लूका 7:5 - ह्योल्‍मो

⁵ च्‍यिबेमाना खोगी ङ्यिहगी क्‍यिहपाला चेवा पेहकें, ओहले खोगी ङ्यिहगी तेहन्‍दाला छो़खाङ च्‍यी़ॱआङ जे तेर्ती येह” म़ेदी स्‍युहसीन।

लूका 7:5 Referans Kwoze

१ यूहन्‍ना 3:14

ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

लूका 7:4

ओहले यहूदी एल्‍डरया़ येशूसाला काहल्‍दी, “रोमी माक्‍पेन तेहम्‍बाराङ राहङगी रो़हराम ज्‍योर्च्‍ये सी़हगेन्‍गी मिह यिहम्‍बा।

लूका 7:6

ओहले येशू खुङ ङ्याम्‍बुराङ फेप नाङसीन। ओहले येशू रोमी माक्‍पेनगी खाङबा पोहला लेप्‍च्‍ये जेकेमु माक्‍पेनगी राङगी रो़हया़ला दि ल़ेहमु लेहङगु येशूसाला ताङसीन, “ओ़ चो़वो छ्येवा, राहङगी ओहप्‍क्‍याल जे नाङ मेहकोहएँ ला़ह, च्‍यिबेमाना राहङला ङाहगी खाङबा नाहङला फेप स्‍य़ूहज्‍येला ङाह सी़हज्‍ये म़ेह,