लूका 24:23 - ह्योल्‍मो

²³ यिहॱनाङ ओ़हला खुङगी येशूगी कुबुरला च्‍य़ेह माहसीहन लो। ओहले खुङगी ओहङदी ङ्यिहला मासीन, ‘ङ्यिहगी स्‍यिहङगामगी स्‍याहप्‍च्‍यीला थोङसीन’ ओहले स्‍यिहङगामकी स्‍याहप्‍च्‍यीगी ‘येशूनी सोम्‍बोराङ येह’ म़ेदी सुङ नाङसीन लो।

लूका 24:23 Referans Kwoze

लूका 24:22

येहपाराङ ङ्यिहगी लाहला आज्‍यी-नुहमुया़गी माक्‍योगी ताम थे़दी ङ्यिहनी ह्‍अॱराङ ल़ेहसीन। खुङ तिहरीङ ङाटुराङ फुक्‍पाला ता काहल्‍ग्‍यो येहकें,

लूका 24:24

दि केच्‍या थे़दी ङ्यिहगी लाहला रो़हया़ॱआङ फुक्‍पाला ता काहल्‍सीन, खुङगीॱआङ ओ़ह पी़हमीया़गी माक्‍यो ल़ेहमुराङ फुक्‍पा तोङबा थोङसीन लो, यिहॱनाङ येशूलानी माहथोङ लो।”

यूहन्‍ना 20:18

ओहले मरियम मग्‍दलिनी काहल्‍दी स्‍याहप्‍च्‍यीया़ला राहङगी चो़वोला थोङग्‍योकी केच्‍या दाङ येशूगी सुङ नाङग्‍योकी स्‍याहल थाम्‍ज्‍यीराङ स्‍येसीन।

मत्ती 28:6

यिहॱनाङ त़ेदोङ, येशूनी देला ज़्‍य़ू नाङदी म़ेह। येशू राहङगी सुङ नाङग्‍यो ल़ेहमुराङ मिहरोनी टोहङलेगी सोम्‍बो ज़्‍याङ नाङदी येह। ओहङदी चो़वोकी कुबुर तो़ह ज़्‍या़क्‍योगी ग्‍या़ला ता स्‍यो।

मर्कूस 16:11

ओहले मोहगी येशू सोम्‍बो ज़्‍याङ नाङग्‍यो दाङ राहङगी थोङग्‍योकी थाम्‍ज्‍यी केच्‍याया़ खुङया़ला स्‍येसीन। यिहॱनाङ खुङगी मोहगी तामला यिह मा़हछ्ये।

लूका 24:3

फुक्‍पा नाहङला स्‍य़ूहगेमु खुङया़गी येशूगी कुबुर माहथोङ।