लूका 7:39 - ह्योल्‍मो

³⁹ ओहले येशूला सोल छ्येच्‍येला फेप स्‍युहक्‍योगी फरिसी सिमोनगी, “येशू तेहम्‍बाराङ लुहङतेम्‍बा यिहम्‍बा यिहनानी राहङला दे़गेन्‍गी पी़हमी काहजे तिहक्‍च्‍येम्‍बा यिहन म़ेदी ङोह ख्‍येन्‍ज्‍ये येहकें” म़ेदी खोगी सेमला ऩेसीन।

लूका 7:39 Referans Kwoze

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

लूका 15:2

यिहॱनाङ फरिसीया़ दाङ छ्य़े-ठिमकी लोबेनया़गी येशूगी तेहन्‍दाला, “दि मिहगी नि तिहक्‍च्‍येम्‍बा मिहया़ला क़े क्‍याहप्‍ती खुङया़ ङ्याम्‍बुराङ तेहती साहउ दु!” म़ेदी लोहङडी पेहसीन।

मर्कूस 7:21

च्‍यिबेमाना थाम्‍ज्‍यीराङ चोक्‍पा तामया़ सेम नाहङलेगीॱराङ थेन्‍दी ओहङगे ओहले खोला ल़ेह चोक्‍पा ङो़ले ॱठिके, पे यिहॱना़ छ्येउ-छ्येंमु पेहकें, कुमेन क्‍याहप्‍कें, मिह सेकें ओहले, लेहमेन पी़हमीला तेहच्‍यागी सेमङेन च्‍याङगे,

यूहन्‍ना 9:24

ओहले यहूदीया़गी येहपाराङ ओ़ह मिहला क़े क्‍याहप्‍ती मासीन, “किन्‍ज्‍योला त़ेरा तेच्‍या फुल्‍दोङ। ओ़ह मिह तिहक्‍च्‍येम्‍बाराङ यिहन म़ेदी ङ्यिहला क्‍यी़ह येह।”

यूहन्‍ना 7:12

मिह मिह-माहङया़गी पाहरक्‍यीला येशूगी तेहन्‍दाला माहङबुराङ लोहङडी काहल्‍सीन। लाहलागी, “खोनी मिह या़हबु यिहम्‍बा” म़ेदी माउ येहकें ओहले लाहलागीनी, “मिहम्‍बा, खोनी मिहया़ला गो़ च्‍यी़राङ कोर च्‍य़ूएँ” म़ेदी माउ येहकें।

यूहन्‍ना 4:19

ओ़ह पी़हमीगी येशूला स्‍युहसीन, “लाहसो लाह, राहङनी लुहङतेम्‍बा गा यिहन्‍गे दुबा।

लूका 18:4

ङ्यिहमा तोबा थु ठिम ताङगेन मिहगी मोहगी तामला नाङदाराङ माहताङ। यिहॱनाङ तोबा तिङले खोगी राहङगी सेम नाहङला मासीन, ‘यिहन्‍ज्‍येनी ङाहला किन्‍ज्‍योगी ज्‍यिक्‍पाॱआङ म़ेह ओहले मिहया़गी च्‍योल्‍दोॱआङ म़ेह!

लूका 16:3

दि केच्‍या थ़े फान्‍ज्‍यो ओ़ह गोबागी सेम नाहङला दि ल़ेहमु ऩेसीन, ‘ता़ह ताहक्‍पुगी ङाहला दि ल़ेहले तेन्‍गे काहल्‍सीन। ता़ह ङाह च्‍यि पेहच्‍ये? ता़ह सा क़ेदी साहज्‍ये माना सा कोज्‍येला स्‍युक म़ेह, लाङदी साहज्‍ये माना ङाह ङोह छावा।

लूका 7:37

ओ़ह क्‍याहसाला तिहक्‍च्‍येम्‍बा पी़हमी च्‍यी़ येहकें, ओहले येशू फरिसी सिमोनगी खाङबाला सोल छ्येच्‍येला फेप दु माएँ थ़े फान्‍ज्‍यो मोह ज़ाप्‍केन्‍गी स्‍येल्‍बुङ काहङग्‍या टिहमा स्‍यिहम्‍बु खाएँगी नुम ख्‍योङदी सिमोनगी खाङबाला ओहङसीन।

लूका 3:8

ख्‍याया़गी तेहम्‍बाराङ राहङ-राहङगी तिहक्‍पाया़ स्‍या़बा डुप्‍ती राहङगी सेम किन्‍ज्‍यो ङो़ले लो़हक्‍यो यिहन्‍सीमाना ओ़हला ते़बे डोलु-तेहलु या़हबु पेहतोङ। यिहॱनाङ ‘ङ्यिहनी अब्राहामगी छार्क्‍यीन यिहम्‍बा’ म़ेदी ख्‍याया़ थार ख़ूएँ म़ेदी नोम्‍साङ माहताङ। ङाह ख्‍याला माएँ, किन्‍ज्‍योगी अब्राहामकी छार्क्‍यीनला दि तोहया़लेगीॱआङ ठुङ च्‍य़ू थुप्‍कें।

लूका 12:17

ओहले खोगी साम्‍लु ताङदे, ‘दि डुया़ का़हला ज़्‍या़ज्‍ये, ग्‍या़ॱआङ म़ेह, ता़ह च्‍यि पेहच्‍ये?’ म़ेदी साम्‍लु ताङसीन दु।

मत्ती 20:16

ओहले येशूगी दि स्‍याहल था़ च्‍येती सुङ नाङसीन, “दि ल़ेहमु पेहतीराङ तिङला येहकेनया़ तोहङला ओहङज्‍ये येह ओहले तोहङला येहकेनया़ तिङला लिहच्‍ये येह।”

मत्ती 21:11

मिह मिह-माहङगी ल़ेहन क्‍याहप्‍सीन, “दि खोनी गालील साने़की नासरतले फेप नाङग्‍योकी लुहङतेम्‍बा येशू यिहम्‍बा।”

लूका 7:38

ओहले मोह क्‍याहपले ओहङदी येशूगी स्‍याहप पोहला लाहङदी ङी़हदी तेहसीन, आहन्‍डा पेहती ङी़हदी तेहकेमु मोहगी मिज्‍यु माहङबु स्‍योर्ती येशूगी स्‍याहपला लेप्‍सीन, ओहले मोहगी येशूगी स्‍याहपला राहङगी टागी फी़ तेर्ती येशूगी स्‍याहपला च्‍युक पेहती टिहमा स्‍यिहम्‍बु खाएँगी नुम पे़दी स्‍याहपला टुहल्‍सीन।

लूका 7:40

ओहले येशूगी, “ए सिमोन, ङाहगी ख्‍येला मा कोहच्‍ये ताम च्‍यी़ येहबा” म़ेदी सुङ नाङसीन। ओहले “सुङ नाङदोङ लोबेन ला़ह” म़ेदी फरिसी सिमोनगी स्‍युहसीन।