सु ङ्याम्‍बु येहबा खोला तोहरोङ तेर्च्‍ये येह, ओहले सु ङ्याम्‍बु म़ेहबा खो ङ्याम्‍बु येहकेदीॱआङ फ्रो़ज्‍ये येह’।”

मत्ती 25:29

च्‍यिबेमाना का़हन्‍दी ङ्याम्‍बु येहबा, खोला लेहमेनॱआङ तेर्च्‍ये येह, ओहले खो ङ्याम्‍बु माहङबुराङ ओहङज्‍ये येह। यिहॱनाङ का़हन्‍दी ङ्याम्‍बु म़ेहबा, खो ङ्याम्‍बु येहकेन्‍दीॱआङ फ्रो़ज्‍ये येह।

यूहन्‍ना 15:2

सेदो मे़हयाहएँगी याहल्‍गा थाम्‍ज्‍यी मिहरोगी तुप्‍ती क्‍युर नाङगे, यिहॱनाङ सेदो याहगेन्‍की याहल्‍गाया़लाती जेन माहङबु याहज्‍यु म़ेदी मिहरोगी सील नाङगे।

हिब्रू 2:1

ओ़ह सोङबे ओहराङगी ज़्‍योरक्‍यो किन्‍ज्‍योकी तेहन्‍दामला या़हबु पेहती ङ्यिहन्‍दी पेह कोहएँ, मिहन्‍सीमाना ओहराङ ओहलेगी लाहम जोल्‍ज्‍ये येह।

१ कोरिन्‍थी 14:37

का़हलेॱआङ सुज्‍यीगी राहङगी राहङला लुहङतेम्‍बा यिहम्‍बा ओहले नाम्‍पार-ताहक्‍पा थुगी काबाप ङाह ङ्याम्‍बु येहबा म़ेदी ने़सीमाना ङाहगी प्रुहक्‍योगी तामया़ चो़वोगी का यिहम्‍बा म़ेदी खोगी माज्‍यु।

१ कोरिन्‍थी 8:2

का़हलेॱआङ सुज्‍यीगी “ङाह तेहम्‍बाराङ स्‍य़ेएँ” म़ेदी साम्‍लु ताङसीमाना, खोगी काहजे स्‍य़े कोहएँ यिहम्‍बा ओहजे स्‍य़ेक्‍यो मेहयोहङगे।

१ कोरिन्‍थी 3:18

सुज्‍यीगीॱआङ राहङगी राहङला चिहन माह-क्‍याहप्‍च्‍यु! ख्‍या पाहरक्‍यीला सुज्‍यीगी दि काल्‍बाला ङाहराङ ख्‍येम्‍बा-ताहक्‍पु यिहन म़ेदी नेसीनमाना खो उल्‍दुम्‍बा डोज्‍यु। ओहले च्‍यी़राङ खो ख्‍येम्‍बा-ताहक्‍पु डो ख़ूज्‍ये येह।

रोमी 12:3

च्‍यिबेमाना किन्‍ज्‍योगी ङाहला नाङग्‍यो काटीन लाहमले ख्‍या थाम्‍ज्‍यीला ङाह ओहर-छ्य़े स्‍युहउ येह, का़हन्‍दीगी राहङला काहन्‍डुमु ऩे कोहएँ यिहम्‍बा ओ़ह म़ेदी ल्‍हाक्‍पु मा़हनेज्‍यु, यिहॱनाङ ख्‍याला किन्‍ज्‍योगी काहजे यिह-छ्य़े नाङग्‍यो येहबा ओ़हला ते़बेकी साम्‍लु ताङदोङ।

ल़ेह-पेन 17:11

बेरिया क्‍याहसाकी यहूदीया़ थेसलोनिके क्‍याहसाकी यहूदीया़ म़ेदी डा-छ्याक्‍पु येहकें। खुङगी किन्‍ज्‍योगी लुहङया़ निङरु पेहती ङ्यिहन्‍सीन, ओहले पावलगी माक्‍योगी ताम सुङराप ङ्याम्‍बु डी़उ दु नि मी़हन्‍डी दु म़ेदी ङ्यिहमा-टाहङमाराङ सुङराप लोङदी ताउ येहकें।

ल़ेह-पेन 10:33

ओहले ङाहगी लाहम्‍साङराङ राहङसाला मिहया़ ताङसीन, ओहले राहङ ओहप्‍क्‍याल जेती फेप नाङसीन। ता़ह चो़वो छ्येवागी राहङला का नाङग्‍योकी थाम्‍ज्‍यीराङ स्‍याहलया़ ङ्यिहन्‍ज्‍येला ङ्यिह किन्‍ज्‍योगी दिनला जोम्‍दी येह।”

लूका 9:44

“ङाहगी च्‍यि माज्‍ये पेहक्‍यो यिहम्‍बा, ओ़ह टेहम्‍बा माहच्‍येह च्‍यिबेमाना मिहगी स़ेबुला ज़ुङदी मिहया़गी लाहक्‍पाला चि क्‍याहप्‍च्‍ये येह।”

फिलिप्‍पी 3:4

माज्‍येराङ माना ङाह राहङगी राहङला ज़ुबुला स्‍या-ताक पेहकेन्‍की ल़ेहला यिह छ्य़ेगेन्‍गी तेहन्‍दा येहबा। लेहमेन मिहगी ज़ुबुला यिह छ्य़ेगेन्‍गी तेहन्‍दाया़ येह म़ेदी ने़सीमाना, ङाहतीनी जेन माहङबु तेहन्‍दाया़ येहबा।

मर्कूस 13:14

“ओहङॱराङ मी़हखुएँगी ग्‍या़ला ख्‍यागी नाम्‍दो लाहङज्‍ये ल़ेहमु तोङ च्‍य़ूगेन्‍गी स़ेह थोङज्‍ये येह। ओ़ह ती़हजीला यहूदीयाला येहकेनया़ लाह ङो़ले प्रे़हज्‍यु।