लूका 5:1 - ह्योल्‍मो

¹ ङ्यिहमा च्‍यी़ येशू गनेसरेत माएँ छोगी सुहरला ज़्‍याङदी ज्‍य़ूएँमु मिह माहङबुराङ किन्‍ज्‍योगी सुङदेन ङ्यिहन्‍ज्‍ये म़ेदी येशूगी पोहला च्‍येप्‍ती ओहङसीन।

लूका 5:1 Referans Kwoze

मर्कूस 3:9

दि ज़ी़दी मिह मिह-माहङगी राहङला च्‍येप्‍ती माहयोङज्‍यु म़ेदी येशूगी स्‍याहप्‍च्‍यीया़ला टुह-छ्युङ च्‍यी़ ख्‍येर्स्‍यो म़ेदी सुङ नाङसीन।

मत्ती 14:34

येशू स्‍याहप्‍च्‍यीया़ ङ्याम्‍बुराङ छो च्‍येती फार्केन देप गनेसरेत माएँगी ग्‍या़ला फेप नाङसीन।

मर्कूस 6:53

येशू स्‍याहप्‍च्‍यीया़ ङ्याम्‍बुराङ छो च्‍येती फार्केन देपकी गनेसरेत माएँ ग्‍या़ला लेप फान्‍ज्‍यो टुह-छ्युङ छो सुहरला ख्‍योङसीन।

मत्ती 11:12

बप्‍तिस्‍मा तेर्केन यूहन्‍नागी ती़हजी यिहन्‍ज्‍यु नाहरे थु किन्‍ज्‍योगी क्‍याहल्‍सी स्‍युक छ्यिम्‍बु पेहती तोहङला डोॱराङ येहबा, ओहले टाह पेहकेनया़गीदी ओ़ह थो़ला उर्चु पेहती क्‍याहल्‍ज्‍ये छोल्‍गेराङ येहबा।

लूका 12:1

मिहया़ तोङरा च्‍यी़ म़ेदीॱआङ माहङबु जोम्‍ग्‍यो सोङबे च्‍यी़गी च्‍यी़ला च्‍येप्‍ती-च्‍येप्‍ती ओहङसीन। ओ़ह ती़हजीला येशूगी तोहङले राहङगी स्‍याहप्‍च्‍यीया़ला सुङ नाङसीन, “ख्‍याया़ फरिसीया़गी खमिर ङो़ले जेम्‍दी तेहतोङ! दि माएँगी तेहन्‍दादी, पेहचीन तेन्‍गे फरिसीया़ ङ्याम्‍बु ख्‍या जेम्‍दी तेहतोङ म़ेदी माज्‍ये छोल्‍ग्‍यो यिहम्‍बा।

मर्कूस 5:24

ओहले येशू याइरस ङ्याम्‍बु फेप नाङसीन। मिह माहङबुराङ येशूला ताहदा क्‍याहप्‍ती ओहङसीन ओहले येशूगी ति-खिरे मिह मिह-माहङ जोम्‍सीन।

लूका 8:45

ओहजेला येशूगी, “ङाहला सुगी दे़बा?” म़ेदी टी़ह नाङसीन। सुगीॱआङ, “ङाहगी दे़क्‍यो” म़ेदी मा़हमे। ओहले पत्रुसगी, “लोबेन ला़ह, मिह मिह-माहङया़गीनी राहङला च्‍येप्‍ती-च्‍येप्‍ती ओहङ दु!” म़ेदी स्‍युहसीन।

मर्कूस 4:1

येशूगी येहपाराङ गालील छोगी सुहरला सुङदेन नाङज्‍ये छ़ूसीन। येशूगी ति-खिरे मिह मिह-माहङ जोम्‍दी येहकें सुङगोराङ येशू टुह-छ्युङ च्‍यी़ला जा़दी छोगी सुहरले फाच्‍चीला फार फेप्‍ती ज़्‍य़ू नाङसीन। ओहले मिहया़दी छोगी सुहरलाॱराङ तेहसीन।

लूका 5:2

ओहले येशूगी छोगी सुहरला टुह-छ्युङ ङ्यी़ ज़ी़ नाङसीन। ओहले ङ्याह ज़ुङगेन ङ्याहबाया़ टुह-छ्युङलेगी फाप्‍ते ङ्याहटा ठुज्‍ये पेहक्‍यो येहकें।

लूका 8:22

ङ्यिहमा च्‍यी़ येशूगी राहङगी स्‍याहप्‍च्‍यीया़ला, “ओहराङ छोगी फार्केन देपला डो” म़ेदी क़े क्‍याहप नाङसीन। ओहले खुङ फ़ेबेॱया टुह-छ्युङला स्‍य़ूहदी फेप नाङसीन।

लूका 8:23

फेप-फेप्‍पा काहङला येशू नाल जेसीन। ओहले याहम्‍बीज्‍यीलाराङ ल्‍हा़बा लुङजी ओहङदी टुह-छ्युङ छ्युगी काहङज्‍ये पेहसीन ओ़ह सोङबे खुङया़ खेन्‍दा-का़हबुला छ्यिसीन।

लूका 8:33

ल्‍हेन्‍डीया़ ओ़ह मिहलेगी थेन्‍दी फा़ नाहङला स्‍य़ूहसीन, ओहले ओ़ह फा़ बा़ल प्रा़हले माहर छ्योङदी छोला नुप्‍ती स्‍यिसीन।

यूहन्‍ना 1:40

यूहन्‍नागी माक्‍योकी ताम ङ्यिहन्‍दी येशूगी तिङदा तिङ डोएँ मेहन्‍दा ङ्यी़ नाहङला च्‍यी़दी सिमोन-पत्रुसकी नो़ह अन्‍द्रियास यिहन्‍गे।

यूहन्‍ना 6:1

ओ़ह तिङले येशू गालील छो पे यिहॱना़: तिबेरियास छो च्‍येती फार्केन देपला फेप नाङसीन।

हिब्रू 13:7

ख्‍याया़ला तोहङस्‍यो किन्‍ज्‍योकी लुहङ तेर्के लोबेनया़ला टेहम्‍बा साल्‍दोङ। खुङया़गी राहङगी मिहलीला पेहक्‍योगी या़हबु ल़ेहया़की तेहन्‍दाला ख्‍यागी नोम्‍साङ ताङदोङ ओहले खुङगी यिह-छ्य़े पेहक्‍यो ल़ेहमुराङ ख्‍याया़गीॱआङ पेहतोङ।