लूका 24:19 - ह्योल्‍मो

¹⁹ येशूगी खुङ ङ्यी़ला, “च्‍यि ताम?” सुङदी टी़ह नाङसीन ओहजेला खुङ ङ्यी़गी, “नासरतगी येशूगी तेहन्‍दाला, येशू लुहङतेम्‍बा येहकें, ओहले किन्‍ज्‍यो दाङ मिह थाम्‍ज्‍यीगी दिनला ओङ छ्यिम्‍बुगी छ्या़ले जे नाङगे दाङ ज्‍यिबुराङ या़हबु सुङदेन नाङगेन्‍गी लुहङतेम्‍बा यिहन्‍गे।

लूका 24:19 Referans Kwoze

मत्ती 21:11

मिह मिह-माहङगी ल़ेहन क्‍याहप्‍सीन, “दि खोनी गालील साने़की नासरतले फेप नाङग्‍योकी लुहङतेम्‍बा येशू यिहम्‍बा।”

ल़ेह-पेन 7:22

खोला मिश्रीया़गी येहन्‍देनगी थाम्‍ज्‍यी लोप्‍च्‍युङ लोप तेर्को येहकें, ओहले मोशा खो राहङगी ताम मालु दाङ ल़ेहया़ला ख़ेबा काहल्‍सीन।

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

यूहन्‍ना 6:14

येशूगी जे नाङग्‍योकी दि रोहवा याहम्‍जेन छ्येवागी छ्या़ले थोङदी मिहया़गी मासीन, “जाम्‍बुलीङला फेप्‍च्‍ये येह म़ेदी ओहराङगी रेहवा पेहक्‍योकी लुहङतेम्‍बानी तेहम्‍बा-तेहन्‍सुमॱराङ मिह-रो़हराङ गा यिहन्‍गे दुबा!”

यूहन्‍ना 4:19

ओ़ह पी़हमीगी येशूला स्‍युहसीन, “लाहसो लाह, राहङनी लुहङतेम्‍बा गा यिहन्‍गे दुबा।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

यूहन्‍ना 7:52

ओहले खुङया़गी खोला मासीन, “च्‍यि ख्‍येॱआङ गालील साने़दी यिहम्‍बा? छ्य़ेला छोल्‍दी त़ेदोङ ओहले ख्‍येगी ह्‍अ कोहज्‍ये येह, गालील साने़ले सुज्‍यीॱआङ लुहङतेम्‍बा ओहङदी म़ेह।”

मर्कूस 1:24

“ओ़ नासरतगी येशू, राहङगी ङ्यिहला च्‍यि जे नाङज्‍ये जेक्‍यो? च्‍यि राहङ ङ्यिहला तोङ च्‍य़ूज्‍येला फेप नाङग्‍यो यिहम्‍बा? राहङ किन्‍ज्‍योगी ताङ नाङग्‍योगी नाम्‍पार-ताहक्‍पागी मिह यिहम्‍बा म़ेदी ङाहला क्‍यी़ह येह।”

लूका 24:18

ओहले खुङ ङ्यी़ नाहङला क्‍लेओपासगी मासीन, “राहङ यरूशलेमगी लाहमले जेते फेप नाङसीन यिहॱनाङ ओ़हला दाङ-तिहरीङ च्‍यि काहल्‍बा राहङला थुयी़ म़ेहबा?”