लूका 7:23 - ह्योल्‍मो

²³ ङाहला थेचुम मेहबेकें मिह तेहम्‍बाराङ सोनाम-साक्‍पु यिहम्‍बा!” म़ेदी येशूगी सुङ नाङसीन।

लूका 7:23 Referans Kwoze

मत्ती 11:6

ङाहगी तेहन्‍दाला थेचुम मेहबेगेन मिह तेहम्‍बाराङ काहजे सोनाम-साक्‍पु।”

१ कोरिन्‍थी 2:14

का़हन्‍दी मिह यिहक्‍तेन म़ेह, खोगी किन्‍ज्‍योकी थुगी स्‍याहलया़ ल़ेहन मी़हखुएँ। च्‍यिबेमाना ओ़ह से़हया़नी खोगी तेहन्‍दाला उल्‍दुम्‍बा यिहम्‍बा ओ़ह सोङबे खोगी ओ़ह से़हया़ ङोह स्‍य़े मी़हखुएँ, च्‍यिबेमाना ओ़ह से़हया़ यिहक्‍तेन लाहमले च्‍यी़राङ ङोह स्‍य़े ख़ूएँ यिहम्‍बा।

लूका 2:34

शिमियोनगी खुङया़ला मेलाम क्‍याहप्‍ती स़ेबुगी आमा मरियमला मासीन, “ङ्यिहन्‍दोङ, इस्राएलला मिह माहङबुगीराङ थार्पा थोप्‍च्‍यु कि-माना तोङदी डोज्‍यु म़ेदीराङ चो़वो छ्येवागी ख्‍येगी स़ेबुलाॱराङ दाम नाङदी येह। मिह-रो़हराङ चो़वो छ्येवागी तेन नाङगेन्‍गी ताक्‍छेन यिहम्‍बा, ओ़हदीला मिह माहङबुगीराङ टाह पेहच्‍ये येह।

लूका 7:22

ओहले येशूगी खुङया़ला सुङ नाङसीन, “ख्‍यागी देला च्‍यि च्‍यि थोङबा, थे़बा, ओ़हदी राहङगी लोबेन यूहन्‍नासाला लो़ह काहल्‍दी स्‍येतोङ। मी़ मेहथोङगेनया़गी मी़ थोङगेॱराङ येह, काङबा लाहक्‍पा स्‍योरक्‍यो मिहया़ लाहङदी डो ख़ूएँराङ येह, जे थेन्‍ग्‍योया़ टा़हगेॱराङ येह, नाम्‍ज्‍यो मे़हथेगेनया़ थे़गेनराङ येह, स्‍यिक्‍यो मिहया़ सोम्‍बो लो़हगेॱराङ येह, ओहले प्राङबुया़गी या़हबु लेहङगुया़ ङ्यिहन ङ्युहङगेनॱराङ येह।

लूका 7:24

यूहन्‍नागी ताङग्‍योगी स्‍याहप्‍च्‍यी ङ्यी़ लो़हदी काहल फान्‍ज्‍यो येशूगी मिह मिह-माहङया़ला यूहन्‍नागी तेहन्‍दाला ह्‍अ कोह च्‍य़ूज्‍येला, “ख्‍या रिह-काम्‍बुला च्‍यि ता काहल्‍ग्‍यो? ल्‍हा़बागी युङगेन्‍गी ङ्युङमाया़ला?