लूका 7:22 - ह्योल्‍मो

²² ओहले येशूगी खुङया़ला सुङ नाङसीन, “ख्‍यागी देला च्‍यि च्‍यि थोङबा, थे़बा, ओ़हदी राहङगी लोबेन यूहन्‍नासाला लो़ह काहल्‍दी स्‍येतोङ। मी़ मेहथोङगेनया़गी मी़ थोङगेॱराङ येह, काङबा लाहक्‍पा स्‍योरक्‍यो मिहया़ लाहङदी डो ख़ूएँराङ येह, जे थेन्‍ग्‍योया़ टा़हगेॱराङ येह, नाम्‍ज्‍यो मे़हथेगेनया़ थे़गेनराङ येह, स्‍यिक्‍यो मिहया़ सोम्‍बो लो़हगेॱराङ येह, ओहले प्राङबुया़गी या़हबु लेहङगुया़ ङ्यिहन ङ्युहङगेनॱराङ येह।

लूका 7:22 Referans Kwoze

लूका 4:18

“चो़वो छ्येवा किन्‍ज्‍योगी थु ङाह ङ्याम्‍बु ज़्‍य़ू नाङदी येह, प्राङबुया़ला या़हबु लेहङगु स्‍येतोङ सुङदी किन्‍ज्‍योगी ङाहला दाम्‍दी ताङ नाङग्‍यो यिहम्‍बा, ताहम्‍दी ज़्‍या़क्‍योया़ला स्‍यी़ तेर्च्‍येला, मी़ मेहथोङगेनया़ला मी़ थोङ च्‍य़ूज्‍येला, नेम्‍दी ज़्‍या़क्‍योया़ला लाहङ च्‍य़ूज्‍येला,

याकूब 2:5

ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?

मत्ती 21:14

ओ़ह तिङले मी़ मेहथोङगे दाङ काङबा कुच्‍या काहल्‍ग्‍योया़ छ्योखाङला येशूसाला ओहङसीन। येशूगी खुङया़ला टा़ह च्‍य़ू नाङसीन।

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

लूका 7:21

ओहजे काहङलाराङ येशूगी मिह माहङबुलाराङ खुङया़गी नाहजा, नेहपा दाङ ङ्येहम्‍बा नाम्‍स्‍यीया़ लाहमले खा फे़ नाङसीन ओहले मी़ मेहथोङगेन मिह माहङबुलाराङ मी़ थोङगेन ज़ो नाङसीन।

ल़ेह-पेन 8:7

च्‍यिबेमाना मिह माहङबुलेगी मेहचाङा नाम्‍स्‍यीया़ क़े तेन्‍दी काहल्‍सीन ओहले ज़ुबु कुहल मी़हखुएँ दाङ काङबा कुच्‍या मिहया़ माहङबुराङ टा़हसीन।

यूहन्‍ना 1:46

दि थे़दी नथानेलगी खोला मासीन, “नासरतलेगीॱआङ च्‍यिॱआङ या़हबु स़ेह ओहङ ख़ूएँ ले?” ओहले फिलिपकी मासीन, “ओहङदी ता स्‍यो नाह ले!”

मत्ती 11:5

“मी़ मेहथोङगेन मिहया़गी मी़ थोङगोराङ येह, काङबा स्‍योरक्‍यो मिहया़ लाहङदी डोॱराङ येह, जे-ने़ह थेन्‍ग्‍यो मिहया़ टा़हगेॱराङ येह, नाम्‍ज्‍यो मे़हथेगे मिहया़गी थे़एँराङ येह, स्‍यिक्‍यो मिहया़ सोम्‍बो लो़हदीॱराङ येह ओहले प्राङबुया़गी या़हबु लेहङगु ङ्यिहन ङ्युहङगेनॱराङ येह।

लूका 7:23

ङाहला थेचुम मेहबेकें मिह तेहम्‍बाराङ सोनाम-साक्‍पु यिहम्‍बा!” म़ेदी येशूगी सुङ नाङसीन।