लूका 23:26 - ह्योल्‍मो

²⁶ खुङगी येशूला ख्‍येर्ती डोएँमु कुरेनी साने़लेगी ओहङग्‍योगी सिमोन माएँ मिह च्‍यी़ला खादु क्‍याहप्‍सीन। खो युहललेगी क्‍याहसाला ओहङगेॱराङ येहकें। ओहले खुङया़गी खोला ज़ुङदे येशूगी तिङदा तिङ क्‍याहङस्‍यीङ खुर्ती डो च्‍य़ूसीन।

लूका 23:26 Referans Kwoze

ल़ेह-पेन 6:9

यिहॱनाङ लाहला मिहगीदी खोला टा़ह पेहच्‍ये छ़ूसीन। खुङ यहूदी छो़खाङगी राहङवाङ छो़बागी मिहया़ ओहले अलेक्‍जेन्‍ड्रिया क्‍याहसा दाङ कुरेनी, ओहले किलिकिया दाङ एशिया क्‍याहल-खाप छ्यिम्‍बुलेगी ओहङग्‍योगी यहूदीया़ यिहन्‍गे। खुङ थाम्‍ज्‍यी डी़दी स्‍तिफनास ङ्याम्‍बु स्‍येपा तुहर्केन छ़ूसीन।

ल़ेह-पेन 6:6

ओहले खुङया़गी ओ़ह दाम्‍ग्‍योगी मिह तिहनला ल़ेह-पेनया़गी दिनला ख्‍येर्सीन, ओहले ल़ेह-पेनया़गी सोल्‍वाङ ताप्‍ती राहङगी लाहक्‍पा खुङ थो़ला ज़्‍या़सीन।

ल़ेह-पेन 2:10

फ्रिगिया, पाम्‍फिलिया, मिश्र, कुरेनी पोहला येहकेन्‍गी लिबिया क्‍याहल-खाप, रोम क्‍याहसा,

लूका 14:27

राहङगी क्‍याहङस्‍यीङ खुर्ती ङाहगी तिङदा तिङ मेहयोहङगेनया़दी ङाहगी स्‍याहप्‍च्‍यीया़ ओहङ मी़हखुएँ।

लूका 9:23

ओहले येशूगी मिहया़ला सुङ नाङसीन, “त़ेदोङ, सुॱआङ ङाहगी तिङला ओहङज्‍ये सेम येहसीमाना खोगी राहङगी राहङला मा-लोक पेहच्‍यु ओहले ङ्यिहमा-टाहङमाराङ राहङगी क्‍याहङस्‍यीङ खुर्ती ङाहगी तिङदा तिङ ओहङज्‍यु।

ल़ेह-पेन 13:1

एन्‍टिओखिया क्‍याहसागी छेन्‍छोकला लुहङतेम्‍बाया़ दाङ लोप्‍च्‍युङ तेर्केन मिहया़ माहङबुराङ येहकें। खुङया़ बारनाबास, आफ्रिकागी शिमियोन, कुरेनीगी लुकियस, क्‍याहल्‍बु हेरोद ङ्याम्‍बुराङ छारक्‍योगी मनेन दाङ शाऊल यिहन्‍गे।

लूका 23:25

ठ़ूस्‍यी पेहकें दाङ मिह सेकेन्‍दीला का पिलातसगी ताङ चाहङसीन, येशूलादी खोगी मिहया़गी सेमला ने़क्‍यो ल़ेहमुराङ येशूला क्‍याहङस्‍यीङला च्‍याङदी सेच्‍येला माक्‍मीया़ला चि क्‍याहप्‍सीन।

मत्ती 5:41

का़हलेॱआङ सुज्‍यीगी ख्‍येला नेसा च्‍यी़ डे़ लाङ म़ेदी उर्चु पेहसीमाना खो ङ्याम्‍बु नेसा ङ्यी़ डे़ तेर।