लूका 8:14 - ह्योल्‍मो

¹⁴ ओहले छेर्मा तोहङबो नाहङला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍ज्‍येनी ङ्यिहन्‍गे, यिहॱनाङ जाम्‍बुलीङगी तुहङाल दाङ क्‍युह-नोहर ओहले ङ्याहम्‍साङ-खाम्‍साङगी पेहती यिह-छ्य़ेला छारॱराङ मी़हच्‍युएँ ओहले खुङ लाहमले च्‍यिॱआङ सेदो मे़हयाहगेन।

लूका 8:14 Referans Kwoze

१ तिमोथी 6:17

दि जाम्‍बुलीङकी छ्युक्‍पु मिहया़ला छ्य़ेन्‍दो माहतेन म़ेदी म़ेदोङ, ओहले ले खाल मी़हखुएँकी क्‍युह-नोहर थो़ला मिहम्‍बा यिहॱनाङ ओहराङला थाम्‍ज्‍यी से़हया़ माहङबु म़ेदी माहङबु जेती नाङगेन किन्‍ज्‍यो थो़ला रेहवा पेहतोङ म़ेदी खुङया़ला का तेर।

मर्कूस 4:19

यिहॱनाङ दि जाम्‍बुलीङगी तुहङाल, क्‍युह-नोहरगी चेवा ओहले ओ़ह ल़ेहमुराङ से़हया़ला सेम ग्‍युर्ती ओ़ह सुङदेन तोर्ती डोएँ ओहले बुदी च्‍यिॱआङ मे़हयाहएँ।

मत्ती 13:22

येहपाराङ काहजे मिहगी सेमदी छेर्मा चेहरेप ल़ेहमुराङ ओहङगे। खुङया़गी किन्‍ज्‍योगी लोप्‍च्‍युङ ङ्यिहन्‍दीॱआङ दि जाम्‍बुलीङगी तेहन्‍दाला तुहङाल पेहकें ओहले क्‍युह-नोहर थो़ला सेम च्‍याङगे। ओ़ह सोङबे खुङया़गी ङ्यिहन्‍ग्‍योगी लोप्‍च्‍युङ तोर्ते डोएँ ओहले च्‍यिॱआङ सेदो मे़हयाहएँ।

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

लूका 8:7

ओहले लाहला सेनदी छेर्मा चेहरेप नाहङया़ला लेप्‍सीन। ओहले सेन क्‍येदी ओहङगेमु ङ्याम्‍बु-ङ्याम्‍बुराङ छेर्मा जे़रेपॱआङ छार्ती ओहङसीन। ओ़ह सोङबे सेन तोहङबोया़ थाम्‍ज्‍यीराङ स्‍यिसीन।

२ तिमोथी 4:10

च्‍यिबेमाना डेमासकी दि ताहन्‍दाकी जाम्‍बुलीङला चेवा पेहती ङाहला क्‍युर्ती खो थेसलोनिकेला काहल्‍दी येह। क्रेसेन्‍स गलातीयाला काहल्‍दी येहबा, ओहले तीतसती दलमातियाला काहल्‍दी येहबा।

यूहन्‍ना 15:6

ङाह ङ्याम्‍बु मेहतेहकेनया़ला ओ़ह याहल्‍गाया़ला ल़ेहमु पेहती फिला क्‍युर चाहङज्‍ये येह, ओहले ओ़ह काम्‍ज्‍ये येह। दि ल़ेहमु याहल्‍गाया़ला मिहया़गी ग्‍या़ च्‍यी़ला रुहप पेहती मेहला लू़ज्‍ये येह ओहले ओ़ह थाला फुङे डोज्‍ये येह।

लूका 16:13

सुज्‍यीगीॱआङ ताहक्‍पु ङ्यी़ला स्‍याहप्‍तो स्‍युह मी़हखुएँ। खोगी च्‍यी़ला क्‍युक्‍टो पेहकें ओहले राहङसाला च्‍याहम्‍बा पेहकें क्‍यिनी खोगी च्‍यी़गी माक्‍योगी ताम ङ्यिहन्‍गे ओहले राहङसाला खाम्‍दा मे़हचेएँ। ओ़ह ठिराङ पेहती ख्‍यागीॱआङ किन्‍ज्‍यो दाङ क्‍युह ङ्यिकालाराङ स्‍याहप्‍तो स्‍युह मी़हखुएँ” म़ेदी येशूगी सुङ नाङसीन।

लूका 8:13

ओहले तोहरो खाया़ला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी सुङदेन ङ्यिहन्‍दी क़ेहनाङ पेहती यिह छ्य़ेगे। यिहॱनाङ खुङ चार्ङ्यी म़ेहबागी तोहङबो ल़ेहमुराङ यिहम्‍बा, खुङगी ङ्यिहमा तोबा च्‍यी़राङ किन्‍ज्‍योला यिह-छ्य़े पेहकें, ओहले च्‍यि रोहवा का़हबु ओहङसीमाना किन्‍ज्‍योलेगी तेहपा लो़हएँ।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

हिब्रू 6:1

ओ़ह सोङबे ओहराङ मास्‍यीकाकी गो़ तोहङस्‍यो लुहङया़ला च्‍यी़राङ माहतेहपा पेहती ता़हनी ओहराङ मास्‍यीकाकी तिहङ रिहङबु दाङ रिहक्‍स्‍यीकी लुहङया़ ङो़ले याहरक्‍यी पेहती डो कोहएँ। स्‍यिवा ङो़ले ख्‍येर्केन ल़ेहया़ लाहमले स्‍या़बा दाङ किन्‍ज्‍यो थो़ला तेहपा पेहकें तामगी ब्राम येहपाराङ माहतिङ।