लूका 6:17 - ह्योल्‍मो

¹⁷ ओहले येशू ल़ेह-पेनया़ ङ्याम्‍बु काहङदोलेगी माहर फाप्‍ती थाङगा च्‍यी़ला लेप नाङसीन। ओहजेला ओ़हला स्‍याहप्‍च्‍यी माहङबुराङ जोम्‍दी तेहती येहकें, ओहले यहूदीया साने़की मिह, यरूशलेम क्‍याहसाकी मिह, छो-क्‍याहम्‍जोकी सुहरला येहकेन टुरोस दाङ सीदोन क्‍याहसाकी मिहॱआङ माहङबुराङ जोम्‍दी येहकें।

लूका 6:17 Referans Kwoze

मत्ती 11:21

“ए खोराजीन दाङ बेथसेदागी मिहया़, ख्‍याया़ काहजे छा़ तुहवा! ख्‍याया़गी पाहरक्‍यीला पेहक्‍योगी याहम्‍जेन छ्येवागी ल़ेहया़ टुरोस दाङ सीदोन लुहङबाला पेहपा यिहनानी खुङया़गी तोहङलेराङ फाजीगी काप्‍च्‍या केहन्‍दी थाला की़दी सेमगी स्‍या़बा पेहती तिहक्‍पा पाङज्‍ये येहकें।

लूका 6:12

ङ्यिहमा च्‍यी़ येशू काहङ च्‍यी़ला फेप्‍ते नुहप काहङ किन्‍ज्‍योला सोल्‍वाङ ताप्‍ते ज़्‍य़ू नाङसीन।

लूका 5:15

ओ़ह यिहन्‍ज्‍यु येशूगी जे नाङग्‍योकी छ्या़लेगी केच्‍याया़ तोहरोङ टाहम्‍दी काहल्‍सीन। ओहले मिह माहङबुराङ येशूगी सुङदेन ङ्यिहन्‍ज्‍ये दाङ नाहजाया़ टा़ह च्‍य़ूज्‍येला येशूसाला ओहङसीन।

मत्ती 15:21

येशूगी ओ़ह ग्‍या़ क्‍युर ज़्‍या़दी टुरोस दाङ सीदोनती दे-खामला फेप नाङसीन।

मत्ती 14:14

येशू टुह-छ्युङलेगी फाप नाङगेमु मिह मिह-माहङया़गी राहङला कू़हदे तेहक्‍यो ज़ी़ नाङसीन। ओ़ह मिह मिह-माहङला ज़ी़ नाङदी येशूगी थु निङज्‍यीगी काहङदी ओहङसीन ओहले येशूगी ओ़हला येहकेन्‍गी नेहपाया़ला टा़ह च्‍य़ू नाङसीन।

मत्ती 12:15

ओ़ह ताम येशूगी ङोह ख्‍येन्‍दी येशू ओहलेगी फेप नाङसीन, ओहले मिह माहङबुराङ येशूला ताहदा क्‍याहप्‍ती काहल्‍सीन, ओहले येशूगी खुङ थाम्‍ज्‍यीलाराङ टा़ह च्‍य़ू नाङसीन,

मत्ती 5:1

मिह मिह-माहङ ओहङगेन ज़ी़ फान्‍ज्‍यो येशू काहङ च्‍यी़ला फेप्‍ती ज़्‍य़ू नाङसीन ओहले स्‍याहप्‍च्‍यीया़ॱआङ ओहङदी येशूगी साहर-सुहरला तेहसीन।

लूका 6:16

याकूबकी पुह यहूदा, ओहले येशूला ज़ुङ च्‍य़ूएँगी यहूदा इस्‍करियोत।

लूका 6:18

ओ़ह मिहया़, येशूगी सुङदेन ङ्यिहन्‍ज्‍येला, ओहले नाहजाया़ टा़ह च्‍य़ूज्‍ये म़ेदी ओहङदी येहकें। ओहजेला मेहचाङा नाम्‍स्‍यीया़ स्‍य़ूहदी तुहक्‍पु ङ्युहङग्‍योगी मिहया़ॱआङ टा़हसीन।