लूका 7:47 - ह्योल्‍मो

⁴⁷ मोहगी च्‍यिबे दि ल़ेहमु पेहक्‍यो माएँ ताम ङाह ख्‍येला माएँ, मोहती माहङबुराङ तिहक्‍पाया़ ता़ह सिहन्‍दी येह। ओ़ह सोङबे मोहगी ङाहला चेवा तेन्‍सीन। ओहले ङ्ये़हमु तिहक्‍पा येहकें मिहगीदी ङ्ये़हमुराङ चेवा पेहकें” म़ेदी येशूगी सुङ नाङसीन।

लूका 7:47 Referans Kwoze

१ यूहन्‍ना 4:19

तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।

१ यूहन्‍ना 3:18

ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

रोमी 5:20

छ्य़े-ठिम ओहङ फान्‍ज्‍यो तिहक्‍पाॱआङ माहङबु काहल्‍सीन, यिहॱनाङ तिहक्‍पा ङ्याम्‍बुराङ किन्‍ज्‍योगी काटीनॱआङ तोहरोङ माहङरो माहङरो काहल्‍सीन।

एफिसी 6:24

ओहराङ चो़वो येशू मास्‍यीकाला नाहम्‍स्‍यी किन्‍दुॱराङ चेवा पेहकें मिह थाम्‍ज्‍यी ङ्याम्‍बु किन्‍ज्‍योगी काटीन ज़्‍य़ू नाङज्‍यु।

१ यूहन्‍ना 5:3

च्‍यिबेमाना किन्‍ज्‍योगी काया़ ङ्यिहन्‍गेन्‍दीॱराङ ओहराङगी किन्‍ज्‍योला चेवा पेहक्‍यो यिहम्‍बा। किन्‍ज्‍योगी काया़ ची़ज्‍येला ओहजेबा खेन्‍दा-का़हबु म़ेह।

१ तिमोथी 1:14

किन्‍ज्‍योगी ङाहला ओहराङ चो़वोकी काटीन माहङबुराङ नाङग्‍यो सोङबे मास्‍यीका येशू लाहमले ङाहला तेहपा दाङ चेवा जे नाङसीन।

फिलिप्‍पी 1:9

ङाहती सोल्‍वाङ दिराङ यिहम्‍बा– येहन्‍देन दाङ या़हबु चोक्‍पा खा फे़ ख़ूएँगी रिहक्‍स्‍यीला ख्‍याया़गी चेवा माहङरो माहङरो पेहती डो ख़ूज्‍यु।

ल़ेह-पेन 5:31

इस्राएली मिहया़गी सेमगी स्‍या़बा पेहती तिहक्‍पालेगी कोहङदा ज्‍योर्च्‍यु म़ेदी किन्‍ज्‍योगी येशूला थार्पा नाङगेन क्‍याहल्‍बु ज़ो नाङदी राहङगी योबा ङो़गी ज़्‍य़ू-ठिला ज़्‍या़ नाङसीन।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

लूका 7:39

ओहले येशूला सोल छ्येच्‍येला फेप स्‍युहक्‍योगी फरिसी सिमोनगी, “येशू तेहम्‍बाराङ लुहङतेम्‍बा यिहम्‍बा यिहनानी राहङला दे़गेन्‍गी पी़हमी काहजे तिहक्‍च्‍येम्‍बा यिहन म़ेदी ङोह ख्‍येन्‍ज्‍ये येहकें” म़ेदी खोगी सेमला ऩेसीन।

मत्ती 10:37

ङाहला म़ेदी राहङगी आबा-आमाला चा़ पेहकेन मिह ङाहगी स्‍याहप्‍च्‍यी ओहङज्‍ये मी़हसीहएँ। ओ़ह ल़ेहमुराङ ङाहला म़ेदी राहङगी पुह पोहमोला च्‍याहम्‍बा पेहकेन्‍दीॱआङ ङाहगी स्‍याहप्‍च्‍यी ओहङज्‍ये मी़हसीहएँ।

२ कोरिन्‍थी 5:14

ङ्यिहनी मास्‍यीकागी चेवागी ओङ चो़ला येहबा। च्‍यिबेमाना मास्‍यीका मिह थाम्‍ज्‍यीगी तेहन्‍दाला टोहङ नाङसीन ओ़ह सोङबे ङ्यिह थाम्‍ज्‍यी स्‍यिसीन दि केच्‍या ङ्यिहला क्‍यी़ह येहबा।

लूका 7:46

ख्‍येगी ङाहगी गो़ला जैतूनगी नुम च्‍यिॱआङ की़ माहतेर, मोहगीनी ङाहगी काङबाला टिहमा स्‍यिहम्‍बु खाएँगी नुम पे़दी टुहल तेर्सीन।

लूका 7:48

ओहले येशूगी ओ़ह पी़हमीला, “ख्‍येगी तिहक्‍पा ता़हसीन” म़ेदी सुङ नाङसीन।