लूका 23:3 - ह्योल्‍मो

³ ओहले पिलातसगी, “ख्‍ये यहूदीया़की क्‍याहल्‍बु यिहम्‍बा?” म़ेदी टी़हसीन। “ओ़हदीनी, राहङगीराङ सुङ नाङगु दु ले!” म़ेदी येशूगी सुङ नाङसीन।

लूका 23:3 Referans Kwoze

१ तिमोथी 6:13

थाम्‍ज्‍यीराङ से़हया़ला मिहली नाङगेन किन्‍ज्‍यो दाङ पन्तियस पिलातसकी दिनला पाङबु नाङगेन्‍गी मास्‍यीका येशूगी दिनला,

यूहन्‍ना 1:49

नथानेलगी येशूला मासीन, “रब्‍बी, राहङनी किन्‍ज्‍योगी स़ेबु यिहन्‍गे दुबा, ओहले राहङनी इस्राएलीया़गी क्‍याहल्‍बु गा यिहन्‍गे दुबा।”

लूका 22:70

ओहजेला खुङ थाम्‍ज्‍यीगी, “आहनानी ख्‍ये किन्‍ज्‍योगी स़ेबुराङ यिहम्‍बा?” म़ेदी टी़हसीन। ओहले येशूगी, “यिहम्‍बा, राहङया़गी सुङ नाङग्‍यो ल़ेहमुराङ यिहम्‍बा!” सुङदी सुङ नाङसीन।

मर्कूस 15:2

ओहले पिलातसगी येशूला, “च्‍यि ख्‍ये यहूदीया़की क्‍याहल्‍बु यिहम्‍बा?” म़ेदी टी़हसीन। ओहले येशूगी, “ओ़ह नि राहङगीराङ सुङ नाङगु दु ले” म़ेदी ल़ेहन क्‍याहप नाङसीन।

यूहन्‍ना 19:3

ओहले येशू पोहला ओहङदी, “यहूदीया़की क्‍याहल्‍बु क्‍याहल्‍स्‍यो-क्‍याहल्‍स्‍यो ओहङज्‍यु!” म़ेदी स्‍ये़हन्‍डील पेहकेनॱराङ डाम्‍ज्‍या क्‍याहप्‍सीन।

लूका 23:38

क्‍याहङस्‍यीङला येशूगी उगी थो़ला खुङगी, “दि यहूदीया़गी क्‍याहल्‍बु यिहम्‍बा” म़ेदी प्री़हदी ज़्‍या़क्‍यो येहकें।

मर्कूस 15:32

“ए इस्राएलीया़गी क्‍याहल्‍बु मास्‍यीका! क्‍याहङस्‍यीङले माहर फाप्‍ती स्‍यो, ङ्यिह ताएँ! ओहले गा ङ्यिहगी यिह-छ्य़े पेहकें!” येशू ङ्याम्‍बुराङ च्‍याङग्‍योया़गीॱआङ येशूला स्‍ये़हन्‍डील पेहसीन।

मर्कूस 15:18

ओ़ह तिङले खुङया़गी येशूला “यहूदीया़की क्‍याहल्‍बुला छ्याक-छालो!” म़ेदी स्‍ये़हन्‍डील पेहसीन।

मत्ती 27:11

येशू रोमी स्‍युहङ-पेन छ्यिम्‍बुगी दिनला ज़्‍याङ फान्‍ज्‍यो स्‍युहङ-पेनगी येशूला, “च्‍यि ख्‍ये यहूदीया़गी क्‍याहल्‍बु यिहम्‍बा?” म़ेदी टी़हसीन ओहजेला येशूगी, “ओ़हनी राहङगीराङ सुङ नाङगु दु” म़ेदी ल़ेहन क्‍याहप नाङसीन।

यूहन्‍ना 18:29

ओ़ह सोङबे पिलातस खुङया़ला थुज्‍येला फिला थेन्‍दी ओहङसीन। ओहले खोगी खुङया़ला टी़हसीन, “ख्‍याया़गी दि मिहला च्‍यिगी तेहन्‍दाला फातुर च़ूज्‍ये छोल्‍ग्‍यो यिहम्‍बा?”