लूका 6:42 - ह्योल्‍मो

⁴² राहङगी मी़ला गाल्‍बा स्‍य़ूहक्‍यो माहथोङ फान्‍ज्‍योनी ख्‍येगी नो़हला, ‘केरे, केरे, ख्‍येगी मी़ला स्‍य़ूहक्‍योगी जेम तेन्‍ज्‍ये!’ म़ेदी काहन्‍डुमु पेहती मा ख़ूएँ? ए ज्‍याप्‍ला तेन्‍गेनया़! तोहङले राहङगी मी़ला स्‍य़ूहक्‍योगी गाल्‍बा तेन्‍दोङ, ओहले ख्‍येगी नो़हगी मी़ला स्‍य़ूहक्‍योगी जेम तेन तेर्च्‍येला साल्‍बु थोङगे!” सुङदी येशूगी सुङ ख्‍येप्‍टा नाङसीन।

लूका 6:42 Referans Kwoze

२ पत्रुस 1:9

ओहले का़हन्‍दी मिहया़ ङ्याम्‍बु दि गीनया़ म़ेहबा खुङगी था़-रिहङबुगी से़हया़ थोङज्‍ये म़ेह ओ़ह सोङबे खुङ मी़ मेहथोङगेन्‍गी मिहया़ ल़ेहमुराङ यिहम्‍बा। खुङगी राहङगी तिहक्‍पा ता़हक्‍योगी तामया़ॱआङ टेहम्‍बा च्‍येह सिहन्‍ग्‍यो ओहङगे।

२ तिमोथी 2:21

पे-मी़हसिहएँगी तामया़ ङो़ले मिहगी राहङगी राहङला चाङमा ज़ोसीन माना खो या़हबु ल़ेहया़की तेहन्‍दाला पे-सी़हएँगी मिह च्‍यी़ डो ख़ूज्‍ये येह, ओहले खाङबा ताहक्‍पुकी तेहन्‍दाला चाङमा, फेन्‍दोप दाङ या़हबु ल़ेहया़ च्‍यिला-माना ठाबे टी़हज्‍ये येह।

२ कोरिन्‍थी 5:18

दि थाम्‍ज्‍यी किन्‍ज्‍यो लाहमले काहल्‍ग्‍यो यिहम्‍बा, मिहरोगी ओहराङला मास्‍यीका लाहमले राहङ ङ्याम्‍बु थिन च्‍य़ू नाङसीन ओहले लेहमेनया़लाॱआङ किन्‍ज्‍यो ङ्याम्‍बु येहपाराङ थिन च्‍य़ूएँगी छ्या़ले ङ्यिहला नाङसीन।

रोमी 2:1

ओ़ह सोङबे लेहमेनला फातुर च़ूगे ए रो़ह, ख्‍ये सु यिहॱनाङ, ख्‍येला तेलेन तेन्‍गे ग्‍या़ॱराङ म़ेह, च्‍यिबेमाना ख्‍येगी लेहमेनला च्‍यि तामला फातुर च़ूगे, ओ़ह तामलाॱराङ ख्‍येॱलाङ ङ्य़ेहबा फो़ज्‍ये येह, च्‍यिबेमाना ख्‍ये फातुर च़ूगेन्‍दीगीॱआङ ओ़ह ल़ेहराङ पेहकें।

ल़ेह-पेन 13:10

“ख्‍ये थाम्‍ज्‍यी टाहङदेनकी टाह यिहम्‍बा। ख्‍ये चिहन क्‍याहप्‍केन दाङ ल़ेह ङ्येहम्‍बा पेहकें ती़ह गो-छ्येवागी पेहजा यिहम्‍बा। ख्‍ये चो़वोगी थेक्‍का लाहमया़ला ख्‍योक्‍तोङ ज़ोज्‍ये छोल्‍गे?

ल़ेह-पेन 8:21

ख्‍येगी दि छ्या़ले पेह मिहङ्युहङ, दि छ्या़लेला येहना ख्‍येगी बो येहबा, येहना ओङ येहबा, च्‍यिबेमाना किन्‍ज्‍योगी दिनला ख्‍येती सेम या़हबु मिहन्‍दु।

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

लूका 22:32

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।

लूका 13:15

ओहजेला येशूगी सुङ नाङसीन, “ए पेहचीन तेन्‍गे मिहया़, थाङ सोएँ ङ्यिहमाला कोहरेला ता़ ज़्‍या़क्‍योगी पाहलाङ, लाङगो क्‍यिनी पुहङगुला ताङदे छ्यु तेर्च्‍येला मेहख्‍येर्कें ले?

मत्ती 26:75

ओहले “च्‍याहबु क़े तेन्‍गे म़ेदी तोहङले ङाहला लेहमा सुम थु ङोह मे़हस्‍येएँ म़ेदी माज्‍ये येह,” म़ेदी येशूगी सुङ नाङग्‍यो स्‍याहल पत्रुसगी टेहम्‍बा साल्‍सीन। ओहले खो फिला काहल्‍दी ज्‍यिबुराङ सेम नाहमु पेहती ङुहसीन।

मत्ती 7:3

च्‍यिबे ख्‍येगी राहङगी नो़हगी मी़ला ङ्योहक्‍तोङ स्‍य़ूहक्‍यो थोङगे ओहले राहङदी मी़ला स्‍यिङ गोन्‍दोङ स्‍य़ूहक्‍योदी मेहथोङगे?

मत्ती 7:4

राहङगी मी़ला स्‍य़ूहक्‍योगी स्‍यिङ गोन्‍दोङ मेहथोङगेन्‍दीगी राहङगी नो़हला ‘केरे-केरे, ङाह ख्‍येगी मी़ला स्‍य़ूहक्‍योगी ङ्योहक्‍तोङ तेन तेर्च्‍ये’ म़ेदी काह-ठि पेहती मा ख़ूज्‍ये?

लूका 6:41

“येहपाराङ, राहङदी नो़हगी मी़ला जेम स्‍य़ूहक्‍योदी थोङगे, च्‍यिबे राहङगी मी़ला गाल्‍बा स्‍य़ूहक्‍योदी मेहथोङगे?

लूका 6:43

“या़हबु तोहङबोला सेदो चोक्‍पा या़ह मी़हखुएँ ओ़ह ल़ेहमुराङ चोक्‍पा तोहङबोॱलाङ या़हबु सेदोया़ या़ह मी़हखुएँ।