लूका 7:25 - ह्योल्‍मो

²⁵ दि मिहन्‍सीमाना, लेहमेन च्‍यि ता काहल्‍ग्‍यो? काप्‍च्‍या या़हबु-या़हबु केहन्‍ग्‍योकी मिह ता काहल्‍ग्‍यो? रिहन माहङबु डोएँगी काप्‍च्‍या केहन्‍गेन दाङ ङ्याहम छ्यिम्‍बु पेहती साहएँगी मिहया़नी क्‍याहल-गाङला गा तेहकें।

लूका 7:25 Referans Kwoze

मत्ती 6:29

यिहॱनाङ ङाह ख्‍याया़ला माएँ, सोलोमन क्‍याहल्‍बु ङ्याम्‍बु ओ़ह ल़ेहमु ते़ङेन क्‍युह-नोहर येहतीॱआङ खो ओ़ह मेहन्‍दोया़ चेबा ज़ाप मा़हखुबा येहकें।

मत्ती 3:4

यूहन्‍नागी ङाबुङती पाहलकी था़क्‍योगी काप्‍च्‍या केहन्‍गो येहकें, क्‍येपाला को़बाकी कारा च्‍यिङगो येहकें। तोगी छापला पे़बे दाङ तिप-प्राहङ साहउ येहकें।

मत्ती 11:8

मिहन्‍सीमानानी च्‍यि ता काहल्‍ग्‍यो येहकें ले? च्‍यि या़हबु-या़हबु काप्‍च्‍या केहन्‍ग्‍योकी मिहया़ ता काहल्‍ग्‍यो? या़हबु-या़हबु काप्‍च्‍या केहन्‍गेन्‍गी मिहया़नी क्‍याहल्‍बुगी क्‍याहल-गाङला गा तेहकें!

लूका 7:24

यूहन्‍नागी ताङग्‍योगी स्‍याहप्‍च्‍यी ङ्यी़ लो़हदी काहल फान्‍ज्‍यो येशूगी मिह मिह-माहङया़ला यूहन्‍नागी तेहन्‍दाला ह्‍अ कोह च्‍य़ूज्‍येला, “ख्‍या रिह-काम्‍बुला च्‍यि ता काहल्‍ग्‍यो? ल्‍हा़बागी युङगेन्‍गी ङ्युङमाया़ला?

लूका 7:26

तेहम्‍बाराङ म़ेदोङ ले, ख्‍या च्‍यि ता काहल्‍ग्‍यो? लुहङतेम्‍बाला? यिहम्‍बा, माज्‍येराङ मानानी ख्‍यागी लुहङतेम्‍बा म़ेदीॱआङ मिह छ्यिम्‍बुज्‍यीला थोङदी येह।

लूका 16:19

ओहले येहपाराङ येशूगी सुङ नाङसीन, “छ्युक्‍पु मिह च्‍यी़ येहकें, खो ङ्यिहमा-टाहङमाराङ रिहन माहङबु डोएँगी काप्‍च्‍या केहन्‍दी ङ्याहम छ्यिम्‍बु पेहती तेहको येहकें।