लूका 4:22 - ह्योल्‍मो

²² ओहले मिह थाम्‍ज्‍यीगीराङ येशूला तेपा फुल्‍सीन। येशूगी काटीनगी काहङग्‍योगी स्‍याहल थे़दी खुङ ह्‍अ ल़ेहसीन। ओहले च्‍यी़गी च्‍यी़ला मामा चे़दी, “दिनी योसेफकी पुह मिहम्‍बा ले?”

लूका 4:22 Referans Kwoze

यूहन्‍ना 6:42

खुङया़गी मासीन, “च्‍यि दि योसेफकी पुह, येशू मिहन ले? च्‍यि खोगी आबा, आमाला ओहराङगी ङोह मे़हस्‍येएँ ले? ताहन्‍दा दि खोगी काह-ठि पेहती ‘ङाह स्‍यिहङगामले ओहङग्‍यो यिहम्‍बा’ म़ेदी मा ख़ूएँ?”

ल़ेह-पेन 6:10

यिहॱनाङ नाम्‍पार-ताहक्‍पा थुगी स्‍तिफनासला दि ल़ेहमु रिहक्‍स्‍यी नाङसीन खोगी ताम माएँमु सुगीॱआङ ल़ेहन क्‍याहप मा़हखु।

यूहन्‍ना 7:46

ओहले माक्‍मीया़गी मासीन, “दि मिहगी ल़ेहमु नि नाहरे थु सु मिह च्‍यी़गीॱआङ ताम म़ेदी म़ेह!”

लूका 21:15

ङाहगीराङ ख्‍याला रिहक्‍स्‍यीगी काहङ च्‍य़ूदी मा कोहएँगी तामया़ ओ़हजेलाराङ ङोह स्‍य़े च्‍य़ूज्‍ये येह, ओहले ख्‍यागी टाहया़गी खाला खाप्‍ज्‍यु क्‍याहप्‍च्‍ये येह।

लूका 2:47

ओहले येशूगी रिहक्‍पा-रिहक्‍स्‍यी दाङ येशूगी ल़ेहन क्‍याहप्‍के थे़गे मिह थाम्‍ज्‍यीराङ ह्‍अ ल़ेहसीन।

लूका 2:48

ओ़ह ल़ेहमु पेहती येशू ज़्‍य़ूक्‍यो थोङदी येशूगी आबा दाङ आमाॱआङ ह्‍अ ल़ेहसीन। ओहले येशूगी आमागी स्‍युहसीन, “पुह, ख्‍येगी ङ्यिहला दि च्‍यि पेहक्‍यो? त़ेदोङ, ख्‍येगी आबा दाङ ङाह काहजे का क्‍याहल्‍दी ख्‍येला छोल तेहक्‍यो येहकें!”

लूका 4:21

ओहले येशूगी खुङया़ला सुङ नाङसीन, “ख्‍यागी ङ्यिहन्‍ग्‍योगी सुङरापगी सुङ तिहरीङ ङाहगी माएँ माएँमुराङ तेहन्‍दा डुप्‍ते येह!”

यूहन्‍ना 1:45

फिलिपगी नथानेलला थू़दी मासीन, “छ्य़े-ठिमला मोशा दाङ लुहङतेम्‍बाया़गी का़हन्‍दी मिहगी तेहन्‍दाला प्री़हदी येहकें, मिहरोला ङ्यिहगी ज्‍याल्‍सीन। मिहरो नि नासरत युहलला ज़्‍यू़गेन्‍गी योसेफकी पुह येशू गा यिहन्‍गे दुबा।”