लूका 7:41 - ह्योल्‍मो

⁴¹ ओहले येशूगी सुङ नाङसीन, “मेहन्‍दा ङ्यी़गी मिह च्‍यी़ला पेहलेन सेहसीन दु। ओहले च्‍यी़गी ङुल-टाङ ङाप्‍क्‍या सेहसीन दु, ओहले लेहमेनदीगी ङुल-टाङ ङाप्‍च्‍यु सेहसीन दु।

लूका 7:41 Referans Kwoze

लूका 7:47

मोहगी च्‍यिबे दि ल़ेहमु पेहक्‍यो माएँ ताम ङाह ख्‍येला माएँ, मोहती माहङबुराङ तिहक्‍पाया़ ता़ह सिहन्‍दी येह। ओ़ह सोङबे मोहगी ङाहला चेवा तेन्‍सीन। ओहले ङ्ये़हमु तिहक्‍पा येहकें मिहगीदी ङ्ये़हमुराङ चेवा पेहकें” म़ेदी येशूगी सुङ नाङसीन।

रोमी 5:20

छ्य़े-ठिम ओहङ फान्‍ज्‍यो तिहक्‍पाॱआङ माहङबु काहल्‍सीन, यिहॱनाङ तिहक्‍पा ङ्याम्‍बुराङ किन्‍ज्‍योगी काटीनॱआङ तोहरोङ माहङरो माहङरो काहल्‍सीन।

मत्ती 18:28

“ओहले ओ़ह योक्‍पु काहल्‍सीन ओहले खोगी राहङ ङ्याम्‍बुराङ ल़ेह पेहकेन्‍गी लेहमेन रो़ह च्‍यी़ला थ़ूसीन। ओ़ह रो़हगी खोसाले ङुल-टाङ क्‍याह च्‍यी़ पेहलेन लेहन्‍दी येहकें। खोगी फिर छ्योङ काहल्‍दी रो़हगी ज्‍यिङबाला च्‍यिर्ते मासीन, ‘ल़ू, ख्‍येगी साहक्‍योगी पेहलेन नाहरेराङ च्‍याल्‍दोङ!’

मत्ती 6:12

ङ्यिहगी पेहक्‍यो तिहक्‍पाया़ स्‍या़बा नाङदोङ, ओ़हठी पेहतीराङ ङ्यिहगीॱआङ ङ्यिहला टाह पेहकेनया़ला स्‍या़बा तेर्ती येह।

रोमी 3:23

च्‍यिबेमाना मिह थाम्‍ज्‍यीगी तिहक्‍पा पेहती येह, ओहले किन्‍ज्‍योकी ज़िज्‍यिद यिहन्‍ज्‍यु था़-रिहङबु काहल्‍दी येह।

लूका 11:4

ङ्यिहगी पेहक्‍योगी तिहक्‍पाया़ स्‍या़बा नाङदोङ च्‍यिबेमाना ङ्यिहला टाहसेम च्‍याङगेनया़ॱलाङ ङ्यिहगीॱआङ ल़े ताङदी येह। ओहले ङ्यिहला ना़ मी़हखुएँगी ङ्याहम्‍छेला छ्यिच्‍यु माहनाङ।”

लूका 13:4

ओहले येहपाराङ, ओ़ह सिलोआम माएँगी दुम्‍दुम रोहम्‍दी स्‍यिक्‍यो मेहन्‍दा च्‍याप्‍क्‍ये यरूशलेमगी राहङसा मिहया़ म़ेदी तिहक्‍च्‍येम्‍बा येहकें म़ेदी ख्‍यागी सेमला ने़उ दुबा?

लूका 12:48

“यिहॱनाङ ताहक्‍पुगी सेम क्‍यी़ह माहन्‍ज्‍योर्बा पेहते तुहङदा साहएँगी ल़ेह पेहकें योक्‍पुलादी ताहक्‍पुगी ङ्य़ेहबा ङ्युहङसे़ काल्‍ज्‍ये येह। का़हन्‍दी मिहला माहङबुराङ ज्‍योर्ती येहबा, ओ़ह मिहगी माहङबुराङ तेर कोहज्‍ये येह। ओ़हठीॱराङ का़हन्‍दी मिहला माहङबु च्‍योल्‍ग्‍यो येहबा खोगीॱआङ ओहजेराङ माहङबु लो तेर कोहच्‍ये येह।”

मर्कूस 6:37

ओहले येशूगी, “ख्‍यागीराङ खुङया़ला साहज्‍ये तेर्तोङ” म़ेदी सुङ नाङसीन। ओहले स्‍याहप्‍च्‍यीया़गी, “च्‍यि ङ्यिह काहल्‍दी ङुल-टाङ ङ्यिहक्‍यागी खुरा ङ्ये़हदी खुङला साहज्‍ये तेर्च्‍ये ले?”

लूका 7:40

ओहले येशूगी, “ए सिमोन, ङाहगी ख्‍येला मा कोहच्‍ये ताम च्‍यी़ येहबा” म़ेदी सुङ नाङसीन। ओहले “सुङ नाङदोङ लोबेन ला़ह” म़ेदी फरिसी सिमोनगी स्‍युहसीन।