लूका 5:14 - ह्योल्‍मो

¹⁴ ओहले येशूगी सुङ नाङसीन, “दि केच्‍या सुॱलाङ माहस्‍ये। यिहॱनाङ पूजाहारीसाला काहल्‍दी ता च्‍य़ूदोङ। ओहले मोशागी छ्य़े-ठिमला ल़ेहमुराङ ख्‍येगी मिहया़ला टा़हसीन म़ेदी तेन्‍ज्‍येला डेल्‍बा फुल्‍दोङ।”

लूका 5:14 Referans Kwoze

लूका 17:14

ओहले येशूगी खुङया़ला सुङ नाङसीन, “सोङ, काहल्‍दी पूजाहारीसाला राहङला तेन्‍दोङ।” ओहले खुङ डोडोपा काहङला चाङमा काहल्‍सीन।

मत्ती 8:4

ओहले येशूगी खोला सुङ नाङसीन, “दि केच्‍या सुॱलाङ माहस्‍ये। यिहॱनाङ राहङला पूजाहारीसाला काहल्‍दी तेन्‍दोङ, ओहले मोशागी का तेरक्‍यो डेल्‍बा फुल्‍दी थाम्‍ज्‍यीला ख्‍ये टा़हक्‍योगी दास्‍यी तेर्तोङ” म़ेदी सुङ नाङसीन।

मर्कूस 1:44

“त़ेदोङ, दि केच्‍या सुॱलाङ माहस्‍ये। यिहॱनाङ पूजाहारीसाला काहल्‍दी राहङला ङ्याम च्‍ये च्‍य़ूदोङ। ओहले मोशागी सुङ नाङग्‍यो ल़ेहमुराङ डेल्‍बा फुल्‍दी मिह थाम्‍ज्‍यीला ख्‍ये चाङमा काहल्‍ग्‍योगी दास्‍यी तेर्तोङ।”

मत्ती 12:16

ओहले येशूगी ङाह सु यिहम्‍बा म़ेदी सुॱलाङ माहस्‍ये म़ेदी खुङया़ला का नाङसीन।

मत्ती 9:30

ओहले खुङ ङ्यी़गी मी़ थोङगेन काहल्‍सीन। ओहले येशूगी खुङला, “दि केच्‍या सुॱलाङ छोर मा़हच्‍यु” म़ेदी का नाङसीन।

लूका 9:5

मिहगी युहलला लेप्‍ते ख्‍याला सुगीॱआङ फेप मिहस्‍युहसीमाना ओ़ह युहलले थेन्‍दी डोएँमु ओ़ह युहलगी मिहया़ला किन्‍ज्‍योगी ठिम ताङ नाङज्‍ये येह म़ेदी तेन्‍ज्‍येला ख्‍यागी काङबाला ज़्‍योरक्‍योगी थाल्‍बी प्रू़दी ज़्‍यो़!” म़ेदी येशूगी स्‍याहप्‍च्‍यीया़ला सुङ नाङसीन।

मर्कूस 6:11

ओहले युहलला लेप्‍केमु ख्‍याला सु मिह च्‍यी़गीॱआङ फेप मेहस्‍युहसीमाना ओहले ख्‍यागी ताम मिहङ्यीहन्‍सीमाना ओ़ह मिहया़ला किन्‍ज्‍योगी ताङ नाङगेन्‍गी छ्य़े-ठिमगी ज्‍यी़-ङोर तेन्‍दे राहङगी काङबागी थाल्‍बी ओ़हलाराङ प्रू़दी ओ़ह युहललेगी थेन्‍दी सोङ।”

मत्ती 10:18

ङाहगी तेहन्‍दागी पेहती ख्‍याया़ला पोम्‍बो छ्यिम्‍बु दाङ क्‍याहल्‍बुया़गी दिनला लाहङ च्‍य़ूज्‍ये येह। ओहजेला ख्‍याया़गी खुङया़ला ओहले लेहमेन क्‍यिहपागी मिहया़ला ङाहगी तेहन्‍दाला पाङबु तेर कोहच्‍ये येह।

लूका 5:13

ओहले येशूगी खोला छ्या़गी दे़ नाङदी, “ङाहगी सेमला क्‍ये़दी येहबा ख्‍ये टा़हज्‍यु” म़ेदी सुङ-लुहङ मे़हबाराङ ओ़ह मिह टा़हसीन।