लूका 22:15 - ह्योल्‍मो

¹⁵ येशूगी खुङया़ला सुङ नाङसीन, “तुहक्‍पु खुर कोहएँ म़ेदी तोहङले ख्‍या ङ्याम्‍बु थार्पा छ्येपागी डेन साहज्‍येला ङाहगी ज्‍यिबुराङ सेम पेहती येहकें।

लूका 22:15 Referans Kwoze

लूका 12:50

ङाहगी तुहक्‍पुगी बप्‍तिस्‍मा च्‍यी़ ल़ेहन कोहच्‍ये येह ओहले ओ़ह बप्‍तिस्‍मा माहलेहन थु ङाहला सेम लो तेहमु ओहङज्‍ये म़ेह।

यूहन्‍ना 13:1

थार्पा छ्येपा लेप्‍कें म़ेदी तोहङले दि जाम्‍बुलीङला क्‍युर ज़्‍या़दी याहप्‍च्‍येन आबासाला फेप नाङगे मिहरोगी ती़हजी लेप सिहन्‍सीन माएँ स्‍याहल येशूला थुयी़ येहकें। ओहले जाम्‍बुलीङला येहकेन्‍गी राहङगी मिहया़ला चेवा जे-नाङदी मिहरोगी खुङया़ला तिङस्‍यो ती़हजी थुराङ चेवा जे नाङसीन।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 17:1

दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।

लूका 22:14

डेन ठाबे काहल फान्‍ज्‍यो येशू ल़ेह-पेन ङ्याम्‍बु छ्येच्‍येला ज़्‍य़ू नाङसीन।

लूका 22:16

ता़ह ङाह ख्‍याला माएँ, किन्‍ज्‍योगी क्‍याहल्‍सीला दि थार्पा छ्येपागी डेनगी तेहन्‍दा माहन्‍डुप थु ङाह येहपाराङ दि थार्पा छ्येपागी डेन साहज्‍ये म़ेह” म़ेदी येशूगी सुङ नाङसीन।