लूका 4:20 - ह्योल्‍मो

²⁰ ओहले येशूगी छ्य़े टिल्‍दी स्‍याहप्‍च्‍यी च्‍यी़ला नाङदी येशू ज़्‍य़ू नाङसीन। ओ़हला येहकें मिह थाम्‍ज्‍यीगी येशूला त़ेदी तेहक्‍यो येहकें।

लूका 4:20 Referans Kwoze

लूका 4:17

येशूला यशैयागी प्रुहक्‍योगी छ्य़े टा़ह नाङज्‍येला फुल्‍सीन। ओहले छ्य़े खा फ़ेदी येशूगी दि ल़ेहमु प्रुहक्‍योगी ग्‍या़ तेन्‍दी टा़ह नाङसीन

यूहन्‍ना 8:2

ओहले नाहङबार च्‍युङ नाहम्‍सीमुॱराङ येशू छ्योखाङला लो़हदी फेप नाङसीन। ओहले मिह माहङबुराङ येशूसाला जोम ओहङसीन। ओहले येशू ओ़हला ज्‍यू़दे मिहया़ला सुङ ख्‍येप्‍टा नाङज्‍ये छ़ूसीन।

लूका 19:48

यिहॱनाङ खुङया़ला छ्या़ डी़राङ मा़हखु च्‍यिबेमाना मिह थाम्‍ज्‍यीगी येशूगी सुङदेन ज्‍यिबुराङ निङरु पेहती ङ्यिहन्‍गो येहकें।

लूका 5:3

ओहले येशू सिमोन माएँ मिहगी टुह-छ्युङला ज़्‍य़ूदी, “टुह-छ्युङ छो सुहरलेगी याहम्‍बी फाच्‍ची ख्‍येर्तोङ” म़ेदी सिमोनला सुङ नाङसीन। ओहले टुह-छ्युङलाराङ ज़्‍य़ूदी छोगी सुहरला तेहक्‍योगी मिह मिह-माहङया़ला सुङ ख्‍येप्‍टा नाङज्‍ये छ़ूसीन।

मत्ती 26:55

ओ़ह तिङले येशूगी राहङला ज़ुङज्‍ये म़ेदी ओहङग्‍यो मिहया़ला सुङ नाङसीन, “च्‍यि ङाह च्‍याहक्‍पा यिहम्‍बा म़ेदी ने़उ दुबा? ङाहला ज़ुङज्‍ये म़ेदी प्रेहका दाङ पादाङ थो़दी ओहङग्‍यो? ङ्यिहमा-टाहङमाराङ छ्योखाङला तेहती ङाहगी मिहया़ला लोप्‍च्‍युङ तेर्केमु के लेह ख्‍याया़गी ङाहला ज़ुङ माहयोहङ!

ल़ेह-पेन 16:13

ओहले छ्यु-चाङबु सुहरया़ला यहूदीया़की सोल्‍वाङ ताप्‍केन ग्‍या़ येहबा नि माएँ सेम क्‍ये़दी यहूदीगी थाङ सोएँ ङ्यिहमाला ङ्यिह ओ़हला काहल्‍सीन, ओहले ओ़हला छो़क्‍योगी पी़हमी-पेहजाया़ ङ्याम्‍बु तेहती ताम मासीन।

ल़ेह-पेन 3:12

दि थोङदी पत्रुसगी मिहया़ला मासीन, “ए इस्राएली आदा-नो़हया़, दि तामला राहङ फ़ेबेॱया ह्‍अ ल़ेहदी च्‍यिबे ङ्यिहला टोङे पेहती ज़ी़ नाङगे? च्‍यि ख्‍या फे़बेया़गी ङ्यिहगी दि मिहला राहङगी ओङ दाङ छ्य़ेसेमगी पेहती डो ख़ूएँ ज़ोक्‍यो यिहन म़ेदी ने़उ दुबा?

मत्ती 27:60

ओहले ओ़ह कुबुरला ताहन्‍दा च्‍यी़राङ तोह-पा़रा फ्रिदी ज़ोक्‍योगी राहङदीराङ साम्‍बा फुक्‍पाला तो़हसीन ओहले तोह छ्यिम्‍बु च्‍यी़ लो़री क्‍याहप्‍ती फुक्‍पागी कोह का़ ज़्‍या़दी खो ओहलेगी थेन्‍दी काहल्‍सीन।

लूका 4:21

ओहले येशूगी खुङया़ला सुङ नाङसीन, “ख्‍यागी ङ्यिहन्‍ग्‍योगी सुङरापगी सुङ तिहरीङ ङाहगी माएँ माएँमुराङ तेहन्‍दा डुप्‍ते येह!”