48 ख्याया़राङ दि केच्याया़दी पाङबु यिहन।
ओहले गालील साने़ले येशू ङ्याम्बुराङ यरूशलेमला ओहङग्यो मिहया़गी ङ्यिहमा माहङबु थु येशूला ज्याल्सीन। ओहले ओ़ह मिहया़राङ दाङ-तिहरीङगी इस्राएली मिहया़गी तेहन्दाला येशूला ज्याल्ग्योगी पाङबु यिहन।
दि थाम्ज्यी तामगी ङ्यिह पाङबु येहबा, ओहले किन्ज्योगी राहङगी का ङ्यिहन्गेनया़ला नाङग्योकी नाम्पार-ताहक्पा थुगीॱआङ पाङबु नाङगेराङ येह।”
“ता़ह ओ़ह येशू मास्यीकालाॱराङ किन्ज्योगी टोहङग्यो ग्या़लेगी सोम्बो ज़्याङ च्य़ू नाङसीन। दि तामगी तेहन्दाला ङ्यिह थाम्ज्यीराङ पाङबु येह।
यिहॱनाङ नाम्पार-ताहक्पा थु ख्याया़ थो़ला फेप नाङ फान्ज्यो ख्यागी ओङ ज्योर्च्ये येह। ओ़ह तिङले ख्याया़ यरूशलेम क्याहसाला, थाम्ज्यी यहूदीयाला, सामरिया साने़या़ला, ओहले जाम्बुलीङ छ्यो़ ज़्यिगालाॱराङ ख्या ङाहगी पाङबु ओ़हङज्ये येह।”
मिह थाम्ज्यीगीनी येशूला थोङ माहङ्युहङ, ओहले येशू सोम्बो ज़्याङ नाङ फान्ज्यो ङ्यिह ङ्याम्बुराङ सोल छ्ये नाङसीन, च्यिबेमाना किन्ज्योगी ङ्यिहया़ला दि तामगी पाङबु तेहच्येला तोहङलेराङ दाम नाङग्यो येहकें।
ओहले येशूगी यहूदीया दाङ यरूशलेम लुहङबाला जे नाङग्योकी थाम्ज्यीराङ तामया़गी पाङबु ङ्यिह येहबा। येशूला खुङया़गी क्याहङस्यीङला च्याङदी सेसीन।
मिहली नाङगेन्दीला गा ख्या फे़बेया़गी से नाङसीन। यिहॱनाङ किन्ज्योगी येशूला टोहङग्योलेगी ज़्याङ च्यु नाङसीन। दि तामदी ङ्यिहया़ पाङबु येह।
ङाहॱआङ छेन्छोककी एल्डर यिहन्गे सोङबे ङाह ख्या एल्डरया़ला ओहर-छ्य़े स्युहउ येहबा च्यिबेमाना मास्यीकागी तुहक्पु खुर नाङग्यो ङाहगी थोङदी येह ओहले मास्यीकाकी राहङगी ज़िज्यिद तेन नाङगे ङ्यिहमाला ङाहॱआङ मिहरो ङ्याम्बु ओहङज्ये येह।
चो़वो येशू टोहङ नाङदी येहपाराङ सोम्बो ज़्याङ नाङग्योकी तेहन्दाला ल़ेह-पेनया़गी स्युक छ्यिम्बु पेहती स्येको येहकें, ओहले खुङ थाम्ज्यी थो़ला किन्ज्योगी काटीन येहकें।
ख्या तोहङ यिहन्ज्युराङ ङाह ङ्याम्बु तेहक्यो सोङबे, ख्याया़ॱआङ ङाहती पाङबु ओहङज्ये येह।”
च्यिबेमाना ख्येगी मिहरोगी पाङबु तेहती राहङगी थोङग्यो दाङ थे़क्योगी तामया़ मिह थाम्ज्यीगी दिनला स्येॱराङ कोहच्ये येह।