लूका 3:1 - ह्योल्‍मो

¹ रोमी क्‍याहल्‍बु छ्यिम्‍बु तिबेरिअसगी रोम क्‍याहल-खामगी थो़ला ओङ छ्य़ेदी लोह च्‍ये़ङा काहल सिहन्‍दी येहकें। ओहजे काहङला पन्तियस पिलातस यहूदीया लुहङबागी पोम्‍बो छ्यिम्‍बु येहकें। ओहले रोमी क्‍याहल्‍बुगी ओङ चो़ला हेरोदगी गालील साने़ थो़ला ओङ छ्ये़उ येहकें, ओहले हेरोदगी नो़ह फिलिपगीदी इतुरिया दाङ त्राखोनितिस लुहङबा थो़ला ओङ छ्ये़उ येहकें, ओहले अबिलेने लुहङबाला लुसानियासगी ओङ छ्ये़उ येहकें।

लूका 3:1 Referans Kwoze

लूका 2:1

ओहजे काहङला रोमी क्‍याहल-खामगी गो-छ्येवा क्‍याहल्‍बु अगस्‍टसगी राहङगी ओङ छ्य़ेक्‍यो क्‍याहल-खापया़गी मिहया़ला मिहगी टाहङजी ज़्‍या़ कोहएँ म़ेदी का नाङसीन।

मत्ती 27:2

ओहले खुङया़गी येशूला ताहम्‍दी रोमी स्‍युहङ-पेन छ्यिम्‍बु पिलातससाला ख्‍येर्ती चि क्‍याहप्‍सीन।

ल़ेह-पेन 26:30

ओहजेला क्‍याहल्‍बु अग्रिपास, स्‍युहङ-पेन छ्यिम्‍बु फेस्‍तस, बरनिकी दाङ खुङ ङ्याम्‍बु ओहङग्‍योगी मिह थाम्‍ज्‍यी ह्‍अप-ह्‍ओप लाहङसीन।

ल़ेह-पेन 24:27

ओहले लोह ङ्यी़ तिङले फेलिक्‍सकी छापला पर्किअस फेस्‍तस माएँ स्‍युहङ-पेन छ्यिम्‍बु च्‍यी़ ओहङसीन। ओहले फेलिक्‍सगी यहूदीया़ला क़ेहनाङ लाहङ च्‍य़ूज्‍येला पावलला चोन-खाङलाराङ ज़्‍या़सीन।

ल़ेह-पेन 23:26

“स्‍युहङ-पेन छ्यिम्‍बु फेलिक्‍स लाह, ङाह क्‍लौडियस लुसियस ङो़ले राहङला टास्‍यी-देले!

ल़ेह-पेन 4:27

“तेहम्‍बाराङ राहङगी दाम नाङग्‍यो, राहङगी नाम्‍पार-ताहक्‍पा स्‍याहप्‍च्‍यी येशूला टा़ह पेहती हेरोद दाङ पन्तियस पिलातस खुङ ङ्यी़, ओहले लेहमेन क्‍यिहपा दाङ इस्राएलीया़ ङ्याम्‍बु दि क्‍याहसाला जोम्‍दी येहकें।

लूका 23:24

ओहले पिलातसगी खुङगी माक्‍यो ल़ेहमुराङ पेहती येशूला सेतोङ म़ेदी मासीन।

लूका 9:7

ओहले गालील साने़ला ओङ छ्य़ेगे हेरोदगी येशूगी जे नाङग्‍यो छ्या़लेगी तेहन्‍दाला मिहया़गी ताम माक्‍यो थे़दी खो थामा थोमे काहल्‍सीन। च्‍यिबेमाना लाहलागी, “बप्‍तिस्‍मा तेर्केन यूहन्‍नाराङ सोम्‍बो लो़हदी ओहङग्‍यो यिहम्‍बा छ़े दु” म़ेदी माउ येहकें।

लूका 3:19

यिहॱनाङ पोम्‍बो हेरोदगी राहङगी नो़हगी पी़हमी हेरोदियासला राहङ ङ्याम्‍बु ज़्‍या़क्‍यो सुङबे ओहले खोगी पेहक्‍योगी थाम्‍ज्‍यी ल़ेह ङ्येहम्‍बाया़गी तेहन्‍दाला यूहन्‍नागी खोला बार्ता लाङग्‍यो येहकें।

मर्कूस 6:17

ओ़ह म़ेदी तोहङले हेरोदगी यूहन्‍नाला ज़ुङ च्‍य़ूदी ताहम्‍दी चोन-खाङला लू़क्‍यो येहकें च्‍यिबेमाना हेरोदगी राहङदीराङ नो़ह फिलिपकी पी़हमी हेरोदियासला ख्‍योङदी ज़्‍या़क्‍यो येहकें।

मत्ती 14:3

तोहङले राहङगी नो़ह फिलिपकी पी़हमी हेरोदियासगी पेहती हेरोदकी यूहन्‍नाला ताहम्‍दी चोन-खाङला लू़क्‍यो येहकें,

मत्ती 14:1

ओहजे काहङला गालील साने़ला क्‍याहल्‍बु पेहकेन हेरोदगी येशूगी तेहन्‍दाला थ़ेसीन ओहले खोगी राहङगी स्‍याहप्‍तो स्‍युहएँ मिहया़ला मासीन,

मत्ती 14:6

हेरोदगी क्‍ये़कार ङ्यिहमाला हेरोदियासकी पोहमोगी मिह थाम्‍ज्‍यीगी दिनला छे-मे़हबा या़हबु पेहती छ्याम्‍दी तेन्‍सीन। दि थोङदी हेरोद ज्‍यिबुराङ क़ेहनाङ लाहङसीन

मत्ती 22:17

ओ़ह सोङबे ङ्यिहला सुङ नाङदोङ, कैसरला ठाल च्‍याल्‍ज्‍ये ठाबे यिहम्‍बा नि मिहम्‍बा?”

मर्कूस 6:21

ज्‍युक्‍स्‍योलला हेरोदियासला क्‍यिम्‍बा च्‍याल्‍ज्‍येला लोहङ ज्‍योर्सीन। हेरोदगी राहङगी क्‍ये़गार ङ्यिहमाला गालील साने़की स्‍युहङ-पेन, माक्‍पेन दाङ लेहमेन मिह छ्यिम्‍बुया़ला क़े क्‍याहप्‍ती डेन छ्यिम्‍बुच्‍यी तेर्सीन।

लूका 13:31

ओ़हजेलाराङ सुज्‍यी फरिसीया़ येशूसाला ओहङदी मासीन, “राहङ देलेगी थेन्‍दी लेहमेन ग्‍या़ च्‍यी़ला फेप नाङदोङ च्‍यिबे मासीमाना हेरोदगी राहङला सेच्‍येला छोल्‍गेराङ येह।”